ନୂଆଦିଲ୍ଲୀ ୨୦ | ୦୨ – ଦିଲ୍ଲୀ ବିଧାନସଭା ନିର୍ବାଚନରେ ଚିତପଟ୍ଟାଙ୍ଗ ମାରିଥିବା ବିଜେପିକୁ ଏବେ ପୁଣି ଉଠିବାକୁ ମନ୍ତ୍ର ଦେଇଛି ଆରଏସ୍ଏସ୍ । କହିଛି , ମୋଦି-ଶାହା ସବୁବେଳେ ଜିତାଇ ପାରିବେନାହିଁ । ରାଜ୍ୟ ବିଧାନସଭା ଭୋଟରେ ବିଜେପିର ନମ୍ବର ୱାନ୍ ଏବଂ ଟୁ ଙ୍କ ମ୍ୟାଜିକ ସବୁବେଳେ କାମ ଦେବନି । ତେଣୁ ଦଳକୁ ସଂଗଠନ ମଜବୁତ କରିବାକୁ ହେବ । ଆରଏସ୍ଏସ୍ ମାଉଥ ପିସ୍ ଅର୍ଗାନାଇଜର ସଂପାଦକୀୟରେ ପ୍ରକାଶିତ ଲେଖାରେ ଏହି ବାର୍ତ୍ତା ଦେଇଛି ସଂଘ ।ଲେଖାଟିରେ ବିଜେପିକୁ ସାଂଗଠନୀକ ଶକ୍ତି ଓ ଦକ୍ଷତା ବୃଦ୍ଧି ଉପରେ ଫୋକସ କରିବାକୁ ପରାମର୍ଶ ସହ ଆରଏସ୍ଏସ୍ ଦେଇଥିବା ମନ୍ତ୍ର ପରୋକ୍ଷରେ ମୋଦି-ଶାହାଙ୍କ ମ୍ୟାଜିକ୍ କମିଥିବା ମଧ୍ୟ ସ୍ୱୀକାର କରିଥିବା ମନେହେଉଛି ।
{"id":226878,"sizeSlug":"large"}![](https://www.prameyanews7.com/wp-content/uploads/2020/02/111-19.jpg)
ଦିଲ୍ଲୀରେ ଆମ ଆଦମି ପାର୍ଟି ପୁଣିଥରେ କ୍ଷମତା ହାସଲ କରିନେବା ପରେ ପ୍ରଥମଥର ଲାଗି ବିଜେପିକୁ ପରାମର୍ଶ ଦେଇଛି ଆରଏସ୍ଏସ୍ । “ Delhi’s diverhent mandate “ ଶୀର୍ଷକ ଲେଖାରେ ଆରଏସ୍ଏସ୍ ମୁଖପାତ୍ର ଅର୍ଗାନାଇଜର ବିଜେପିକୁ ପରାମର୍ଶ ଦେଇଛି । ଦିଲ୍ଲୀରେ ବିଜେପିର ପ୍ରଚାର ତରିକା ଏବଂ ପ୍ରଚାର କାର୍ଯ୍ୟକ୍ରମରେ ଅନେକ ତ୍ରୁଟିଥିବା କହିଛି ସଂଘ । ସଂପାଦକୀୟଟି ଲେଖିଛନ୍ତି, ଅର୍ଗାନାଇଜର ସଂପାଦକ ପ୍ରଫୁଲ୍ଲ କେଟକାର ।
{"id":226879,"sizeSlug":"large"}![](https://www.prameyanews7.com/wp-content/uploads/2020/02/Capture-122.jpg)
ସେ ଲେଖିଛନ୍ତି ନରେନ୍ଦ୍ର ମୋଦି ଏବଂ ଅମିତ ଶାହା ସବୁବେଳେ ବିଜେପିକୁ ସହାୟକ ହୋଇପାରିବେ ନାହିଁ । ତେଣୁ ତାର ଏକ ମାତ୍ର ବିକଳ୍ପ ହେଲା ଦଳର ସଂଗଠନକୁ ଏବଂ ତୃଣମୂଳ ସ୍ତରରୁ ଦଳକୁ ମଜବୁତ କରିବାକୁ ହେବ । ଆପ୍ ସରକାରଙ୍କ ବିରୋଧରେ ସରକାର ବିରୋଧି ସ୍ବର ନଉଠିବା ଏବଂ ଭୋଟରଙ୍କ ଭିତରେ ବିଜେପି ଏକ ସମର୍ତନର ସ୍ବର ସୃଷ୍ଟି ନକରିପାରିବାର କାରଣ ବି ଲେଖିଛନ୍ତି କେଟକାର ।
{"id":226880,"sizeSlug":"large"}![](https://www.prameyanews7.com/wp-content/uploads/2020/02/Mohan-1581863452.jpg)
ବିଜେପି ଲୋକଙ୍କ ଆସ୍ଥାଭାଜନ ହେବା ସବୁଠୁ ଗୁରୁତ୍ବପୂର୍ଣ୍ଣ ବୋଲି ଲେଖିଛନ୍ତି ।ଏହା ସହ ସେ ଫେବୃଆରୀ ୮ ରେ ଅନୁଷ୍ଠିତ ଦିଲ୍ଲୀ ବିଧାନସଭା ନିର୍ବାଚନକୁ ପ୍ରଭାବିତ କରିଥିବା ବିଭିନ୍ନ ପ୍ରସଙ୍ଗର ଉଲ୍ଲେଖ ମଧ୍ୟ କରିଚନ୍ତି । ଆପ୍ ୬୨ ଆସନ ଜିତିବା ଏବଂ ବିଜେପି ୮ ଆସନରେ ସୀମିତ ରହିବାର କିଛି ଦିଗ ଉପରେ ଆଲୋକପାତ କରିଛି ଅର୍ଗାନାଇଜର ସଂପାଦକୀୟ ।
ଏସବୁ ଯୁକ୍ତି ଭିତରେ ବି ବିଜେପିର ମୋଦି-ଶାହା ଯୋଡି ଆଉ ବିଜୟ ଯୋଡି ବା ୱିନିଙ୍ଗ କମ୍ବିନେସନ ହୋଇ ନଥିବା ବୁଝା ପଡୁଛି । ବିଶେଷ କରି ଗୋଟିଏ ପରେ ଗୋଟିଏ ରାଜ୍ୟ ବିଧାନସଭା ନିର୍ବାଚନରେ ବିଜେପିର ଭୋଟ ହ୍ରାସ ଏବଂ କିଛି ରାଜ୍ୟରେ କ୍ଷମତା ହରାଇବା ଘଟଣାରୁ ସଂଗଠନ ମଜବୁତ ଫଣ୍ଡା ବିଜେପି ଲାଗି ଏକ ମାତ୍ର ଶକ୍ତ ବିକଳ୍ପ ନିଶ୍ଚୟ ।