Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

୪୦ ବର୍ଷ ପରେ ପ୍ରଥମ ଥର ପାଇଁ କୁଏତ ଯିବେ ମୋଦି, ନିବେଶକଙ୍କୁ ଆକୃଷ୍ଟ କରିବା ସହ ପ୍ରତିରକ୍ଷା କ୍ଷେତ୍ରରେ ବଢିବ ସହଯୋଗ

15/12/2021 at 10:48 AM

ନୂଆଦିଲ୍ଲୀ ୧୫/୧୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଖୁବ ଶୀଘ୍ର କୁଏତ ଗସ୍ତ କରିବେ । ବିଶେଷ କଥା ହେଉଛି ଗତ ୪୦ ବର୍ଷ ମଧ୍ୟରେ କୁଏତ ଗସ୍ତ ପ୍ରଧାନମନ୍ତ୍ରୀଙ୍କ ପ୍ରଥମ ଗସ୍ତ ହେବ। କୁହାଯାଉଛି ଯେ କୁଏତ ଗସ୍ତ ପ୍ରଧାନମନ୍ତ୍ରୀଙ୍କ ଏହି ଯୋଜନା ପଶ୍ଚିମ ଏସିଆର ଦେଶ ସହ ସମ୍ପର୍କକୁ ମଜବୁତ କରିବା । ସୂଚନା ଥାଫକି କୁଏତ ତୈଳ କ୍ଷେତ୍ରରେ ଏକ ସମୃଦ୍ଧ ଦେଶ ଅଟେ ।

ଏହା ମଧ୍ୟ ଭାରତରେ ତୈଳ ଯୋଗାଣର ଏକ ଗୁରୁତ୍ୱପୂର୍ଣ୍ଣ ଉତ୍ସ ହୋଇପାରେ । କୁହାଯାଉଛି ଯେ ଏହି ଗସ୍ତ ସମୟରେ ପ୍ରଧାନମନ୍ତ୍ରୀ ମୋଦି କୁଏତ ନିବେଶକମାନଙ୍କୁ ଭାରତ ଆସିବାକୁ ଆମନ୍ତ୍ରଣ କରିପାରନ୍ତି । ଏହା ବ୍ୟତୀତ କୁଏତ ସହ ପ୍ରତିରକ୍ଷା ସହଯୋଗ ବୃଦ୍ଧି ପାଇଁ ମଧ୍ୟ ଉଦ୍ୟମ କରାଯିବ । କିଛି ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ଜାନୁଆରୀ ପ୍ରଥମ ସପ୍ତାହରେ ପିଏମ ମୋଦି କୁଏତ ଗସ୍ତ କରିବାର କାର୍ଯ୍ୟକ୍ରମ ରହିଛି ।

ଏହାପୂର୍ବରୁ ୨୦୧୫ ମସିହାରେ ପ୍ରଧାନମନ୍ତ୍ରୀ ଅନ୍ୟ ୫ଟି ଗଲ୍ଫ ଦେଶ ଗସ୍ତ କରିଥିଲେ । ସେତେବେଳେ ପ୍ରଧାନମନ୍ତ୍ରୀ କୁଏତ ଯାଇପାରିନଥିଲେ । ବାସ୍ତବରେ କୁଏତରେ ପ୍ରାୟ ୧ ନିୟୁତ ଭାରତୀୟ ଅଛନ୍ତି । ଏହି ଗସ୍ତ ସମୟରେ ଉଭୟ ଦେଶର ଦ୍ୱିପାକ୍ଷିକ ସମ୍ପର୍କକୁ ମଜବୁତ କରିବାକୁ ଉଦ୍ୟମ କରାଯିବ । କୁଏତ ସହିତ ଭାରତର ସମ୍ପର୍କ ଘନିଷ୍ଠ ରହିଛି । ଯେତେବେଳେ ଭାରତ କରୋନାର ଦ୍ୱିତୀୟ ଲହର ସହିତ ଲଢୁଥିଲା ।

ସେତେବେଳେ କୁଏତ ବହୁ ସଂଖ୍ୟକ ଅମ୍ଳଜାନ ସିଲିଣ୍ଡର ଏବଂ ଅନ୍ୟାନ୍ୟ ସ୍ୱାସ୍ଥ୍ୟ ସମ୍ବନ୍ଧୀୟ ଉପକରଣ ପଠାଇ ଭାରତକୁ ସାହାଯ୍ୟ କରିଥିଲା । କେବଳ ଏତିକି ନୁହେଁ, କୁଏତର ସମର୍ଥନ ପାଇଁ ଧନ୍ୟବାଦ ଜଣାଇବା ପାଇଁ କୁଏତର ଅମିର ଶେଖ ନୱାଫ ଅଲ-ଅହମ୍ମଦଙ୍କୁ ପ୍ରଧାନମନ୍ତ୍ରୀ ମୋଦି ଲେଖିଥିବା ଚିଠି ନିଜେ ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ନେଇ ସେଠାରେ ପହଞ୍ଚିଥିଲେ ।

   Related Posts