ଯାଜପୁର ୧।୯: ଯାଜପୁର କଳିନ୍ଦ୍ରା ବାଦ୍ ବାଲିଘାଟ ନିକଟ ବୁଢ଼ା ନଦୀରେ ଭାସିଯାଇ ନିଖୋଜ ଥିବା ନବମ ଶ୍ରେଣୀର ଛାତ୍ରଙ୍କ ମୃତଦେହ ଉଦ୍ଧାର । ଉଦ୍ଧାର କଲେ ଓଡ୍ରଫ୍ ଟିମ୍ । ଶନିବାର ସ୍କୁଲ ଛାତ୍ର ଓମ୍ ପ୍ରକାଶ ଷଡ଼ଙ୍ଗୀ ସାଙ୍ଗ ମାନଙ୍କ ସହ ନଦୀକୁ ଶୌଚ ହେବାକୁ ଯାଇ ଭାସିଯାଇଥିଲେ । ଶନିବାରଠୁ ଅଗ୍ନିଶମ ବିଭାଗ ଓ ଓଡ୍ରଫ ଟିମ୍ ଉଦ୍ଧାର କାର୍ଯ୍ୟରେ ଲାଗିଥିଲେ ମଧ୍ୟ ଛାତ୍ର ଜଣଙ୍କର ପତ୍ତା ମିଳିନଥିଲା । ତେବେ ରବିବାର ସକାଳୁ ଓଡ୍ରଫ ଟିମ୍ ଉଦ୍ଧାର କାର୍ଯ୍ୟ ଆରମ୍ଭ କରିଥିବା ବେଳେ ମୃତଦେହ ଉଦ୍ଧାର କରିଛନ୍ତି । ଛାତ୍ରଙ୍କ ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି ହୋଇଛି ।
ମୃତ ଛାତ୍ର ଜଣଙ୍କ ଯାଜପୁର ଟାଉନ୍ ଲଳିତେଶ୍ୱର ନଗର ଅଞ୍ଚଳରେ ଭଡ଼ା ନେଇ ରହୁଥିବା ବେଳେ ତାଙ୍କ ନିଜ ଘର ମଙ୍ଗଳପୁର ଥାନା କାଟିଆ ଗ୍ରାମରେ ବୋଲି ଜଣାପଡିଛି ।
