ସମ୍ବଲପୁର ୦୩।୦୮ : ମହାନଦୀରୁ ଉଦ୍ଧାର ହେଲେ ନିଖୋଜ ବ୍ୟକ୍ତି । ଉଦ୍ଧାର ବ୍ୟକ୍ତି ଜଣଙ୍କ ହେଲେ ସୁନାପାଲି ଅଞ୍ଚଳର ମନ୍ତୋଷ ତାଣ୍ଡି । ଅଗ୍ନିଶମ ବାହିନୀ ପହଞ୍ଚିବା ପୂର୍ବରୁ ସ୍ଥାନୀୟ ଲୋକେ ମନ୍ତୋଷଙ୍କୁ ଉଦ୍ଧାର କରିଛନ୍ତି ।
ଖବର ଅନୁଯାୟୀ, ଶୁକ୍ରବାର ରାତି ପ୍ରାୟ ୧୦ ଟା ୩୦ ସମୟରେ ସମ୍ବଲପୁର ମହାନଦୀର ଦ୍ୱିତୀୟ ସେତୁ ଉପରେ ଜଣେ ବ୍ୟକ୍ତି ନିଖୋଜ ହୋଇଥିଲା । ଯେହେତୁ ରାତି ଅଧିକା ହୋଇଯାଇଥିଲା । ତେଣୁ ଉକ୍ତ ବ୍ୟକ୍ତିଙ୍କୁ ଖୋଜିବା ସମ୍ଭବ ହୋଇନଥିଲା । ଶେଷରେ ରାତି ପ୍ରାୟ ଗୋଟିଏ ସମୟରେ ନିଖୋଜି ବ୍ୟକ୍ତି ଜଣଙ୍କ ଗୋବିନ୍ଦତଲା ଅଞ୍ଚଳରେ ଏକ ଘାସ ବୁଦାରେ ଲାଗି ଯାଇଥିଲେ । ସ୍ଥାନୀୟ ଲୋକ ବ୍ୟକ୍ତିଙ୍କ ପାଟି ଶୁଣି ତୁରନ୍ତ ପୋଲିସ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବାହିନୀ ପହଞ୍ଚିବା ପୂର୍ବରୁ ଉକ୍ତ ବ୍ୟକ୍ତିଙ୍କୁ ଉଦ୍ଧାର କରିଥିଲେ ସ୍ଥାନୀୟ ଲୋକ । ମଦ ପାଇଁ ଘରେ କଳହ ହେବାରୁ ସେ ଚାଉଁରପୁର ପୋଲ ଉପରୁ ଡେଇଁ ପଡିଥିଲେ । ଉଦ୍ଧାର ପରେ ଜ୍ଞାନ ବାଣ୍ଟୁଥିବା ଦେଖିବାକୁ ମିଳୁଛି ।
