ଢେଙ୍କାନାଳ ୧୪।୩: ଢେଙ୍କାନାଳ ସହରରେ ଗୋଟିଏ ରାତିରେ ଦୁଇ ଦୁଇଟି ଲୁଟ୍ । ଗ୍ରୀଲ୍ ତାଡି ନଗଦ ଟଙ୍କା ଓ ସୁନାଗହଣା ଲୁଟିନେଲେ ଲୁଟେରା । ଟାଉନ ଥାନା ପୋଲିସ ତଦନ୍ତ ଆରମ୍ଭ କରିଛି ।

ଏହି ଲୁଟ୍ ଘଟଣା ପରେ ଢେଙ୍କାନାଳ ସହରରେ ଲୁଟେରା ମାନେ ସକ୍ରିୟ ହୋଇପଡିଥିବା ଜଣାପଡିଛି । ସୂଚନାଯୋଗ୍ୟ ଯେ, ଢେଙ୍କାନାଳ ସହର ମୀନାବଜାର ଜଗନ୍ନାଥ ବିହାର ଅଞ୍ଚଳରେ ରହୁଥିବା ବିଦ୍ୟାଧର ପରିଡା ନାମକ ଜଣେ ଚାଉଳ ବ୍ୟବସାୟୀଙ୍କ ଘର ପଛପଟ ଗ୍ରୀଲ୍ ତାଡି ଘରେ ପଶି ଲୁଟ୍ ହୋଇଛି । ଲୁଟେରାମାନେ ତାଙ୍କ ଘରୁ ନଗଦ ୩୦ ହଜାର ଟଙ୍କା, ପ୍ରାୟ ୩ ଭରିର ସୁନା ଗହଣା, ଇଲେକ୍ଟ୍ରୋନିକ୍ସ ସାମଗ୍ରୀ ଆଦି ଲୁଟି ନେଇଛନ୍ତି ।

ସେହିଭଳି ତାଙ୍କ ଘର ନିକଟରେ ରହୁଥିବା ସୁଜିତ ନାୟକ ନାମକ ଜଣେ ବ୍ୟବସାୟୀଙ୍କ ପରିବାର ଅନୁପସ୍ଥିତିର ସୁଯୋଗରେ ଘର ଗ୍ରୀଲ୍ ତାଡି ଲୁଟିଛନ୍ତି । ତାଙ୍କ ଘରୁ ମଧ୍ୟ ନଗଦ ଟଙ୍କା ଓ ସୁନା ଗହଣା ବିଭିନ୍ନ ସାମଗ୍ରୀ ଆଦି ଲକ୍ଷାଧିକ ଟଙ୍କାର ସମ୍ପତ୍ତି ଲୁଟିନେଇଥିବା ଜଣାପଡ଼ିଛି । ଖବର ପାଇ ଟାଉନ ପୋଲିସ ପହଞ୍ଚି ପୋଲିସ ଅନୁସନ୍ଧାନୀ କୁକୁର ମାଧ୍ୟମରେ ତଦନ୍ତ ଆରମ୍ଭ କରିଛି ।