ରାୟଗଡା ୧୯|୧: ରାୟଗଡା ଶ୍ରଦ୍ଧା ଶ୍ରୀକ୍ଷେତ୍ରସ୍ଥିତ ବିମଳା ମନ୍ଦିରରୁ ଚୋରି ଉଦ୍ୟମ କରିଛନ୍ତି ଚୋର । ମନ୍ଦିରରୁ ମାଆଙ୍କ ମୁକୁଟ ଚୋରି କରିବା ଉଦ୍ୟମ ବେଳେ ଚୋରକୁ କାବୁ କରିଛନ୍ତି ଶ୍ରଦ୍ଧାଳୁ । ଚୋରକୁ ପୋଲିସ ଜିମା ଦେଇଛନ୍ତି ।
{"id":75617}ସୂଚନା ଅନୁସାରେ ଆଜି ବଡି ଭୋରରୁ ରାୟଗଡା ଶ୍ରଦ୍ଧା ଶ୍ରୀକ୍ଷେତ୍ରସ୍ଥିତ ବିମଳା ମନ୍ଦିରରେ ଚୋର ପଶି ମାଆଙ୍କ ମୁକୁଟ ଚୋରୀ ପାଇଁ ଉଦ୍ୟମ କରିଥିଲେ । ଚୋରୀ ଉଦ୍ୟମ କରିବା ସମୟରେ ମନ୍ଦିରର ପୂଜକ ଏବଂ କିଛି ଶ୍ରଦ୍ଧାଳୁ ସେଠାରେ ପହଞ୍ଚି ଯାଇଥିଲେ । ଚୋରକୁ କାବୁକରି ପୋଲିସକୁ ହସ୍ତାନ୍ତର କରାଯାଇଛି । ଗତକାଲି ମଧ୍ୟ ଚାନ୍ଦିଲି ମାଣିକେଶ୍ବରୀ ମନ୍ଦିରରୁ ମାଆଙ୍କ ବିଗ୍ରହ ସମେତ ଅଳଙ୍କାର ଲୁଟ୍ କରି ନେଇଥିଲେ ଦୁର୍ବୃତ୍ତ ।