scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମନ୍ତ୍ରୀଙ୍କ ଉପସ୍ଥିତିରେ ଏପଲ କମ୍ପାନୀ ମ୍ୟାନେଜର ବିବେକ ତିୱାରୀଙ୍କ ହେଲା ଶବ ସତ୍କାର

30/09/2018 at 5:24 PM

ଲକ୍ଷ୍ନୌ ୩୦|୯: ଉତ୍ତରପ୍ରଦେଶରେ ଏପଲ କମ୍ପାନୀ ମ୍ୟାନେଜର ବିବେକ ତିୱାରୀଙ୍କ ଆଜି ବୈକୁଣ୍ଠ ଧାମରେ ଶବ ସତ୍କାର କରାଯାଇଛି | ଶବ ସତ୍କାର ସମୟରେ ବୈକୁଣ୍ଠ ଧାମରେ ମନ୍ତ୍ରୀ ବ୍ରିଜେଶ ପାଠକ ଏବଂ ଆଶୁତୋଷ ଟଣ୍ଡନ ମଧ୍ୟ ପହଂଚିଥିଲେ | ମନ୍ତ୍ରୀ ବ୍ରିଜେଶ ପାଠକ ବିବେକଙ୍କ ପରିବାରକୁ ସହାୟତା କରିବେ ବୋଲି ପ୍ରତିଶୃତି ଦେଇଛନ୍ତି |

ମୁଖ୍ୟମନ୍ତ୍ରୀ ଯୋଗୀ ଅଦିତ୍ୟନାଥ ବିବେକଙ୍କ ପରିବାରକୁ ୨୫ ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି | ତେବେ ୨୫ ଲକ୍ଷ ଟଙ୍କା କ୍ଷତିପୂରଣ ଘୋଷଣାକୁ ନେଇ ବିବେକଙ୍କ ପତ୍ନୀ ଅସନ୍ତୁଷ୍ଟ ପ୍ରକାଶ କରିଛନ୍ତି | ତାଙ୍କ କହିବା ଅନୁଯାୟୀ ପରିବାରରେ ବିବେକ ଏକ ହିଁ ରୋଜଗାର କରୁଥିଲେ | ତାଙ୍କର ପିଲାଙ୍କ ଭବିଷ୍ୟତ ଅନ୍ଧାର ହେଇଯିବ | ପିଲାଙ୍କ ଭବିଷ୍ୟତ ପାଇଁ ସେ ସରକାରଙ୍କୁ ୧ କୋଟି କ୍ଷତିପୂରଣ ଦାବି କରିଛନ୍ତି |

ବିବେକଙ୍କ ପତ୍ରୀ କଳ୍ପନା ମଧ୍ୟ ବିବେକଙ୍କ ଉପରକୁ ଗୁଳିମାଡ କରିଥିବା ଦୁଇ କନେଷ୍ଟବଳଙ୍କ ନାଁରେ ଗୋମତିନଗର ଥାନାରେ ହତ୍ୟା ମାମଲା ରୁଜ୍ଜୁ କରିଛନ୍ତି | ଏହା ପୂର୍ବରୁ ବିବେକଙ୍କ ସହକର୍ମୀ ସନା ଖାନ ମାମଲା ଦାୟର କରିଥିଲେ | ଦୁଇ କନେଷ୍ଟବଳଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ବିବେକଙ୍କ ପରିବାରଲୋକେ | ଦୁଇ ଅଭିଯୁକ୍ତଙ୍କୁ ଗିରଫ କରି ପୋଲିସ ଜେଲକୁ ପଠେଇଦେଇଛି | ମନ୍ତ୍ରୀ ବ୍ରିଜେଶ ପାଠ କହିଛନ୍ତି, ଯଦି ବିବେକଙ୍କ ପରିବାର ଲୋକେ ଚାହୁଁଛନ୍ତି ଘଟଣାର ସିବିଆଇ ତଦନ୍ତ ହେଉ ତାହେଲେ ନିଶ୍ଚୟ ଏହାର ସିବିଆଇ ତଦନ୍ତ କରାଯିବ |
ତେବେ ବିବେକଙ୍କ ପତ୍ନୀ କଳ୍ପନା ମୁଖ୍ୟମନ୍ତ୍ରୀ ଯୋଗୀ ଅଦିତ୍ୟନାଥଙ୍କୁ ଦେଖା କରିବାକୁ ଚାହାନ୍ତି ବୋଲି ବ୍ରିଜେଶ ପାଠକଙ୍କୁ କହିଥିଲେ | ତେବେ ସେ ନିଜ ପରିବାରକୁ ସୁରକ୍ଷା ପ୍ରଦାନ କରିବା ପାଇଁ ମଧ୍ୟ ମନ୍ତ୍ରୀଙ୍କୁ ନିବେଦନ କରିଛନ୍ତି | ତେବେ ମନ୍ତ୍ରୀ ବ୍ରିଜେଶ ପାଠକ ଏହି ମାମଲାର ଶୁଣାଣି ଫାଷ୍ଟ ଟ୍ରାକ କୋର୍ଟରେ କରେଇବା ପାଇଁ ଚେଷ୍ଟା କରିବେ ବୋଲି କହିଛନ୍ତି |

   Related Posts