suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଧ୍ୟପ୍ରଦେଶ ମୁରୈନାରେ ଦୁର୍ଘଟଣା, ଏୟାରଫୋର୍ସର ସୁଖୋଇ-୩୦ ଓ ମିରାଜ୍-୨୦୦୦ ଫାଇଟର ଜେଟ୍ କ୍ରାସ୍
  • ||
  • ଜେରୁଜେଲମ୍‌ରେ ପ୍ରାର୍ଥନାସ୍ଥଳରେ ଆତଙ୍କୀ ହମଲା, ଗୁଳିମାଡ଼ରେ ୮ମୃତ
  • ||
  • କେନ୍ଦୁଝର: ବୋଲେରୋ ଓ ଅଟୋ ମୁହାଁମୁହିଁ ଧକ୍କା, ୩ ମୃତ ଗୁରୁତର
  • ||

ଋଷ ସେନା ଉପରେ ୟୁକ୍ରେନ୍‌ର କଡ଼ା ପ୍ରହାର; ୬୩ରୁ ଅଧିକ ଯବାନ ମୃତ ହୋଇଥିବା ସୂଚନା

2/01/2023 at 9:40 PM

ମସ୍କୋ: ଋଷ ଉପରେ ୟୁକ୍ରେନ୍‌ର ଜୋର୍‌ଦାର ଆକ୍ରମଣ। ୟୁକ୍ରେନ୍‌ର ମିସାଇଲ୍‌ ମାଡ଼ରେ ପାଖାପାଖି ୬୩ ଋଷ ସୈନିକଙ୍କର ମୃତ୍ୟୁ ହୋଇଛି। ଆମେରିକାର ଦେଇଥିବା ହିମର୍ସ ସିଷ୍ଟମର ବ୍ୟବହାର କରି ଋଷର ସେନା କ୍ୟାମ୍ପକୁ ଏହି ଆକ୍ରମଣ କରାଯାଇଛି ବୋଲି ଋଷ ପ୍ରତିରକ୍ଷା ମନ୍ତ୍ରାଳୟ ଏହି ସୂଚନା ଦେଇଛି।

ଏପଟେ ଆକ୍ରମଣରେ ନିଜର ଭୂମିକା ଥିବା ନ କହି ଏଥିରେ ମୃତ୍ୟୁ ସଂଖ୍ୟା ଅଧିକ ବୋଲି ୟୁକ୍ରେନ୍ କହିଛି। ଋଷ ଅକ୍ତିଆର୍‌ରେ ଥିବା ଡୋନେସ୍କର ପୂର୍ବଭାଗରେ ଥିବା ମାକିଭ୍‌କା ସହରରେ ହୋଇଥିବା ଆକ୍ରମଣରେ ମୃତ୍ୟୁ ସଂଖ୍ୟା ସର୍ବାଧିକ ବୋଲି ୟୁକ୍ରେନ୍ ସେନା କହିଛି।   

ଋଷ ପ୍ରତିରକ୍ଷା ବିଭାଗ କହିଛି “ ଏକ ଅସ୍ଥାୟୀ ସେନା ଛାଉଣୀରେ ହୋଇଥିବା ୪ଟି ମିସାଇଲ୍‌ ମାଡ଼ରେ ୬୩ ଋଷ ଯବାନଙ୍କର ମୃତ୍ୟୁ ହୋଇଛି। ସମସ୍ତ ମୃତ ଯବାନଙ୍କ ପରିବାର ଓ ସହୋଦରଙ୍କୁ ସମସ୍ତ ପ୍ରକାର ସୁବିଧା ସୁଯୋଗ ଯୋଗାଇ ଦିଆଯିବ।” ତେବେ କେବେ ଏହି ଆକ୍ରମଣ ହେଲା ସେ ନେଇ ଋଷ ପ୍ରତିରକ୍ଷ ମନ୍ତ୍ରାଳୟ ପକ୍ଷରୁ କିଛି ସୂଚନା ମିଳି ନାହିଁ। ତେବେ ୟୁକ୍ରେନ୍ କହିଛି ନୂଆ ବର୍ଷରେ ଏହି ଆକ୍ରମଣ ହୋଇଛି।  

ଏପଟେ ଋଷ ଉପରେ ୟୁକ୍ରେନ୍ କଡ଼ା ଜବାବକୁ ନେଇ ପୁଟିନଙ୍କୁ ଘେରିଛନ୍ତି ସମାଲୋଚକ। ଯୁଦ୍ଧ କ୍ଷେତ୍ରରେ ଭୁଲ ରଣ କୌଶଳ ଯୋଗୁ ୟୁକ୍ରେନ୍‌ ଋଷ ସୈନିକଙ୍କର ମୃତ୍ୟୁ ହୋଇଛି ବୋଲି ସମାଲୋଚକମାନେ କହୁଛନ୍ତି। ଋଷିଆନ ମିଲିଟାରି ଭ୍ଲଗର(ଭିଡିଓ ବନାଉଥିବା) ଦାବି କରିଛନ୍ତି ଏହି ମାକିଭ୍‌କା ସହରରେ ହୋଇଥିବା

ଆକ୍ରମଣରେ ଶତାଧିକ ଋଷ ସୈନିକଙ୍କର ମୃତ୍ୟୁ ହୋଇଛି। ସେହିପରି ଆକ୍ରମଣ ନେଇ ଋଷିଆ ବିଛିନ୍ନତାବାଦୀ ନେତା ଇଗର ଷ୍ଟ୍ରେକୋଭ୍ କହିଛନ୍ତି ଯେ ଜାନୁଆରୀ ୧ ତାରିଖ ଦିନ ୧ଟା ବେଳେ ଆକ୍ରମଣ ହୋଇଥିବା ସେ ଖବର ପାଇଛନ୍ତି। ଏହି ଆକ୍ରମଣରେ ଶତାଧିକ ମୃତାହତ ଓ ଆହତ ହୋଇଥାଇ ପାରନ୍ତି ବୋଲି ସେମାନେ ଦାବି କରିଛନ୍ତି।  

   Related Posts