ଜୟପୁର ୨୧/୦୬: ଅନ୍ତରାଷ୍ଟ୍ରୀୟ ଯୋଗ ଦିବସ । ୨୧ଜୁନ ୨୦୧୫ ରେ ଆରମ୍ଭ ହୋଈଥିବା ଯୋଗ ଦିବସ ଏହି ବର୍ଷ ନବମ ବର୍ଷରେ ପହଞ୍ଚିଛି । ଏହି ଉପଲକ୍ଷେ ଜୟପୁରରେ ବିଭିନ୍ନ ଅନୁଷ୍ଠାନ ତରଫରୁ ଯୋଗ ଦିବସ ପାଳନ କରାଯାଇଛି । ଯୋଗ ଦିବସ ଉପଲକ୍ଷେ ଜୟପୁର ପତଂଜଳି ଯୋଗ ପୀଠ ତରଫରୁ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା ।

ଏଥିରେ ଜୟପୁର ବିଧାୟକ ତାରା ପ୍ରସାଦ ବାହିନୀପତିଙ୍କ ସମେତ ଜିଲ୍ଲାର ବିଭିନ୍ନ ସ୍ଥାନରୁ ଅନେକ ଯୋଗ ସାଧକ ସାଧିକା ଯୋଗ ଦେଇଥିଲେ । ମୁନି ଋଷି କାଳରୁ ଯୋଗ ସାଧନା ଭାରତରେ ହୋଇ ଆସୁଛି । ଏବେ ଏହା ବିଶ୍ବ ଦରବାରରେ ପହଞ୍ଚାଇବାକୁ ପ୍ରୟାସ ଆରମ୍ଭ ହୋଈଛି । ଭାରତର ଏହି ପ୍ରୟାସ ବିଶ୍ବର କୋଣ ଅନୁକୋଣରେ ପହଞ୍ଚି ପାରିଛି । ଫଳରେ ଏହି ବର୍ଷ ଅନ୍ତର୍ଜାତୀୟ ଯୋଗ ଦିବସ ୧୯୩ଟି ଦେଶରେ ପାଳନ ହୋଇଛି ।

କଷ୍ଟସାଧ୍ୟ ଦୁରା ରୋଗ ଯାହା ଔଷଧରେ ଭଲ ହୁଏନି ତାହା ଯୋଗ ମାଧ୍ୟମରେ ହୋଇ ପାରେ ବୋଲି କହିଛନ୍ତି ଯୋଗ ପ୍ରଶିକ୍ଷିକ ଜାନକୀ ପାଣିଗ୍ରାହୀ । ଯୋଗ ଦ୍ୱାରା ଶରୀର ସୁସ୍ଥ ରହିବା ସହ ମନକୁ ମଧ୍ୟ ଶାନ୍ତି ମିଳିଥାଏ ବୋଲି କହିଛନ୍ତି ବିଧାୟକ ତାରା ପ୍ରସାଦ ବାହିନୀପତି । ତେଣୁ ହୃଦଘାତ, ଅଣ୍ଟା ବଥା ଓ ମଧୁମେହ ପରି ରୋଗରୁ ମୁକ୍ତି ପାଇବାକୁ ଯୋଗ ହିଁ ଏକ ମାତ୍ର ମାଧ୍ୟମ ବୋଲି କହିଛନ୍ତି ସମସ୍ତ ଯୋଗ ସାଧକ ସାଧିକା ।