ମୁମ୍ଵାଇ ୨୭।୦୫: ବଲିଉଡ ଅଭିନେତା ସାହିଦ କପୁର । ତାଙ୍କ ପତ୍ନୀ ମୀରା ରାଜପୁତ। ଦୁହେଁ ହେଉଛନ୍ତି ବି ଟାଉନର ପାୱାର ଦମ୍ପତି। ଉଭୟଙ୍କ ସୋସିଆଲ ମିଡିଆ ଆକାଉଣ୍ଟ ଖୁବ୍ ଆକ୍ଟିଭ୍ । ଦୁହିଁଙ୍କର ଫ୍ୟାନ୍ ଫଲୋର୍ସ ଖୁବ୍ ଅଧିକ । କିନ୍ତୁ ଆପଣ ଜାଣନ୍ତି କି ଏକ ସମୟ ଥିଲା ଏହି ଷ୍ଟାର ଦମ୍ପତିଙ୍କ ଜୀବନରେ ଏପରି ପରିସ୍ଥିତି ଆସିଥିଲା । ଯେତେବେଳେ ମୀରା ଅଭିନେତାଙ୍କ ଠାରୁ ଅଲଗା ହେବାକୁ ଚାହୁଁଥିଲେ । ଆଶ୍ଚର୍ଯ୍ୟଜନକ କଥା ହେଉଛି ବିବାହର ଏକ ବର୍ଷ ପରେ ସେ ଏହା କରିବାକୁ ଯାଉଥିଲେ।
୨୦୧୫ରେ ମୀରା ରାଜପୁତଙ୍କ ସହ ସାହିଦ କପୁର ବିବାହ ବନ୍ଧନରେ ଆବଦ୍ଧ ହୋଇଥିଲେ। ମୀରା ବୟସରେ ତାଙ୍କ ଠାରୁ ବହୁତ ସାନ ଥିଲେ । ସେତେବେଳେ ସାହିଦ ତାଙ୍କ ଚଳଚ୍ଚିତ୍ର 'ଉଡତା ପଞ୍ଜାବ'ର ସୁଟିଂ ଶେଷ କରିଥିଲେ।
ସାହିଦ ଏବଂ ମୀରାଙ୍କ ବିବାହ ପରେ ହିଁ ଅଭିନେତାଙ୍କ ଫିଲ୍ମ ମୁକ୍ତିଲାଭ କରିଥିଲା। ଯେଉଁଥିରେ ସେ ଜଣେ ନିଶା ସେବକ ରକଷ୍ଟାର ଭୂମିକାରେ ଅଭିନୟ କରିଥିଲେ। ମୀରା ଯେତେବେଳେ ଏହି ଫିଲ୍ମ ଦେଖିଲେ, ସେ ବଡ ନିଷ୍ପତ୍ତି ନେଇଥିଲେ ।
ଫିଲ୍ମ ଦେଖିବା ପରେ ମୀରା ଏତେ ରାଗି ଯାଇଥିଲେ ଯେ ସେ ଦ୍ୱିତୀୟ ଥର ପାଇଁ ତାଙ୍କ ବିବାହ ବିଷୟରେ ଚିନ୍ତା କରିବା ଆରମ୍ଭ କଲେ।
'ଉଡତା ପଞ୍ଜାବ' ପରେ ମୀରା ଧୀରେ ଧୀରେ ତାଙ୍କ ସ୍ୱାମୀଙ୍କ ଠାରୁ ଦୂରେଇ ଯିବାକୁ ଲାଗିଲେ ଏବଂ ସେ ନିଷ୍ପତ୍ତି ନେଇଥିଲେ ଯେ ସେ ଆଉ ସାହିଦଙ୍କ ସହ ରହିବେ ନାହିଁ। ଏକ ସାକ୍ଷାତକାରରେ ସାହିଦ ନିଜେ ଏହା ପ୍ରକାଶ କରିଛନ୍ତି।
ସାହିଦ ଏହା ମଧ୍ୟ କହିଛନ୍ତି ଯେ ମୀରାଙ୍କ ରିଆକ୍ସନ ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ କାରଣ ଏହା ତାଙ୍କର ଆରେଞ୍ଜ ମ୍ୟାରେଜ୍ ଥିଲା । ମୀରା ତାଙ୍କୁ କହିଥିଲେ ଯେ ସେ ଆଉ ତାଙ୍କ ସହ ରହିବାକୁ ଚାହୁଁନାହାଁନ୍ତି।
ଏଭଳି ପରିସ୍ଥିତିରେ ସାହିଦ ମୀରାଙ୍କୁ ବୁଝାଇଥିଲେ ଯେ ଫିଲ୍ମର ଚରିତ୍ର ତାଙ୍କର ପ୍ରକୃତ ଜୀବନ ସହିତ କୌଣସି ସମ୍ପର୍କ ନାହିଁ । ପରେ ମୀରା ଏହା ବୁଝିଥିଲେ ଏବଂ ଆଜି ମଧ୍ୟ ଏହି ଦମ୍ପତି ଏକାଠି ଅଛନ୍ତି । କହିବାକୁ ଗଲେ ସାହିଦ ଏବଂ ମୀରା ଦୁଇଟି ସନ୍ତାନର ପିତାମାତା, ଗୋଟିଏ ଝିଅ ଏବଂ ଗୋଟିଏ ପୁଅ ।
