ଭୁବନେଶ୍ବର ୧୫।୩: ଶୂନ୍ୟକାଳରେ ବିଧାୟକଙ୍କ ଦରମା ବୃଦ୍ଧି ପ୍ରସଙ୍ଗ ଉଠାଇଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର l ନରସିଂହ କହିଲେ, ବିଧାୟକଙ୍କ ଦରମା ବୃଦ୍ଧି କରାଯାଉ l ସେମାନେ ବହୁତ ଅସୁବିଧାରେ ଅଛନ୍ତି l ଚଳିବା କଷ୍ଟ ହୋଇଯାଉଛି l ଏ ସଂକ୍ରାନ୍ତୀୟ ବିଲ୍ ଆଣି ଆଲୋଚନା କରାଯାଉ ।

ସେପଟେ କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି ମଧ୍ୟ ବିଧାୟକ ଦରମା ବୃଦ୍ଧିକୁ ସମର୍ଥନ କରିଛନ୍ତି । ତାରା କହିଛନ୍ତି, ଅନ୍ୟ ରାଜ୍ୟର ବିଧାୟକଙ୍କ ଦରମାକୁ ଅନୁସନ୍ଧାନ କରାଯାଇଛି l ଦରମା ବୃଦ୍ଧି ବିଲ୍ ସଂସଦୀୟ ବ୍ୟାପାର ମନ୍ତ୍ରୀ ଗୃହରେ ଆଗତ କର ।

ନରସିଂହ ମିଶ୍ରଙ୍କୁ ସମର୍ଥନ କଲେ ବିଧାୟକ ଅମର ଶତପଥୀ l ଅମର କହିଛନ୍ତି, ପୂର୍ବତନ ବିଧାୟକମାନେ ମଧ୍ୟ ଅସୁବିଧାରେ ଅଛନ୍ତି l ମୁଁ ରିପୋର୍ଟ ଦେଇସାରିଛି l ଦିଲ୍ଲୀର ବିଧାୟକ ମାନଙ୍କ ଦରମା ବୃଦ୍ଧି ହୋଇଛି  l

ବିଧାୟକଙ୍କ ଦରମା ବଢିବା ବୃଦ୍ଧି ପ୍ରସଙ୍ଗ ସମ୍ପର୍କିତ ବିଲ୍ ଗୃହରେ ଆଗତ କରିବାକୁ ସଂସଦୀୟ ବ୍ୟାପାର ମନ୍ତ୍ରୀଙ୍କୁ ରୁଲିଂ ଦେଇଛନ୍ତି ବାଚସ୍ପତି । ଗୃହରେ ସବୁ ସଦସ୍ୟଙ୍କ ଉଦବେଗ ପ୍ରକାଶ ପାଉଛି । ବିଧାୟକ ଏବଂ ପୂର୍ବତନ ବିଧାୟକଙ୍କ ପାଇଁ କମିଟି ତାହାର ରିପୋର୍ଟ ଦେଇସାରିଛନ୍ତି । ମୁଁ ସେ ରିପୋର୍ଟ ସଂସଦୀୟ ବ୍ୟାପାର ବିଭାଗକୁ ପଠାଇଦେଇଛି । ସଂସଦୀୟ ବ୍ୟାପାର ମନ୍ତ୍ରୀ ଗୃହରେ ଉପସ୍ଥିତ ଅଛନ୍ତି, ସେ ଗୃହର ନେତାଙ୍କ ସହ ଆଲୋଚନା କରନ୍ତୁ, ଗୃହକୁ ବିଲ୍ କେମିତି ଆସିବ ସମୟଚିତ ପଦକ୍ଷେପ ନିଅନ୍ତୁ ।