ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ତେନ୍ତେଇରେ ଦୁଷ୍କର୍ମ ପରେ ଯୁବତୀଙ୍କ ଆତ୍ମହତ୍ୟା ଘଟଣାରେ ବିବୃତ୍ତି ରଖିଲେ ଗୃହରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ର

26/11/2019 at 1:07 PM

ଭୁବନେଶ୍ବର ୨୬।୧୧ :  ଜଗତସିଂହପୁର ତେନ୍ତେଇରେ ଦୁଷ୍କର୍ମ ପରେ ଯୁବତୀଙ୍କ ଆତ୍ମହତ୍ୟା ପ୍ରସଙ୍ଗରେ ଗୃହରେ ରଖିଛନ୍ତି ଗୃହରାଷ୍ଟ୍ର ମନ୍ତ୍ରୀ କ୍ୟାପଟେନ୍ ଦିବ୍ୟଶଙ୍କର ମିଶ୍ର ।  ସେ କହିଛନ୍ତି ଯେ, ଅଭିଯୁକ୍ତର ଏକତରଫା ପ୍ରେମ ପାଇଁ ଯୁବତୀ ଆତ୍ମହତ୍ୟା କରିଛନ୍ତି । ଅଭିଯୁକ୍ତ ଦୀପକ ବେହେରା ଗିରଫ ହୋଇଛି । ଯୁବତୀଙ୍କ ଘର ଆଗରେ ଅଭିଯୁକ୍ତ ଆପତ୍ତିଜନକ ଫଟୋ ଲଗାଇଥିଲେ । ଆତ୍ମହତ୍ୟା ପରେ ଏଫଆଇଆର ଦେଇଥିଲେ ପରିବାରଲୋକ । ଏସଡିପିଓ ଘଟଣାର ତଦନ୍ତ କରୁଛନ୍ତି ।

ଗୃହରେ ମନ୍ତ୍ରୀଙ୍କ ବିବୃତି ଦାବିରେ ଗତକାଲି ବିରୋଧୀ ନାରାବାଜି କରିଥିଲେ । ଗୃହ ବାରମ୍ବାର ମୁଲତବି ହୋଇଥିଲା । ଏହି ପ୍ରସଙ୍ଗରେ ଆଜି ଗୃହରେ ଉତ୍ତର ରଖିବା ଲାଗି ରୁଲିଂ ଦେଇଥିଲେ ବାଚସ୍ପତି । ସେପଟେ ବିରୋଧୀଙ୍କ ନାରାବାଜିକୁ ନେଇ ଶାସକ ଦଳ ଜବାବରେ କହିଥିଲା ଯେ ସରକାର ଆଲୋଚନା କରିବାକୁ ପ୍ରସ୍ତୁତ । କିନ୍ତୁ ପ୍ରସଙ୍ଗ ଉଠାଇବା କ୍ଷଣି ରୁଲିଂ ଦାବି କରି ନାରାବାଜି କରିବା ଠିକ୍ ନୁହେଁ ।

ସୂଚନାଯୋଗ୍ୟ ଯେ, ଜଗତସିଂହପୁର ତେନ୍ତେଇ ଗାଁରେ ଜଣେ ଦଳିତ ଝିଅଙ୍କୁ ଜଣେ ମାଂସ କଟାଳି ଦୀପକ ବେହେରା ଭୟଭୀତ କରାଇ ତାଙ୍କ ପରିବାର ଆଗରେ ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା । ବାପା ମାଙ୍କ ବିରୋଧ ସତ୍ବେ ତାଙ୍କୁ ଧମକଚମକ ଓ ମାରିଦେବାକୁ କହି ବାରମ୍ବାର ଦୁଷ୍କର୍ମ କରିଥିଲା ।

ଏନେଇ ପୋଲିସ ପାଖରେ ବାରମ୍ବାର ଅଭିଯୋଗ କରିଥିଲେ ପରିବାର ଲୋକେ, ହେଲେ ପୋଲିସ ଶୁଣିଲାନି। ବରଂ ଝିଅର ଅଶ୍ଳୀଳ ଫଟୋ ଉଠାଇ ଘର ଆଗରେ ପୋଷ୍ଟର ଲଗାଇଲା ଦୀପକ। ଏସବୁ ସହି ନପାରି ଝିଅଟି ଶେଷରେ ଆତ୍ମହତ୍ୟା କଲା ।

   Related Posts