AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରଲୋକରେ ପରଭେଜ୍ ମୁଶାରଫ୍, ଚିକିତ୍ସାଧୀନ ଅବସ୍ଥାରେ ଦୁବାଇରେ ଦେହାନ୍ତ
  • ||
  • ବ୍ରହ୍ମପୁର : ଅବକାରୀ ଗୁଇନ୍ଦା ବିଭାଗକୁ ସଫଳତା, ୨୪୦ କିଲୋ ଗଞ୍ଜେଇ ଜବତ
  • ||

ଗୋଟେ ପରେ ଗୋଟେ ନାବାଳିକା ଛାତ୍ରୀ ଗର୍ଭବତୀ ଘଟଣା ଆସୁଛି ପଦାକୁ, ବିଭିନ୍ନ ଜିଲ୍ଲାରେ ରାଜରାସ୍ତାକୁ ଓହ୍ଲାଇଲା ବିଜେପି ଓ କଂଗ୍ରେସ

19/01/2019 at 7:05 PM

ଭୁବନେଶ୍ବର ୧୯|୧|ଚ କନ୍ଧମାଳ ଗ୍ରୀନବାଡ଼ି, ଢେଙ୍କନାଳ ସପ୍ତଶଯ୍ୟା ଆଶ୍ରମ ସ୍କୁଲ, କଳାହାଣ୍ଡି ନବୋଦୟ ବିଦ୍ୟାଳୟ ପରେ ଧର୍ମଗଡ଼ରୁ ଆସିଛି ସଙ୍ଗୀନ ଅଭିଯୋଗ । ଏଠାରେ ମଧ୍ୟ ଜଣେ ସପ୍ତମ ଶ୍ରେଣୀ ଛାତ୍ରୀ ଗର୍ଭବତୀ ହୋଇଥିବାର ଥାନାରେ ଅଭିଯୋଗ କରିଛନ୍ତି ପରିବାର ଲୋକେ । ସେପଟେ ବିଭିନ୍ନ ସ୍ଥାନରେ ନାବାଳିକା ଗର୍ଭବତୀ ହେବା ପ୍ରସଙ୍ଗରେ ଆନ୍ଦୋଳନକୁ ଓହ୍ଲାଇଛନ୍ତି ବିରୋଧୀ କଂଗ୍ରେସ ଓ ବିଜେପି । ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ କରିଛନ୍ତି ବିକ୍ଷୋଭ ।…

  

ସମାଜ ପାଇଁ  ପୁଣି ଏକ ଲଜ୍ଜା । କଳାହାଣ୍ଡି ନବୋଦୟ ବିଦ୍ୟାଳୟର ଅଷ୍ଟମ ଶ୍ରେଣୀ ଛାତ୍ରୀ ଗର୍ଭବତୀ ମାମଲାରେ ଅଭିଯୁକ୍ତ ଚିହ୍ନଟ ହୋଇନଥିବା ବେଳେ ଧର୍ମଗଡ ଡଙ୍ଗାବାହାଲରେ ଏମିତି ଏକ ଲଜ୍ଜାଜନକ ଘଟଣା ପଦାକୁ ଆସିଛି । ଜଣେ ସପ୍ତମ ଶ୍ରେଣୀ ଛାତ୍ରୀ ହୋଇଛନ୍ତି ଗର୍ଭବତୀ । ଛାତ୍ରୀଟିକୁ ଏକୁଟିଆ ପାଇ ବିବାହିତ ପଡୋଶୀ ବାରମ୍ବାର ଦୁଷ୍କର୍ମ କରିଥିଲା । ପରିବାରର ଅଭିଯୋଗ ପରେ ପୋକ୍ସୋ ଧାରାରେ ଅଭିଯୁକ୍ତ ସୁଗ୍ରୀବ ଜାଲକୁ ଗିରଫ କରି କୋର୍ଟ ଚାଲାଣ କରିଛି ଧର୍ମଗଡ଼ ପୋଲିସ।

କଳାହାଣ୍ଡି ଜିଲ୍ଲାରେ ଦୁଇ ଦିନରେ ଦୁଇଟି ଘଟଣା ପଦାକୁ ଆସିବା ପରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଅଭିଯୁକ୍ତଙ୍କ ବିରୋଧରେ କଠୋର ଦଣ୍ଡବିଧାନ ଦାବି କରି ଜିଲ୍ଲା ମହିଳା କଂଗ୍ରେସ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଓ କରାଯାଇଛି ।

ସେପଟେ ଢେଙ୍କାନାଳ ସପ୍ତଶଯ୍ୟା ଆଶ୍ରମ ସ୍କୁଲ ଛାତ୍ରୀ ଗର୍ଭବତୀ ଘଟଣାକୁ ନେଇ ଜିଲ୍ଲାରେ ତୀବ୍ର ଆଲୋଡନ ସୃଷ୍ଟି ହୋଇଛି । ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିବାରୁ ସ୍କୁଲ ଏକ ପ୍ଲାଟୁନ ପୁଲିସ ଫୋର୍ସ ମୁତୟନ ହୋଇଛନ୍ତି । ଏହି ଘଟଣାରେ ପୋଲିସ ଛାତ୍ରୀର ସଂପର୍କୀୟ ପଞ୍ଚମ ଶ୍ରେଣୀ ଛାତ୍ରକୁ ଅଟକ ରଖିବାକୁ ନେଇ ପରିବାର ଲୋକେ କ୍ଷୁବ୍ଧ ହୋଇଛନ୍ତି। ସ୍କୁଲ କର୍ତ୍ତୃପକ୍ଷ ନିଜ ଦୋଷ ଘୋଡ଼ାଇବା ପାଇଁ ସମ୍ପର୍କୀୟ ନାବାଳକ ଉପରେ ଦୋଷ ଲଦିଥିବା ସେମାନେ ଅଭିଯୋଗ କରିଛନ୍ତି । ସେପଟେ ଦୋଷୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଏବଂ ଜିଲ୍ଲା ମଙ୍ଗଳ ଅଧିକାରୀଙ୍କ ନିଳମ୍ବନ ଦାବିରେ ବିଜେପି ଓ କଂଗ୍ରେସ ମହିଳା ମୋର୍ଚ୍ଚା ପକ୍ଷରୁ ଜିଲ୍ଲାପାଳଙ୍କ ଅଫିସ ଆଗରେ ପ୍ରତିବାଦ ପ୍ରଦର୍ଶନ କରାଯାଇଛି ।…

ଗୋଟିଏ ପରେ ଗୋଟିଏ ନାବାଳିକା ଗର୍ଭବତୀ ହେବା ଘଟଣାକୁ ନେଇ ସରକାରଙ୍କ ବିରୋଧରେ ଗର୍ଜିଛନ୍ତି ବିରୋଧୀ । କଳାହାଣ୍ଡି, ଢେଙ୍କାନାଳଠାରୁ ନବରଙ୍ଗପୁର, ବ୍ରହ୍ମପୁର, ପର୍ଯ୍ୟନ୍ତ ବିଭିନ୍ନ ଜିଲ୍ଲାରେ ରାସ୍ତାକୁ ଓହ୍ଲାଇଛନ୍ତି କଂଗ୍ରେସ ଓ ବିଜେପି ।…

ଆଶ୍ରମ ସ୍କୁଲ, ନବୋଦୟ ବିଦ୍ୟାଳୟଠାରୁ ନିଜ ଘର, ସବୁଠି ଅସୁରକ୍ଷିତ ଝିଅ, ଯାହା ଏବେ ବଡ ପ୍ରଶ୍ନ ଛିଡା କରିଛି।

   Related Posts