ସୁବର୍ଣ୍ଣପୁର: ରାଜ୍ୟରେ ହେବାକୁ ଥିବା ଦ୍ବିତୀୟ ପର୍ଯ୍ୟାୟ ନିର୍ବାଚନ ପାଇଁ କାଲି ସରୁଛି ପ୍ରଚାର। ତେଣୁ ସୋନପୁର ବିଧାନସଭା ନିର୍ବାଚନ ମଣ୍ଡଳୀର ବିଜୁ ଜନତା ଦଳ ବିଧାୟକ ପ୍ରାର୍ଥୀ ନିରଞ୍ଜନ ପୂଜାରୀ ହଜାର ହଜାର ମହିଳାଙ୍କୁ ନେଇ ନିଜର ଶକ୍ତି ପ୍ରଦର୍ଶନ କରିଛନ୍ତି । ପ୍ରଥମେ ସହରର ଗୁଣ୍ଡିଚା ମନ୍ଦିରରୁ ହଜାର ହଜାର ମହିଳାଙ୍କୁ ନେଇ ଏକ ଶୋଭାଯାତ୍ରାରେ ବାହାରି ଦୁର୍ଗାମଣ୍ଡପ ଛକ, ଗଙ୍ଗାଧର ଛକ, ବସଷ୍ଟାଣ୍ଡ, ମଝିପଡ଼ା ଦେଇ ଘୋଡ଼ାଘଟ ପଡ଼ାଠାରେ ସମାପ୍ତ ହୋଇଥିଲା । ଶୋଭାଯାତ୍ରାରେ ଯିବା ସମୟରେ ବିଜେଡି ଜିନ୍ଦାବାଦ୍‌ ଧ୍ଵନିରେ ସହର ପ୍ରକମ୍ପିତ ହୋଇଥିଲା । ସହର ମଧ୍ୟରେ ଥିବା ବିଜୁ ପଟ୍ଟନାୟକ ମୂର୍ତ୍ତିରେ ବିଧାୟକ ପ୍ରାର୍ଥୀ ପୁଷ୍ପ ମଲ୍ୟ ଅର୍ପଣ କରିଥିଲେ ।