ଟିଟିଲାଗଡ ୨୦।୪: ଗତ ୧୪ ତାରିଖରେ ଟିଟିଲାଗଡ଼ ଥାନା ଅନ୍ତର୍ଗତ ବେଲପଡା ଗାଁର ରେହାନ ବାଗ ନାମକ ଜଣେ ନାବାଳକ ନିଖୋଜ ହୋଇଥିବା ଟିଟିଲାଗଡ଼ ଥାନାରେ ଅଭିଯୋଗ ହୋଇଥିଲା । ପୋଲିସ ଏ ସମ୍ପର୍କରେ ଏକ ନିଖୋଜ ମାମଲା ରୁଜୁ କରି ତଦନ୍ତ ଜାରି ରଖିଥିଲା । ପୋଲିସ ପରିବାରର ଲୋକଙ୍କ ସହିତ ଆଲୋଚନା କରି ଜାଣି ପାରିଥିଲା ଯେ ତାଙ୍କ ପଡୋଶୀ ତଥା ସମ୍ପର୍କୀୟଙ୍କ ସହିତ ସେମାନଙ୍କ ବିବାଦ ଥିଲା । ରେହାନଙ୍କ ଛାତ ଉପରୁ ପରିବାର ଲୋକ ଏକ କାଗଜ ପାଇଥିଲେ । ଯେଉଁଥିଲେ ଲେଖାଥିଲା ୨-୩ ଲକ୍ଷ ଟଙ୍କା ଦେଲେ ରେହାନକୁ ଆଣି ଫେରାଇ ଦେବେ ବୋଲି । କାଗଜର ହସ୍ତାକ୍ଷରକୁ ଦେଖି ପୋଲିସ ସନ୍ଦେହରେ ତାଙ୍କ ସମ୍ପର୍କୀୟ ରୋହନ ବାଗକୁ ଉଠାଇ ନେଇଥିଲା । ପୋଲିସ ତଦନ୍ତ ସମୟରେ ରେହାନ ସମସ୍ତ ଅପରାଧ ସ୍ୱୀକାର କରିବା ସହିତ ଶବ ପକାଇଥିବା ସ୍ଥାନ ଦେଖାଇଥିଲା । ଘଟଣାସ୍ଥଳରେ ପୋଲିସ ଓ ସାଇଣ୍ଟିଫିକ୍ ଦଳ ମାଜିଷ୍ଟ୍ରେଟଙ୍କ ସହିତ ପହଞ୍ଚି ଶବ ଜବତ କରିବା ସହ ଅଧିକ ତଦନ୍ତ କରିବା ସହିତ ଗଳିତ ଶବକୁ ପୋଷ୍ଟମଟର୍ମ କରାଇଥିଲେ । ତେବେ ନିଜ ନାବାଳକ ସମ୍ପର୍କୀୟ ରେହାନକୁ କାହିଁକି ଏଭଳି ଅମାନୁଷିକ ଭାବେ ହତ୍ଯା କରି ଫିଙ୍ଗି ଦେଇଥିଲା ଓ ଏଥିରେ ଆଉ କେଉଁମାନେ ସଂପୃକ୍ତ ଅଛନ୍ତି ତାହା ଅଧିକ ତଦନ୍ତ ପରେ ପ୍ରକୃତ ସତ୍ଯତା ଲୋକଲୋଚନକୁ ଆସିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
You Can Read :
