ସମ୍ବଲପୁର ୨୮/୧୦: ସମ୍ବଲପୁର ସହରରେ ଆଜି ମୋ ବସ୍ ବନ୍ଦ । ମୋ ବସ୍ ବନ୍ଦ କରିଛନ୍ତି କର୍ମଚାରୀ । ମହିଳା କର୍ମଚାରୀଙ୍କ ବିଭିନ୍ନ ଦାବିନେଇ ବନ୍ଦ ରହିଛି ମୋ ବସ୍, ପ୍ରବଳ ଭିଡ଼ ହେଉଥିବାରୁ ଟିକେଟ କାଟିବାକୁ ଅସୁବିଧା ସହ ଅନେକ ସମସ୍ୟାର ସମାଧାନ ପାଇଁ ବନ୍ଦ ରହିଛି ମୋ ବସ୍ ।
ସମସ୍ୟାର ସମାଧାନ ନ ହେବା ପର୍ଯ୍ୟନ୍ତ ବନ୍ଦ ରହିବ ବସ ସେବା । ସେପଟେ ଅନେକ ସମୟରେ ଦରମା କାଟ ହେଉଥିବାରୁ ଆଜି ଧାରଣାରେ ବସିଛନ୍ତି ମହିଳା କର୍ମଚାରୀ । ସୂଚନା ଥାଉକି, ଅନେକ ଦିନ ଧରି ନିଜର ଅସୁବିଧା ସଂପର୍କରେ ଅବଗତ କରାଇ ଆସୁଛନ୍ତି ବସ୍ରେ ମହିଳା କର୍ମଚାରୀ ।
ତେବେ ତାଙ୍କ ଦାବିକୁ ଅଣଦେଖା କରୁଛି ପ୍ରଶାସନ । ଶେଷରେ ଅନ୍ୟ ଉପାୟ ନପାଇ ବାଧ୍ୟହୋଇ ଧାରଣାରେ ବସିଛନ୍ତି କର୍ମଚାରୀ । ଆଉ ଦାବି ପୂରଣ ନହେବା ପର୍ଯ୍ୟନ୍ତ ସେମାନେ ଧାରଣା କରିବେ ବୋଲି ସ୍ପଷ୍ଟ କରିଛନ୍ତି । ସେପଟେ ବସ୍ ନଗଡିବାରୁ ହନ୍ତସନ୍ତ ଯାତ୍ରୀ ।
