ଜଗତସିଂହପୁର ୦୩/୦୨: ଗତ ୮ ମାସ ପରେ କୁହୁଳିଛି ତିର୍ତ୍ତୋଲ ବିଧାୟକ ବିଜୟ ଶଙ୍କର ଦାସ ଓ ତାଙ୍କ ପ୍ରେମିକା ସୋମାଲିକା ଦାସଙ୍କ ବିବାହ ବିବାଦ । ପୁଣି ସୃଷ୍ଟି ହୋଇଛି ବିବାଦ ।

ହାଇକୋର୍ଟଙ୍କ ନିର୍ଦେଶ କ୍ରମେ ସୋମାଲିକା ଗତକାଲି ବିଳମ୍ବିତ ରାତିରେ ଜଗତସିଂହପୁର ସଦର ଥାନାରେ ବିଜୟ ଶଙ୍କରଙ୍କ ନାଁରେ ସାନି ଏତାଲା ଦେଇଛନ୍ତି । ପୂର୍ବରୁ ସେ ଦେଇଥିବା ଏତଲାକୁ ଭିତ୍ତି କରି ପୋଲିସ କେଶ ଦାୟର କରି ନଥିବାର ଅଭିଯୋଗ କରି ସୋମାଲିକା ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।

ପୋଲିସ ସୋମାଲିକାଙ୍କ ସାନି ଏତଲାକୁ ଗ୍ରହଣ କରିବା ସହିତ ମକଦମା ରୁଜୁ କରିବାକୁ ହାଇକୋର୍ଟ ନିର୍ଦେଶ ଦେବା ପରେ ଜଗତସିଂହପୁର ପୋଲିସ ଏହାକୁ ଗୁରୁତର ସହକାରେ ନେବା ସହ ଏତାଲାକୁ ଗ୍ରହଣ କରିଛି । ଅନ୍ୟପଟେ ପୂର୍ବ ଏତାଲାକୁ ଭିତ୍ତି କରି ଗୋଟିଏ କେଶ ରୁଜୁ ହୋଇଥିବାର ଜଗତସିଂହପୁର ଥାନା ଅଧିକାରୀ କହିଛନ୍ତି । ଶୁକ୍ରବାର ସୋମାଲିକାଙ୍କୁ ପୁନର୍ବାର ଥାନାକୁ ଡକା ଯାଇ ଅଧିକ ତଦନ୍ତ ହେବ ବୋଲି ପୋଲିସ ସୁତ୍ରରୁ ଜଣାଯାଇଛି ।