ରାଇରଙ୍ଗପୁର ୨/୯ : ମାଲଗାଡି ଧକ୍କାରେ କଟିଗଲା ଜଣେ ନାବାଳକର ଦୁଇଗୋଡ । ଏଭଳି ଦୁଃଖଦ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ଗୋରୁମହିଷାଣି ଥାନା କୁଲେଇଶିଳା ତେଲିସାହି ନିକଟରେ । ଗୁରୁତର ନାବାଳକ ହେଲେ କୁଳେଇଶିଳା ଗ୍ରାମର ଶନୁ ପାଟବନ୍ଧା । ତାଙ୍କ ବୟସ ୧୨ ବର୍ଷ। ତେବେ ରେଳ ଧାରଣା ପାରି ହେଉଥିବା ବେଳେ ଏହି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି । ସ୍ଥାନୀୟ କିଛି ଯୁବକ ସୋନୁକୁ ପ୍ରଥମେ ଗୋରୁମହିଷାଣି ଡାକ୍ତରଖାନାକୁ ଆଣିଥିଲେ ଓ ସେଠାରୁ ୧୦୮ ଆମ୍ବୁଲାନ୍ସ ଯୋଗେ ରାଇରଙ୍ଗପୁର ଡାକ୍ତରଖାନାକୁ ସ୍ଥାନାଂତର କରାଯାଇଛି । କିନ୍ତୁ ଦୁଃଖର କଥା ସେଠାରେ ଅନେକ ଭଡା ଗାଡି ଥିଲେ ମଧ୍ୟ ସୋନୁକୁ ଡାକ୍ତରଖାନା ନେବାକୁ କେହିବି ରାଜି ହୋଇନଥଲେ । କିଛି ଯୁବକ ହାତରେ ଟେକି ଟେକି ଡାକ୍ତରଖାନାକୁ ନେଇଥିଲେ।