ନ୍ୟୁୟର୍କ: ଗୁଏଟମାଲନର ଲୋକପ୍ରିୟ ହିପ୍ ହପ୍ ରାପରଙ୍କୁ ହତ୍ୟା ସନ୍ଦେହ । ଭଙ୍ଗା କାର୍ ଭିତରୁ ନେସଲି କନସୁଏଗ୍ରାଙ୍କ ମଳିଲା ମୃତଦହେ । ଏକ ବ୍ୟାରେଲ୍ ଭିତରେ ରଶିରେ ବନ୍ଧା ହୋଇଥିବା ଅବସ୍ଥାରେ ରାପରଙ୍କ ମୃତଦେହକୁ ନ୍ୟାସନାଲ ସିଭିଲ୍ ପୋଲିସ ଉଦ୍ଧାର କରିଛି ।
ଦି ୟୁଏସ ସନର ରିପୋର୍ଟ ଅନୁଯାୟୀ, ତିନି ହେଲା ନିଖୋଜ ଥିଲେ ରାପର ନେସଲି କନସୁଏଗ୍ରାଙ୍କ । ଶୁକ୍ରବାର ଅଫିସରୁ ଘରକୁ ଫେରୁଥିବା ସମୟରେ ଗୁଏଟମାଲନ ସହରରେ ତାଙ୍କୁ ସ୍ଥାନୀୟ ଲୋକେ ଦେଖିଥିଲେ । ଏହା ପରେ ସୋମବାର ଅର୍ଥାତ୍ ତିନି ଦିନ ପରେ ଏକ ବ୍ୟାରେଲ୍ ଭିତରୁ ତାଙ୍କ ମୃତଦେହ ମିଳିଛି । ତାଙ୍କୁ ହତ୍ୟାକରି ଭିଙ୍ଗି ଦେଇଥିବା ପୋଲିସ ସନ୍ଦେହ କରୁଛି ।
କୌଣସି ମାରଣାସ୍ତ୍ରରେ ନେସଲି କନସୁଏଗ୍ରାଙ୍କ ମୁଣ୍ଡକୁ ଆଘାତ କରାଯାଇଛି । ହତ୍ୟା ପରେ ତାଙ୍କ ହାତଗୋଡ଼ ବାନ୍ଧି ବ୍ୟାରେଲ୍ ଭିତରେ ଭର୍ତ୍ତି କରି ଭିଙ୍ଗି ଦିଆଯାଇଥିଲା । ପୋଲିସ ହତ୍ୟା ଏକ ମାମଲା ରୁଜୁ କରି ତଦନ୍ତ କରୁଛି । ସାଙ୍ଗସାଥୀଙ୍କ ସହିତ ଅଫିସ୍ ସହପାଠୀଙ୍କୁ ପଚରାଉଚରା କରୁଛି ।
୨୭ ବର୍ଷୀୟା ନେସଲି କନସୁଏଗ୍ରା ୨୦୧୩ରୁ ହିପ୍ ହପ୍ ଅଭିନେତ୍ରୀ ଭାବେ କାମ କରୁଥିଲେ। ଏହା ସହିତ ସେ ମହିଳା ଫ୍ରିଷ୍ଟାଇଲ୍ ଆନ୍ଦୋଳନରେ ମଧ୍ୟ ନେତୃତ୍ବ ନେଇଥିଲେ । ଯାହା ‘ଓମେନ୍ ଫ୍ରି’ ନାମାରେ ଲୋକପ୍ରିୟ । ମହିଳାଙ୍କୁ ସବୁ ସମୟରେ ସହଯୋଗ କରନ୍ତି ନେସଲି ।
