ନୂଆଦିଲ୍ଲୀ: ଘୋଷଣା ହେଲା ଦେଶର ସର୍ବୋଚ୍ଚ ନାଗରିକ ପୁରସ୍କାର ପଦ୍ମ ପୁରସ୍କାର। ସମାଜର ବିଭିନ୍ନ କ୍ଷେତ୍ରରେ ଅବଦାନ ପାଇଁ ଚଳିତ ଥର ୧୦୬ ଜଣକୁ ପଦ୍ମ ପୁରସ୍କାରରେ ସମ୍ମାନିତ କରାଯିବ। ଯେଉଁଥିରେ ୯୧ ଜଣକୁ ପଦ୍ମଶ୍ରୀ, ୬ ଜଣକ ପଦ୍ମ ବିଭୂଷଣ ଏବଂ ୯ ଜଣକୁ ପଦ୍ମଭୂଷଣ ଘୋଷଣା କରାଯାଇଛି। ଏହି ପୁରସ୍କାର ବିଜେତାଙ୍କ ମଧ୍ୟରେ ଅଛନ୍ତି RRR ଫିଲ୍ମର ନାଟୁ ନାଟୁ ଗୀତର ସଂଗୀତ ନିର୍ଦ୍ଦେଶକ ଏମ୍ଏମ୍ କୀରବାଣୀ। ତାଙ୍କୁ ଦେଶର ଚତୁର୍ଥ ସର୍ବୋଚ୍ଚ ସମ୍ମାନ ପଦ୍ମଶ୍ରୀ ପୁରସ୍କାର ପାଇଁ ମନୋନୀତ କରାଯାଇଛି।
କୋଡୁରୀ ମରକଥାମଣି କୀରବାଣୀଙ୍କୁ ଲୋକେ ଏମ୍ଏମ୍ କୀରବାଣୀ ନାମରେ ଜାଣନ୍ତି। ସେ ଦକ୍ଷିଣ ତାମିଲ ସିନେମାରେ ଜଣେ ପ୍ରଖ୍ୟାତ ସଂଗୀତ ନିର୍ଦ୍ଦେଶକ, ପ୍ଲେବ୍ୟାକ୍ ସିଙ୍ଗର ଏବଂ ଗୀତିକାର ମଧ୍ୟ। ନିକଟରେ ତାଙ୍କର ନାଟୁ ନାଟୁ ଗୀତ ଅନ୍ତର୍ଜାତୀୟ ସ୍ତରରେ ବେଷ୍ଟ ଅରଜିନାଲ ଗୀତ ବର୍ଗରେ ଗୋଲ୍ଡେନ୍ ଗ୍ଲୋବ୍ ପୁରସ୍କାର ପାଇଛି।
{"width":841,"height":473}
ଏସ୍ଏସ୍ ରାଜାମୌଲୀଙ୍କର ଫିଲ୍ମ ବାହୁବଳିରୁ କୀରବାଣୀଙ୍କ ଲୋକପ୍ରିୟତା ମିଳିଥିଲା। ବାହୁଳବଳି ଓ ବାହୁଳଳି ୨ରେ ସେ ସଂଗୀତ ନିର୍ଦ୍ଦେଶନା ଦେଇଥିଲେ। ଆଉ ଏବେ RRR ଫିଲ୍ମ ପାଇଁ ନାଟୁ ନାଟୁ ଗୀତକୁ ନିର୍ଦ୍ଦେଶନା ଦେଇ ରେକର୍ଡ କରିଛନ୍ତି।
ସୂଚନା ଥାଉକି କୀରବାଣୀ ୧୯୯୦ରେ ‘ମନସୁ ମମତା’ ଆସିଷ୍ଟାଣ୍ଟ ମ୍ୟୁଜିକ ଡାଇରେକ୍ଟର ଭାବେ ନିଜ କ୍ୟାରିୟର ଆରମ୍ଭ କରିଥିଲେ। ଏହାପରେ ସେ ଲାଇମଲାଇଟ୍କୁ ଆସିଥିଲେ। ଏହାପରେ ୧୯୯ରେ ବଲିଉଡ୍ରେ ତାଙ୍କୁ ମହେଶ ଭଟ୍ଟଙ୍କ ସହ କାମ କରିବାକୁ ସୁଯୋଗ ମିଳିଥିଲା। କୀରବାଣୀ ତାଙ୍କ ଫିଲ୍ମ କ୍ୟାରିୟରରେ ବିଭିନ୍ନ ଭାଷାରେ ୧୫୦ରୁ ଅଧିକ ଫିଲ୍ମରେ କାମ କରିଛନ୍ତି।
ଘୋଷଣା ହୋଇଥିବା ପଦ୍ମ ପୁରସ୍କାର ବିଜେତାଙ୍କ ମଧ୍ୟରେ ୧୯ ମହିଳା ୧୯ ବିଦେଶୀ/ଏନଆାରଆଇ/ପିଆଇଓ/ଓସିଆଇ ଶ୍ରେଣୀରେ ୨ ଜଣ ରହିଛନ୍ତି। ସେହିପରି ୭ ମରଣୋତ୍ତର ପୁରସ୍କାର ତାଲିକାରେ ରହିଛନ୍ତି। ମରୋଣତ୍ତର ପଦ୍ମ ପୁରସ୍କାର ପାଇବାକୁ ଥିବା ବ୍ୟକ୍ତିଙ୍କ ମଧ୍ୟରେ ମୁଲାୟମ ସିଂହ ଯାଦବ ( ପଦ୍ମ ବିଭୂଷଣ), ବାଲକ୍ରିଷ୍ଣ ଦୋଶୀ(ପଦ୍ମ ବିଭୂଷଣ) ଓ ଦିଲ୍ଲୀପ ମହାଲନବୀସଙ୍କୁ ମଧ୍ୟ ପଦ୍ମ ବିଭୂଷଣ ପୁରସ୍କାର ମିଳିବ।
୪୧୨ ପୋଲିସ୍ ମେଡାଲ ଅଫ୍ ଗ୍ୟାଲେଣ୍ଟ୍ରି ପୁରସ୍କାର ବି ଘୋଷିତ
ନୂଆଦିଲ୍ଲୀ ୨୫/ ୦୧: ଗଣତନ୍ତ୍ର ଦିବସ ପୂର୍ବ ସନ୍ଧ୍ୟାରେ ଅର୍ଥାତ୍ ବୁଧବାର ବୀରତ୍ବ ପୁରସ୍କାର ଘୋଷଣା କରାଯାଇଛି । ଦେଶ ପାଇଁ ବଳିଷ୍ଠ ଅବଦାନ ଦେଇଥିବା ବୀର ସୈନିକଙ୍କ ପାଇଁ ଏହି ସ୍ବତନ୍ତ୍ର ସମ୍ମାନର ଘୋଷଣା କରିଛନ୍ତି କେନ୍ଦ୍ର ସରକାର । ୪୧୨ ଜଣ ବୀର ସୈନିକଙ୍କୁ ସମ୍ମାନିତ କରାଯାଇଛି। ଦୁଇ ଜଣଙ୍କୁ କୀର୍ତ୍ତି ଚକ୍ର ଏବଂ ୭ ବୀର ସୈନିକଙ୍କୁ ଶୌର୍ଯ୍ୟ ଚକ୍ର ଦିଆଯାଇଛି।
ସୂଚନା ଅନୁଯାୟୀ, ଚଳିତ ବର୍ଷ ସିଆରପିଏଫ୍ର ବୀରଙ୍କ ସବୁଠୁ ଅଧିକ ବୀରତା ପୁରସ୍କାର ମିଳିଛି। ୪୮ ପୋଲିସ୍ ମେଡାଲ ସିଆରପିଏଫ୍ ଯବାନଙ୍କୁ ଦିଆଯାଇଛି। ଏହା ବ୍ୟତୀତ ୧୪ ପୋଲିସ୍ ମେଡାଲ ଅଫ୍ ଗ୍ୟାଲେଣ୍ଟ୍ରି ମଧ୍ୟ ଦିଆଯାଇଛି।
ସେହିଭଳି ଏହି ପୁରସ୍କାର ସହ ୨୯ ପରମ ବିଶିଷ୍ଟ ସେବା ମେଡାଲ ଦିଆଯାଇଛି। ୩ ଉତ୍ତମ ଯୁଦ୍ଧ ସେବା ମେଡାଲ, ୩୨ ଅତି ବିଶିଷ୍ଟ ସେବା ମେଡାଲ, ୮ ଯୁବ ସେବା ମେଡାଲ, ୯୨ ସେନା ପଦକ (ବୀରତ୍ବ), ୭୯ ବିଶିଷ୍ଟ ସେବା ମେଡାଲ ଦିଆଯାଇଛି। ୨ ଜଣଙ୍କୁ ଓ୍ବାର୍ ଟୁ ବିଶିଷ୍ଟ ସେନା ମେଡାଲରେ ସମ୍ମାନିତ କରାଯିବ ।
