ବାଲିପାଟଣା୧/୧୧: ବାଲିଅନ୍ତା ଥାନା ଭିଙ୍ଗାରପୁର ବ୍ରିଜ ନିକଟ କୁଶଭଦ୍ରା ନଦୀରୁ ମହିଳାଙ୍କ ମୃତଦେହ ମିଳିବା ଘଟଣା। ୩୬ ଘଣ୍ଟା ପରେ ଅଜଣା ମୃତ ଦେହର ପରିଚୟ ମିଳିଛି। ମୃତକ ହେଉଛନ୍ତି ବାଲିଅନ୍ତା ଥାନା ବାଲିକାନ୍ଥିଆ ଗ୍ରାମର ନିର୍ମଳା ମହାନ୍ତି । କ୍ୟାପିଟାଲ ହସ୍ପିଟାଲରେ ମୃତଦେହକୁ ଦେଖି ବାପଘର ଲୋକ ଚିହ୍ନଟ କରିଛନ୍ତି । ନିର୍ମଳାଙ୍କୁ ତାଙ୍କ ସ୍ଵାମୀ ରମଣି ରଂଜନ ମହାନ୍ତି ହତ୍ୟା କରିଥିବା ନେଇ ଅଭିଯୋଗ ଆଣିଛନ୍ତି ପରିବାର ଲୋକେ ।
ନିର୍ମଳାଙ୍କୁ ତାଙ୍କ ସ୍ଵାମୀ ବିଭିନ୍ନ ସମୟରେ ମାଡ ମାରି ଶାରିରୀକ ଏବଂ ମାନସିକ ନିର୍ଯ୍ୟାତନା ଦେଇ ଆସୁଥିବାା ଅଭିଯୋଗ ହୋଇଛି । ବାପଘର ଲୋକ କହିଛନ୍ତି ଯେ, ସ୍ବାମୀ-ସ୍ତ୍ରୀଙ୍କ ମଧ୍ୟରେ କଳି ଝଗଡ଼ା ହେଉଥିଲା ଭଦ୍ର ବ୍ୟକ୍ତିଙ୍କ ଉପସ୍ଥିତିରେ ବହୁବାର ଉଭୟଙ୍କ ମଧ୍ୟରେ ବୁଝାମଣା ହୋଇଥିଲା। ଶେଷରେ ସ୍ଵାମୀ ନିର୍ମଳାଙ୍କୁ ହତ୍ୟା କରିଥିବା ମୃତ ମହିଳାଙ୍କ ଭାଇ ଅଭିଯୋଗ କରିଛନ୍ତି। ଗତ ଶନିବାର ସକାଳେ ଭିଙ୍ଗାରପୁର ବ୍ରିଜ୍ ନିକଟ କୁଶଭଦ୍ରା ନଦୀରୁ ମହିଳାଙ୍କ ମୃତଦେହ ଉଦ୍ଧାର କରିଥିଲା ବାଲିଅନ୍ତା ପୋଲିସ୍ । ଗତ ଶୁକ୍ରବାରଠାରୁ ନିର୍ମଳା ନିଖୋଜ ନିଖୋଜ ଥିଲେ।
