ମୁମ୍ବାଇ: ଲୋକସଭା ନିର୍ବାଚନ ପୂର୍ବରୁ ମାଷ୍ଟରଷ୍ଟ୍ରୋକ୍ । ବିକାଶରେ ଅନ୍ତମ ରୂପ ଦେଉଛନ୍ତି କେନ୍ଦ୍ର ସରକାର । ଇନଫ୍ରାଷ୍ଟ୍ରକଚର ଉପରେ ବିଶେଷ ଧ୍ୟାନ ଦେଇ ଏକ୍ସପ୍ରେସ୍ ହାଇଓ୍ବେ ନିର୍ମାଣ କାର୍ଯ୍ୟକୁ ଜୋରଦାର କରିଛନ୍ତି । ଦେଶର ପ୍ରମୁଖ ସହରକୁ ଏହାରି ମାଧ୍ୟମରେ ଯୋଡିବା ସହିତ ଦୂରତା ମଧ୍ୟ ହ୍ରାସ ପାଉଛି । ଦିଲ୍ଲୀ-ମୁମ୍ବାଇ ଏକ୍ସପ୍ରେସ୍ ହାଇଓ୍ବେ ନିର୍ମାଣ ଦ୍ରୁତ ଗତିରେ ଚାଲିଛି । ଏହାର ରାଜସ୍ଥାନ ଅଂଶ ଶେଷ ହୋଇଥିବା ବେଳେ ଏହାକୁ ଉଦଘାଟନ କରିବାକୁ ଯାଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ରବିବାର ପ୍ରଧାନମନ୍ତ୍ରୀ ଏହି ଏକ୍ସପ୍ରେସ୍ ହାଇଓ୍ବେର ଶୁଭ ଉଦଘାଟନ କରିବେ। ୧୩୮୬ କିଲୋମିଟର ଏହି ସ୍ବତନ୍ତ୍ର ଜାତୀୟ ରାଜପଥ ରାଜଧାନୀ ଦିଲ୍ଲୀରୁ ମୁମ୍ବାଇକୁ ଯୋଡିବ । ଏହା ଦ୍ବାରା ଦିଲ୍ଲୀରୁ ମୁମ୍ବାଇ ଯାତ୍ରା ମାତ୍ର ୧୨ ଘଣ୍ଟାରେ ଶେଷ ହେବ । ଆସନ୍ତା କାଲି ପ୍ରଧାନମନ୍ତ୍ରୀ ଦିଲ୍ଲୀ-ମୁମ୍ବାଇ ଏକ୍ସପ୍ରେସ ହାଇଓ୍ବେର ରାଜସ୍ଥାନରେ ଆସୁଥିବା ଅଂଶ, ସୋହନା-ଦୋସା ରାସ୍ତାକୁ ନୀଳ ପତାକା ଦେଖାଇବେ । ଏହି ରାସ୍ତା ସାଧାରଣ ଲୋକଙ୍କ ପାଇଁ ଖୋଲିବା ପରେ ଦିଲ୍ଲୀରୁ ଜୟପୁର ୨ଘଣ୍ଟା ମଧ୍ୟରେ ଯାତ୍ରା ଶେଷ ହେବ ।
ଦିଲ୍ଲୀ-ମୁମ୍ବାଇ ୪ ଲଇନ୍ ବିଶିଷ୍ଟ ଏକ୍ସପ୍ରେସ୍ ହାଇଓ୍ବେର ଭବିଷ୍ୟତ ୮ ଲାଇନ୍ ହେବା ନେଇ ଲକ୍ଷ୍ୟ ରହିଛି ।
ଏହି ଏକ୍ସପ୍ରେସ୍ ହାଇଓ୍ବେ ୫ଟି ରାଜ୍ୟ ଦେଇ ଯାଉଛି । ଦିଲ୍ଲୀ, ହରିୟାଣା, ରାଜସ୍ଥାନ, ଗୁଜରାଟ ଓ ମହାରାଷ୍ଟ୍ର ଦେଇ ଅତିକ୍ରମ କରିବ । ଏହାର ନିର୍ମାଣ ପାଇଁ ସମସ୍ତ ୫ରାଜ୍ୟ ୧୫ ହଜାର ହେକ୍ଟର ଜମି ଯୋଗାଇ ଦେଇଛନ୍ତି ।
ଏକ୍ସପ୍ରେସ୍ ହାଇଓ୍ବେ ଯାତ୍ରାକୁ ଆନନ୍ଦ ଦାୟକ କରିବା ପାଇଁ ରାସ୍ତାର ଉଭୟ ପାର୍ଶ୍ବରେ ୯୪ଟି ସ୍ଥାନରେ ବିଭିନ୍ନ ସୁବିଧା ବ୍ୟବସ୍ଥା କରାଯାଇଛି ।
ଏକ୍ସପ୍ରେସ୍ ହାଇଓ୍ବେରେ ୪୦ରୁ ଅଧିକ ପ୍ରମୁଖ ଇଣ୍ଟରଜେଣ୍ଟ ରହିବ । ଯାହା କୋଟା, ଇନ୍ଦୋର, ଜୟପୁର, ଭୋପାଲ, ଭୋଦଦରା ଏବଂ ସୁରଟ ପର୍ଯ୍ୟନ୍ତ କନେକ୍ଟଭିଟି ରହିବ ।
ଏହି ପରିଯୋଜନାରେ ସୋହନାରୁ ଦୋସା ପର୍ଯ୍ୟନ୍ତ ୨୪୬ କିଲୋମିଟର ରାସ୍ତା ମଙ୍ଗଳବାର ସାଧାରଣ ଲୋକଙ୍କ ପାଇଁ ଖୋଲିଯିବ ।
୨୦୧୮ରେ ଏହି ପ୍ରୋଜେକ୍ଟ ପାଇଁ ପ୍ରାରମ୍ଭିକ ବଜେଟ୍ ୮୦ହଜାର କୋଟି ଟଙ୍କା ଆକଳନ କରାଯାଇଛି । ଏହି ଯୋଜନା ମାଧ୍ୟମରେ ୧୦କୋଟି ମାନବ ଦିବସ ସୃଷ୍ଟି ହେବା ନେଇ ଅନୁମାନ କରାଯାଇଛି ।
ଏକ୍ସପ୍ରେସ୍ ହାଇଓ୍ବେ ଯାତ୍ରା କଲେ ପ୍ରାୟ ୧୮୦ କିଲୋମିଟର ରାସ୍ତା କମିବ । ୧୪୨୪ କିଲୋମିଟର ରାସ୍ତା ଯାତ୍ରା କରିବା ବଦଳରେ ୧୨୪୨ କିଲୋମିଟର ଯାତ୍ରା କରିବାକୁ ପଡ଼ିବ ।
ଏକ୍ସପ୍ରେସ୍ ହାଇଓ୍ବେରେ ଇଲେକ୍ଟ୍ରିକ୍ ଗାଡ଼ି ପାଇଁ ଚାର୍ଚ୍ଚ ପଏଣ୍ଟ, ହେଲିପ୍ୟାଡ, ଟ୍ରାମା କେୟାର ସେଣ୍ଟର ସୁବିଧା ରହିବ । ଲୋକସଭା ନିର୍ବାଚନ ପୂର୍ବରୁ ସମ୍ପୂର୍ଣ୍ଣ ରାସ୍ତାକୁ ନିର୍ମାଣ ଶେଷ କରିବାକୁ ଉଦ୍ୟମ ଚଳାଇଛନ୍ତି କେନ୍ଦ୍ର ସରକାର ।
