scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦଶମ ଶ୍ରେଣୀ ଛାତ୍ରୀଙ୍କୁ ଅପହରଣ ପରେ ଗଣଦୁଷ୍କର୍ମ : ଘଟଣାକୁ ନେଇ ବହୁଜନ ସମାଜବାଦୀ ପାର୍ଟି ପ୍ରାର୍ଥୀଙ୍କ ଧମକ-“ଅଭିଯୁକ୍ତଙ୍କୁ ଗିରଫ ନକଲେ ଘରେ ନିଆଁ ଲଗାଇଦେବି”

24/01/2019 at 4:36 PM

ଅଲବର ୨୪/୧ : ରାଜସ୍ଥାନର ବଡୋଦାମେବରେ ପୁଣି ଲଜ୍ଜା | ଜଣେ ଦଶମ ଶ୍ରେଣୀ ଛାତ୍ରୀଙ୍କୁ ଅପହରଣ କରି ଗଣଦୁଷ୍କର୍ମ କରିଥିବା ଘଟଣା ସାମ୍ନାକୁ ଆସିଛି | ପୋଲିସ ମୁଖ୍ୟ ଅଭିଯୁକ୍ତକୁ ଗିରଫ କରିଛି | ଅନ୍ୟ ଦୁଇ ଅଭିଯୁକ୍ତ ଫେରାର ଅଛନ୍ତି |


ସୂଚନାଯୋଗ୍ୟ ଯେ, ମଙ୍ଗଳବାର ଦିନ ଜଣେ ବ୍ୟକ୍ତି ଥାନାରେ ଏତଲା ଦେଇଥିଲେ ଯେ, ତାଙ୍କ ଝିଆରୀ ସକାଳୁ ସ୍କୁଲକୁ ଯାଇ ଘରକୁ ଫେରିନାହିଁ | ନାବାଳିକା ମଙ୍ଗଳବାର ଦିନ ସକାଳୁ ସ୍କୁଲକୁ ଯିବା ପାଇଁ ବାହାରିଥିଲେ | କିନ୍ତୁ ୪ଟା ରେ ସ୍କୁଲ ଛୁଟି ହେବାପରେ ଘରକୁ ଫେରିନଥିଲେ | ବୁଧବାର ଦିନ ସକାଳେ ନାବାଳିକା ସ୍କୁଲ ପାଖ ବିଲରେ ଚେତାଶୂନ୍ୟ ଅବସ୍ଥାରେ ପଡିଥିବା ସ୍ଥାନୀୟ ଲୋକେ ଦେଖି ପୋଲିସ ଖବର ଦେଇଥିଲେ | ପଚରାଉଚୁରା କରିବାରୁ ଜଣାପଡିଥିଲା, ଯେଉଁ ବ୍ୟକ୍ତି ଝିଆରୀ ନିଖୋଜ ହେବ ନେଇ ଥାନାରେ ଏତଲା ଦେଇଥିଲେ ନାବାଳିକା ତାଙ୍କର ହିଁ ଝିଆରୀ | ହୋସ ଆସିବା ପରେ ନାବାଳିକା ଘରଲୋକଙ୍କୁ ସବୁ କଥା କହିଥିଲେ | ନାବାଳିକା କହିଥିଲେ ଯେ, ସକାଳେ ସ୍କୁଲ ଯିବା ସମୟରେ ତାଲିମ ଖାନ ନାମକ ଯୁବକ ତାର ଅନ୍ୟ ଦୁଇ ସାଙ୍ଗଙ୍କ ସହ ମିଶି ନାବାଳିକାକୁ ଜୋର ଜବରଦସ୍ତ ବାଇକରେ ବସାଇ ଅପହରଣ କରିନେଇଥିଲା | ନାବାଳିକା ଚିତ୍କାର କରିବାରୁ ଛୁରୀ ଦେଖାଇ ତାଙ୍କୁ ଜୀବନରେ ମାରିଦେବାକୁ ଧମକ ଦେଇଥିଲେ | ଏଥିରେ ଡରିଯାଇ ନାବାଳିକା ଚୁପ ହୋଇଯାଇଥିଲେ | ଏହାପରେ ସେମାନେ ନାବାଳିକାକୁ ଏକ ବିଲକୁ ନେଇଯାଇ ତାଙ୍କ ସହ ଗଣଦୁଷ୍କର୍ମ କରିଥିଲେ | ଏହାପରେ ନାବାଳିକାକୁ ଚେତାଶୂନ୍ୟ ଅବସ୍ଥାରେ ବିଲରେ ଛାଡ଼ିଦେଇ ଚାଲିଯାଇଥିଲେ |


ରାମଗଡ଼ ବିଧାନସଭା ଆସନରୁ ଉପନିର୍ବାଚନ ଲଢ଼ୁଥିବା ଭାରତୀୟ ସମାଜବାଦୀ ପାର୍ଟି ପ୍ରାର୍ଥୀ ଜଗତ ସିଂ ଘଟଣାକୁ ନେଇ ଧମକ ଦେଇଥିବା ଭିଡିଓ ଭାଇରାଲ ହୋଇଛି | ଭିଡିଓରେ ସେ ଅଭିଯୁକ୍ତଙ୍କ ଘରେ ନିଆଁ ଲଗାଇଦେବାକୁ କହିଛନ୍ତି | ଘଟଣାକୁ ନେଇ ଭଡକୀ ଯାଇଛନ୍ତି | ସେ କହିଛନ୍ତି ଯେ, ପୋଲିସ ଯଦି ଅଭିଯୁକ୍ତଙ୍କୁ ଗିରଫ ନକରିବ ତାହେଲେ ସେ ଆସନ୍ତାକାଲି ଗାଁରେ ପଶି ଯାହା କ୍ଷତି କରିବେ ସେଥିପାଇଁ ପୋଲିସ ଦାୟୀ ହେବ |

   Related Posts