ଚାଲି ଜାଣି ନଥିବା ଶିଶୁଟି ଅଧରାତିରୁ ମା କୋଳରୁ ହୋଇଗଲା ଗାଏବ |ବପା ଓ ମାଙ୍କ ନିଦ ଭାଙ୍ଗିବାରୁ ଏହା ଦେଖି ଅବାକ ହୋଇଯିବା ସହ ପିଲାଚୋର ଗୁଜବ ଭୟରେ ସେମାନେ ଭାଙ୍ଗି ପଡିଲେ |କିଛି ସମୟ ଖୋଜିବା ପରେ ଏକ ଗାତ ଭିତରେ ରାତି କଟାଇଥିବା ଶିଶୁଟିକୁ ଉଦ୍ଧାର କରାଗଲା |ଏଭଳି ଏକ ଘଟଣା ଦେଖିବାକୁ ମିଳିଛି ଝାରସୁଗୁଡା ରେଳବାଇ କଲୋନୀରେ |ଭିଓ1-ଆଜି ଜନ୍ମଦିନ ଥିଲା ଦୁଇବର୍ଷର ଝିଅ ଦିବ୍ୟାର |ରେଳବାଇ କଲୋନୀର ଦୀପକ ପ୍ରସାଦ ଓ କବିତାଦେବୀଙ୍କ ଏହି ଦୁଇବର୍ଷ ଝିଅ ଭାଗ୍ୟବଳରେ ପୁଣି ଫେରିଲା ନିଜ ମା ବାପାଙ୍କ କୋଳକୁ |ଅଳ୍ପକେ ବର୍ତ୍ତିଲା ଦୁଇ ବର୍ଷର ଶିଶୁକନ୍ୟା ଦିବ୍ୟା |ଅର୍ଦ୍ଧରାତିରେ ମା କୋଳରୁ ଗାଏବ ଶିଶୁକନ୍ୟାକୁ ଏକ ଗାତ ଭିତରୁ ପ୍ରାୟ 4 ଘଣ୍ଟା ପରେ ଉଦ୍ଧାର କରାଗଲା |ଗତରାତିରେ ରେଳବାଇ କଲୋନୀର ବସ୍ତି ଅଞ୍ଚଳର ଏକ ଝୁମ୍ପୁଡିରେ ରହୁଥିବା ଦୀପକ ପ୍ରସାଦ ଓ କବିତାଦେବୀ ନିଜ ପିଲାଙ୍କ ସହ ଶୋଇଥିଲେ |କିନ୍ତୁ ରାତି ପ୍ରାୟ ଅଢେଟା ବେଳକୁ ଦୀପକଙ୍କ ନିଦ ଭାଙ୍ଗିବାରୁ ସେ ମା କୋଳରେ ଝିଅ ନଥିବା ଓ ଘରର କବାଟ ଖୋଲା ଥିବା ଦେଖି ନିଜ ସ୍ତ୍ରୀକୁ ନିଦରୁ ଉଠାଇଥିଲେ |ପରେ ପରିବାରର ସମସ୍ତେ ଉଠି ଶିଶୁକନ୍ୟାକୁ ନଦେଖିବାରୁ ଘରେ କାନ୍ଦ ବୋବାଳି ପଡିଲା |ହୋ-ହାଲ୍ଲା ଶୁଣି ପଡୋଶୀଙ୍କ ସମେତ ସ୍ଥାନୀୟ ଲୋକେ ପହଞ୍ଚି ଗାଏବ୍ ଶିଶୁକନ୍ୟାର ସନ୍ଧାନରେ ବାହାରିଲେ |ଖୋଜିବାକୁ ବାହାରିବା ପରେ ଘର ନିକଟରୁ ପ୍ରାୟ 300 ଇଟର ଦୁରରେ ନିର୍ମାଣାଧୀନ ଏକ ପ୍ରକଳ୍ପ ସ୍ଥଳରେ ରହିଥିବା ଗାତ ଭିତରେ ଶିଶୁକନ୍ୟାର କାନ୍ଦ ଶୁଣି ତାକୁ ଉଦ୍ଧାର କରିଥିଲେ |