ନୂଆଦିଲ୍ଲୀ ୦୧।୦୩ : ମାର୍ଚ୍ଚ ୧ ଅର୍ଥାତ୍ ଆଜିଠାରୁ ବଦଳିଛି ଅନେକ ନିୟମ । ଏହାର ପ୍ରଭାବ ସାଧାରଣ ଜନତାଙ୍କ ପକେଟରେ ଉପରେ ପଡିବ ।  ଯାହା ବିଷୟରେ ଜାଣିବା ସମସ୍ତଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଗ୍ୟାସଠାରୁ ଆରମ୍ଭ କରି ବ୍ୟାଙ୍କ ଋଣ ପର୍ଯ୍ୟନ୍ତ ଅନେକ ନିୟମରେ ପରିବର୍ତ୍ତନ ହୋଇଛି ।  ଆସନ୍ତୁ ଜାଣିବା ଆଜିଠାରୁ କେଉଁ ନିୟମରେ ହୋଇଛି ପରିବର୍ତ୍ତନ –

୧. ମାର୍ଚ୍ଚରେ କେତେ ଦିନ ବନ୍ଦ ରହିବ ବ୍ୟାଙ୍କ ?

ଆଜିଠାରୁ ମାର୍ଚ୍ଚ ମାସ ଆରମ୍ଭ ହୋଇଛି ଏବଂ ଅନେକ ନିୟମ ମଧ୍ୟ ବଦଳି ଯାଇଛି  । ଏହି ମାସରେ ହୋଲି ଏବଂ ନବରାତ୍ରୀ ଭଳି ଅନେକ ପର୍ବ ପାଳନ କରାଯିବ । ଯେଉଁ କାରଣରୁ ୧୨ ଦିନ ବନ୍ଦ ରହିବ ବ୍ୟାଙ୍କ । ଛୁଟିଦିନ ବିଷୟରେ ଅଧିକ ଜାଣିବା ପାଇଁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର https://rbi.org.in/Scriptts/HolidayMatrixDisplay.aspx ର ଅଫିସିଆଲ୍ ସାଇଟ୍ କୁ ଯାଇ ଚେକ୍ କରିପାରିବେ ।

୨.ମହଙ୍ଗା ହେବ ବ୍ୟାଙ୍କ ଋଣ

ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଏହାର ରେପୋ ରେଟ୍ ବୃଦ୍ଧି କରିଛି, ଯେଉଁ କାରଣରୁ ଅନେକ ବ୍ୟାଙ୍କ ମଧ୍ୟ ସେମାନଙ୍କର MCLR ବୃଦ୍ଧି କରିଛନ୍ତି । ଯ।ହାର ପ୍ରଭାବ ସିଧାସଳଖ ଲୋକଙ୍କ ପକେଟ ଉପରେ ପଡିବ । ଯେଉଁଥିରେ ଗୃହ ଋଣ, କାର ଋଣ, ଶିକ୍ଷା ଋଣ ବୃଦ୍ଧି ପାଇବ ।

୩. ଟ୍ରେନ ସମୟରେ ପରିବର୍ତ୍ତନ

ଭାରତୀୟ ରେଳବାଇ ମଧ୍ୟ ଟ୍ରେନ୍ ସମୟରେ ପରିବର୍ତ୍ତନ ଆଣିଛି । ଆଜିଠାରୁ ରେଳବାଇ ଏହାର ୫୦୦୦ ମାଲବାହୀ ଟ୍ରେନ୍ ଏବଂ ହଜାର ହଜାର ଯାତ୍ରୀବାହୀ ଟ୍ରେନର ଟାଇମ୍ ଟେବୁଲରେ ଅନେକ ପରିବର୍ତ୍ତନ କରିଛି । ଯଦି ଆପଣ ମଧ୍ୟ ଟ୍ରେନରେ ଯାତ୍ରା କରନ୍ତି କିମ୍ବା ଯାତ୍ରା କରିବାକୁ ଯାଉଛନ୍ତି, ତେବେ ଆପଣଙ୍କୁ ଟ୍ରେନର ସମୟ ଯାଞ୍ଚ କରି ଯାତ୍ରା କରନ୍ତୁ ।

୪. ଗ୍ୟାସ୍ ସିଲିଣ୍ଡର ମହଙ୍ଗା

ହୋଲି ପୂର୍ବରୁ ସାଧାରଣ ଲୋକଙ୍କୁ ମୁଦ୍ରାସ୍ଫୀତିର ଆଉ ଏକ ଝଟକା ଲାଗିଛି । ଘରୋଇ ଗ୍ୟାସ କମ୍ପାନୀଗୁଡିକ ଦୀର୍ଘ ଦିନ ପରେ ଘରୋଇ ଏଲପିଜି ସିଲିଣ୍ଡରର ମୂଲ୍ୟ ୫୦ ଟଙ୍କା ବୃଦ୍ଧି କରିଛନ୍ତି । ରାଜଧାନୀ ଦିଲ୍ଲୀରେ ୧୪.୨ କିଲୋଗ୍ରାମ ଘରୋଇ ଏଲପିଜି ସିଲିଣ୍ଡରର ମୂଲ୍ୟ ୧୧୦୩ ଟଙ୍କାକୁ ବୃଦ୍ଧି ପାଇଛି ।

୫.କ୍ଷୀର ଦର ବୃଦ୍ଧି  

ଆଜିଠାରୁ ମୁମ୍ବାଇରେ ଲିଟର ପିଛା କ୍ଷୀରର ଦାମ୍ ୫ ଟଙ୍କା ବୃଦ୍ଧି ପାଇଛି । ମଙ୍ଗଳବାର ମଧ୍ୟରାତ୍ରିରୁ ମୁମ୍ବାଇରେ ମଇଁଷି କ୍ଷୀରର ହୋଲସେଲ ଦାମ୍ ଲିଟର ପିଛା ୫ ଟଙ୍କା ବୃଦ୍ଧି ପାଇଛି ।