scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ନାବାଳିକାଙ୍କୁ ବନ୍ଧକ ରଖି ୬ଜଣ କଲେ ଗଣଦୁଷ୍କର୍ମ, ଛାତରୁ ଡେଇଁ ଗର୍ଭବତୀ ନାବାଳିକାଙ୍କ ଆତ୍ମହତ୍ୟା

19/11/2019 at 9:53 AM

ବ୍ୟାଙ୍କକ୍ ୧୯।୧୧: ନାବାଳିକାଙ୍କୁ ବନ୍ଧକ ରଖି ୬ଜଣ ଗଣଦୁଷ୍କର୍ମ କରିବା ପରେ ନାବାଳିକା ଜଣଙ୍କ ଛାତରୁ ଡେଇଁ ଆତ୍ମହତ୍ୟା କରିଛନ୍ତି । ଏଭଳି ଘଟଣା ଥାଇଲାଣ୍ଡର ରାଜଧାନୀ ବ୍ୟାଙ୍କକ୍ ରେ ଘଟିଛି ।

ସୂଚନା ଅନୁସାରେ ନାବାଳିକା ଜଣଙ୍କ ଆତ୍ମହତ୍ୟା କରିବାର ଗୋଟିଏ ଦିନ ପୂର୍ବରୁ ନାବାଳିକା ଜଣଙ୍କ ତାଙ୍କ ବନ୍ଧୁଙ୍କୁ ମେସେଜ୍ କରିଥିଲେ । ମେସେଜରେ ସେ ଲେଖିଥିଲେ ଯେ, ‘ମୁଁ ଯାଉଛି, ମୁଁ ତୋତେ ବହୁତ ଭଲପାଏ’ । ନାବାଳିକା ଜଣଙ୍କ ପ୍ରାୟ ଏକ ମାସ ପୂର୍ବେ ଗର୍ଭବତୀ ହୋଇଥିଲେ ।

ନାବାଳିକା ଜଣଙ୍କ ନିଜ ସୋସିଆଲ ମିଡିଆ ଆକାଉଣ୍ଟରେ କିଛି ପୋଷ୍ଟ ମଧ୍ୟ କରିଥିଲ । ଗୋଟିଏ ପୋଷ୍ଟରେ ସେ ଲେଖିଥିଲେ ଯେ, ଯଦି ମୁଁ ଗର୍ଭବତୀ ହୋଇନଥାନ୍ତି ତେବେ ମୁଁ ପୂର୍ବରୁ ହିଁ ଏଭଳି ନିଷ୍ପତ୍ତି ନେଇସାରିଥାନ୍ତି ।

ନାବାଳିକାଙ୍କ ମା’ ଗଣଦୁଷ୍କର୍ମ ସମ୍ବନ୍ଧରେ ପୋଲିସକୁ ସୂଚନା ଦେଇଥିଲେ । ସେ କହିଛନ୍ତି ଯେ, ୧୧ ନମ୍ଭେମ୍ବର ରାତିରେ ଏକ ଫ୍ଲାଟ୍ ରେ ବନ୍ଧକ ରଖିଥିଲେ । ସେଠାରେ ହିଁ ତାଙ୍କୁ ଗଣଦୁଷ୍କର୍ମ କରାଯାଇଥିଲା । ଝିଅକୁ ଆତ୍ମହତ୍ୟା କରିବାକୁ ବାରଣ ମଧ୍ୟ କରିଥିଲେ । ମାତ୍ର ଛାତରୁ ଡେଇଁ ଝିଅ ଆତ୍ମହତ୍ୟା କରିଛନ୍ତି ବୋଲି ତାଙ୍କ ମା’ କହିଛନ୍ତି ।

ପୋଲିସ ଅଧିକାରୀ ମଧ୍ୟ ନାବାଳିକାଙ୍କ ସହ ଗଣଦୁଷ୍କର୍ମ ହୋଇଥିବା ଘଟଣାକୁ ସ୍ବୀକାର କରିଛନ୍ତି । ପୋଲିସ କହିଛି ଯେ, ଘଟଣାରେ ସଂପୃକ୍ତ ଥିବା ସନ୍ଦିଗ୍ଧଙ୍କୁ ଚିହ୍ନଟ କରାଯାଇଛି । ନାବାଳିକା ଜଣଙ୍କ ଘଟଣାର ଦିନ ସନ୍ଦିଗ୍ଧଙ୍କୁ ଭେଟିବାକୁ ଯାଇଥିଲେ । ମାତ୍ର ସେ କଣ ପାଇଁ ଯାଇଥିଲେ ତାହା ସ୍ପଷ୍ଟ ହୋଇନାହିଁ ।

   Related Posts