ନୂଆଦିଲ୍ଲୀ: ମିଜୋରାମରେ ନୂଆ ସରକାର । ଶୁକ୍ରବାର ଠାରୁ ଶାସନ ଭାର ସମ୍ଭାଳିବ ଜୋରାମ୍ ପିପୁଲ୍ସ ମୁଭମେଣ୍ଟ ପାର୍ଟି । ଜେଡପିଏମ୍ ନେତା ଲାଲଦୁହୋମା ମୁଖ୍ୟମନ୍ତ୍ରୀ ଭାବେ ଶପଥ ନେବେ । ଆଜି ଦିନ ୧୦ଟା ବେଳେ ରାଜଭବନରେ ଶପଥ ଗ୍ରହଣ ଉତ୍ସବ ହେବ । ବୁଧବାର ଜେଡପିଏମ୍ ନେତା ରାଜ୍ୟପାଳ ହରି ବାବୁ କାମ୍ଭମପତିଙ୍କୁ ସାକ୍ଷାତ କରି ସରକାର ଗଠନ ନେଇ ଦାବି ପତ୍ର ଦେଇଛନ୍ତି ।
୪୦ ଆସନ ବିଶିଷ୍ଟ ବିଧାନସଭାରେ ଜୋରାମ୍ ପିପୁଲ୍ସ ମୁଭମେଣ୍ଟ ପାର୍ଟି ୨୭ଟି ସିଟ୍ ସ୍ପଷ୍ଟ ବହୁମତ ସହିତ ବିଜୟୀ ହୋଇଛି । ରାଜ୍ୟରେ ବିରୋଧୀ ପାର୍ଟି ଏମଏନଏଫକୁ ମାତ୍ ଦେଇଛି ଦଳ । ଏମଏନଏଫ ୧୦ଟି ବିଧାନସଭା ଆସନରେ ବିଜୟୀ ହୋଇଥିବା ବେଳେ ବିଜେପିକୁ ମାତ୍ର ୨ଟି ଏବଂ କଂଗ୍ରେସ ପାର୍ଟି ଗୋଟିଏ ସିଟ୍ରେ ସୀମିତ ରହିଛି ।
wp:embed {"url":"https://www.prameyanews7.com/woman-got-five-heart-attacks-in-last-16-months/","type":"wp-embed","providerNameSlug":"prameya-news-7"}ଜେଡପିଏମ ନେତାଙ୍କ କହିବା ଅନୁଯାୟୀ, ଦଳ ପକ୍ଷରୁ ବୁଧବାର ରାଜ୍ୟପାଳ ହରି ବାବୁ କାମ୍ଭମପତିଙ୍କୁ ଭେଟ୍ କରି ସରକାର ଗଠନ ପାଇଁ ଦାବି ରଖିଥିଲେ । ତେବେ ଆଜି ଜେଡଏମଏଫ ପକ୍ଷରୁ ସରକାର ଗଠନ ପରେ ଆସନ୍ତା ସପ୍ତାହରେ ପ୍ରଥମ ବିଧାନସଭା ଅଧିବେଶନ ବସିବ ବୋଲି କୁହାଯାଇଛି । ଏହାଛଡ଼ା ରାଜ୍ୟ ବିକାଶ ପାଇଁ ୧୦୦ ଦିନରେ କର୍ମ ଯୋଜନା ଶୀଘ୍ର ଘୋଷଣା କରାଯିବ ।
ଶୁକ୍ରବାର ଦିନ ୧୦ଟା ସମୟରେ ରାଜଭବନ ଶପଥ ଗ୍ରହଣ କାର୍ଯ୍ୟକ୍ରମ ହେବ । ଜେଡପିଏମ୍ ନେତା ଲାଲଦୁହୋମା ମୁଖ୍ୟମନ୍ତ୍ରୀ ଭାବେ ଶପଥ ନେବେ । ତାଙ୍କ ସହିତ ଅନ୍ୟ ମନ୍ତ୍ରୀମାନେ ମଧ୍ୟ ଶପଥ ନେବାର ଯୋଜନା ରହିଛି । ପୂର୍ବତନ ପ୍ରଧାନମନ୍ତ୍ରୀଙ୍କ ସୁରକ୍ଷା ପ୍ରଭାରୀ ତଥା ପୂର୍ବ ଆଇପିଏସ୍ ଲାଲଦୁହୋମା ଦଳ ନବର୍ନିବାଚିତ ବିଧାୟକମାନଙ୍କ ସହିତ ଭେଟ କରିଛନ୍ତି ।
