ପୁଣି ଗଣଦୁଷ୍କର୍ମର ଶିକାର ହୋଇଛି ୧୬ବର୍ଷିୟ ନାବାଳିକା ଲୋମଟାଙ୍କୁରା ଖବର ଆସିଛି ଝାରଖଣ୍ଡରୁ | ୧୬ବର୍ଷିୟ ନାବାଳିକାକୁ ଗାନ ବଳାତ୍କାର ପରେ ଘର ଲୋକଙ୍କ ଆଗରେ ଜାଳି ଦେଇଛନ୍ତି ଦୁର୍ବୁର୍ତ୍ତ | ନାବାଳିକାଙ୍କ ପରିବାର ଲୋକ ଏକ ବିବାହ ଭୋଜିକୁ ଯାଇଥିବା ବେଳେ ଏହାର ସୁଯୋଗ ନେଇ କାମୁକମାନେ ନାବାଳିକାକୁ ଘରୁ ଅପହରଣ କରି ନେଇଥିଲେ | ଅପହରଣ କରି ଦୁଷ୍କର୍ମ କରିଥିଲେ ୪ଜଣ ଯୁବକ | ଏନେଇ ପଂଚାୟତ ମୁଖିଆଙ୍କୁ ଭେଟି ଘଟଣା ସମ୍ପର୍କରେ ଜଣାଇଥିଲେ ପୀଡିତାଙ୍କ ବାପା | ପଂଚାୟତ ବୈଠକରେ ୫୦ ହଜାର ଟଙ୍କା କ୍ଷତି ପୂରଣ ଶହେ ଥର ଉଠ ବାସ ହେବାକୁ ଅଭିଯୁକ୍ତକୁ ନିର୍ଦେଶ ଦିଆଯାଇଥିଲା | ତେବେ ପ୍ରତିଶୋଧ ପରାୟଣ ହୋଇପଡିଥିଲେ ଅଭିଯୁକ୍ତ | ପଂଚାୟତ ପରେ ପୀଡ଼ିତାଙ୍କ ଘରକୁ ଯାଇ ପରିବାର ଲୋକଙ୍କୁ ନିସ୍ତୁକ ମାଡ ମାରିଥିଲେ କାମୁକ | ଏହା ପରେ ଘର ଲୋକଙ୍କ ଆଗରେ ପୀଡିତାଙ୍କ ଦେହରେ କିରୋସିନ ଢାଳି ନିଆଁ ଲଗାଇଦେଇଥିଲେ ଦୁର୍ବୁର୍ତ୍ତ | ଘଟଣାସ୍ଥଳରେ ନାବାଳିକାଙ୍କ ମୃତ୍ୟୁ ହୋଇଥିଲା | ଏ ନେଇ ପୀଡ଼ିତାଙ୍କ ପରିବାର ଥାନାରେ ଏତଲା ଦେଇଛନ୍ତି | ପୋଲିସ ତଦନ୍ତ ଆରମ୍ଭ କରିଥିବା ବେଳେ ଅଭିଯୁକ୍ତ ମାନେ ଫେରାର ହୋଇଯାଇଛନ୍ତି | ଅଭିଯୁକ୍ତଙ୍କୁ ଧରିବା ପାଇଁ ଏକ ସ୍ୱତନ୍ତ୍ର ଟିମ ଗଠନ କରି ତଦନ୍ତ ଜାରି ରଖିଛି ପୋଲିସ |