ରାଉରକେଲା ୧୪।୩: କୋଇଡା ବିଡ଼ିଓଙ୍କ ବଦଳି ଦାବିରେ ରାଜରାସ୍ତାରେ ବିଧାୟକଙ୍କ ସହ ସାଧାରଣ ଲୋକ । ବିଡ଼ିଓ ପଲ୍ଲବୀ ରାଣୀଙ୍କ ବିରୋଧରେ ଜନ ଅସନ୍ତୋଷ । ଧାରଣା ସହ ବିକ୍ଷୋଭ ପ୍ରଦର୍ଶନ କରିଛନ୍ତି କୋଇଡା ବ୍ଲକ୍ବାସୀ । ୧୫ ପଞ୍ଚାୟତର ୧୫ ସରପଞ୍ଚ, ସମସ୍ତ ସମିତି ସଭ୍ୟ ସହ ବଣେଇ ବିଧାୟକ ଲକ୍ଷ୍ମଣ ମୁଣ୍ଡା ଏହି ବିକ୍ଷୋଭରେ ସାମିଲ ହୋଇଛନ୍ତି । ବ୍ଲକ୍ କାର୍ଯ୍ୟାଳୟ ଘେରାଉ, ବ୍ଲକ୍ ଗେଟ୍ ଭଙ୍ଗା ସହ ପୋଲିସ ସହ ଧସ୍ତା ଧସ୍ତି ହୋଇଛି ।
ବିଡ଼ିଓ ପଲ୍ଲବୀ ରାଣୀ ଜଣେ ଦୁର୍ନୀତି ମୂଳକ ବିଡ଼ିଓ, ପୂର୍ବରୁ ଜିଲ୍ଲାର ଲେଫ୍ରିପଡ। ବ୍ଲକ୍ରେ ବିଡ଼ିଓ ଥିବା ବେଳେ ସ୍ୱଚ୍ଛ ଭାରତ ପାଇଖାନାରେ ଦୁର୍ନୀତି କରିଥିବାର ସ୍ପଷ୍ଟ ହେବା ପରେ କୋଇଡା ବ୍ଲକ୍ ବଦଳି ହୋଇଥିଲା । ଆଉ କୋଇଡା ବ୍ଲକ୍ ବିଡ଼ିଓ ଭାବରେ ଦାଇତ୍ୱ ଭାର ନେବା ପରେ ବ୍ଲକ୍ ର ସରକାରୀ ଉନ୍ନୟନ କାମରେ ମା-ଭାଇଙ୍କ ନାଁରେ ଠିକା, DMF ଅର୍ଥର ଭୁଲ୍ ବିନିଯୋଗ, ଜନ ପ୍ରତିନିଧିମାନଙ୍କୁ ଦୂର ବ୍ୟବହାର, ବାରମ୍ବାର ଜିଲ୍ଲାପାଳ, ସହ ରାଜ୍ୟ ପ୍ରଶାସନକୁ ଜଣାଇବା ପରେ ବିଡ଼ିଓ ପଲ୍ଲବୀ ରାଣୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନହେବାରୁ ରାଜରାସ୍ତାକୁ ଓହ୍ଲାଇଛନ୍ତି ଜନ ପ୍ରତିନିଧିଙ୍କ ସହ ସ୍ଥାନୀୟ ଲୋକେ । ବାମପନ୍ଥୀ ଶ୍ରମିକ ସଂଗଠନ ସିଟୁର ଆହ୍ୱାନରେ ବିକ୍ଷୋଭ ସହ ଆନ୍ଦୋଳନ କରିଛନ୍ତି ।
