ମନ୍ଦିର ସମ୍ମୁଖରୁ ପୂଜକଙ୍କ ଠାରୁ ଲୁଟ୍, ସୁନା ଚେନ୍ ନେଇ ଫେରାର ମାରିଲେ ଲୁଟେରା

Published By : Prameya-News7 Bureau | July 09, 2024 IST

ବଲାଙ୍ଗୀର ୯: ରଥ ସାମଗ୍ରୀ ମନ୍ଦିର ସମ୍ମୁଖରେ ସଜାଡି ରଖୁଥିଲେ ପୂଜକ । ବାଇକରେ ଆସି ବେକରୁ ସୁନା ଚେନ୍ ନେଇ ଫେରାର ମାରିରେ ଲୁଟେରା । ତାହା ପୁଣି ମନ୍ଦିର ସମ୍ମୁଖରେ । ବଲାଙ୍ଗୀର ସହର ମାଲପଡା ୧୫ ନମ୍ବର ୱାର୍ଡ଼ର ରାମସ୍ୱାମୀ ମନ୍ଦିର ସମ୍ମୁଖରେ ଘଟିଛି ଏଭଳି ଲୁଟ୍ ଘଟଣା । ପୂଜକଙ୍କ ବେକରୁ ୩ ଭରିରୁ ଅଧିକ ଓଜନର ସୁନା ଚେନ୍ ଲୁଟ୍ ହୋଇଛି । ପୂଜକ ଜଣଙ୍କ ବଲାଙ୍ଗୀର ଶୈଳଶ୍ରୀ ପ୍ୟାଲେସ ରାଜପରିବାରର ରାଜ ପୁରୋହିତ ସନ୍ତୋଷ ଦାସ । 

ସୂଚନାଯୋଗ୍ୟ ଯେ, ଗତ ୭ ତାରିଖରେ ରଥଯାତ୍ରାରେ ପ୍ୟାଲେସରୁ ମହାପ୍ରଭୁ ଆସିମାଲପଡା ରାମସ୍ୱାମୀ ମନ୍ଦିରରେ ମାଉସୀ ମା’ ଘରେ ରହନ୍ତି । ସୋମବାର ଥିଲା ତାଙ୍କ ପ୍ରଥମ ବେଶ ମୀନ ଓ କଛପ । ବେଶ ପାଇଁ ସାମଗ୍ରୀ ଆଣିକି ଆସିବା ପରେ ରଥରେ କିଛି ସାମଗ୍ରୀ ରଖିବା ବେଳେ କଳା ବାଇକ୍‌ରେ ଜଣେ ମୁଖା ପିନ୍ଧା ଓ ଜଣେ ହେଲମେଟ୍ ପିନ୍ଧା ଦୁର୍ବୃତ୍ତ ଆସି ବେକରୁ ଚେନ୍ ଝାମ୍ପି ନେଇ ଫେରାର ମାରିଥିଲେ । ଏନେଇ ରାଜପୁରୋହିତ ସହରର ଆଦର୍ଶ ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି । ଏନେଇ ପୋଲିସ ତଦନ୍ତ ଆରମ୍ଭ କରିଛି । ସେପଟେ ସିସିଟିଭିରେ ବାଇକ୍‌ରେ ଆସିବା ଭିଡ଼ିଓ ଉତ୍ତୋଳନ ହୋଇଛି । ଯାହାକୁ ନେଇ ଖୋଳତାଡ଼ ଆରମ୍ଭ କରିଛି ପୋଲିସ । 

You Can Read:

ମଙ୍ଗଳବାର ଆଡପ ମଣ୍ଡପକୁ ବିଜେ କରିବେ ମହାପ୍ରଭୁ, ସନ୍ଧ୍ୟାଧୂପ ପରେ ହେବ ପହଣ୍ଡି ବିଜେ

  • odisha
  • OdishaNews
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.