oroinfra
maganna
EVOS_WebBanner_728X90
oroinfra
ChampionMaganna_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୋହନା: ଲଗାଣ ବର୍ଷାରେ ଭୁଶୁଡ଼ିଲା କାନ୍ଥ, ଅଳ୍ପକେ ବର୍ତ୍ତିଲେ ପରିବାରର ୪ ସଦସ୍ୟ
  • ||
  • କେନ୍ଦ୍ର ଉପରେ ବର୍ଷିଲେ ସତ୍ୟପାଲ ମଲିକ୍, କହିଲେ ମୁଁ ଏବେ ସ୍ୱାଧୀନ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୩ କୋଭିଡ୍ ପଜିଟିଭ୍
  • ||
  • ମୁମ୍ୱାଇ: ଜଣାଶୁଣା ଅଭିନେତା ଅରୁଣ ବାଲୀଙ୍କ ନିଧନ, ୭୯ ବର୍ଷ ବୟସରେ ପରଲୋକ
  • ||
  • ରାଜ୍ୟର ବିଭିନ୍ନ ସ୍ଥାନରେ ତୁହାକୁ ତୁହା ବର୍ଷା, ଆସୁଛି ଘୁର୍ଣ୍ଣିବଳୟ
  • ||
  • ଭଦ୍ରକ: ଧାମନଗର ଉପନିର୍ବାଚନ ପାଇଁ ଶୁକ୍ରବାରଠୁ ନାମାଙ୍କନ ଦାଖଲ, ୧୫ରେ ଯାଞ୍ଚ
  • ||
  • ଚାନ୍ଦବାଲୀ: ପଦ୍ମାବତୀ ଟ୍ରଲରରେ ଅଗ୍ନିକାଣ୍ଡ ଘଟଣା, ୧୦ ଘଣ୍ଟା ପରେ ଉଦ୍ଧାର ହେଲେ ୧୦ ଧୀବର
  • ||

‘ଆଉ କେବେ କାଶ୍ମୀର ଆସିବୁନି’: ଆତଙ୍କବାଦୀ ଆକ୍ରମଣରେ ଭୟଭୀତ ପ୍ରବାସୀ ଶ୍ରମିକ, ଘରକୁ ଫେରିବାକୁ ଷ୍ଟେସନରେ ଅସମ୍ଭବ ଭିଡ

18/10/2021 at 3:09 PM

ଜାମ୍ମୁ ୧୮/୧୦ : ଜାମ୍ମୁ କାଶ୍ମୀରରେ ଦିନକୁ ଦିନ ଆତଙ୍କୀ କାର୍ଯ୍ୟକଳାପ ବୃଦ୍ଧି ପାଇବାରେ ଲାଗିଛି । ଜଣେ ପରେ ଜଣେ ଅଣ କାଶ୍ମୀରୀଙ୍କୁ ଟାର୍ଗେଟ କରି ହତ୍ୟା କରିଚାଲିଛନ୍ତି ଆତଙ୍କବାଦୀ । ବିଶେଷ କରି ପ୍ରବାସୀ ଶ୍ରମିକମାନେ ଏ​‌ବେ ଭୟଭୀତ ଅବସ୍ଥାରେ ଅଛନ୍ତି । ଅନ୍ୟ ରାଜ୍ୟମାନଙ୍କରୁ ଯାଇ ଜାମ୍ମୁ କାଶ୍ମୀରର ବିଭିନ୍ନ ସ୍ଥାନରେ କାମ କରୁଥିବା ଶ୍ରମିକମାନେ ଭୟରେ ଘରୁ ବାହାରୁ ନାହାଁନ୍ତି ।

ଗତକାଲି ଅର୍ଥାତ ରବିବାର ବିହାରର ୨ ଜଣ ପ୍ରବାସୀ ଶ୍ରମିକଙ୍କୁ ଗୁଳିକରି ହତ୍ୟା କରିଥିଲେ ଆତଙ୍କବାଦୀ । ପ୍ରବାସୀମାନଙ୍କ ପାଇଁ ବିପଦ ବଢୁଥିବାରୁ ଭୟରେ ନିଜ ନିଜ ଘରକୁ ଫେରିଯିବା ପାଇଁ ବାହାରିଛନ୍ତି । ରେଳ ଷ୍ଟେସନରେ ଅସମ୍ଭବ ଭିଡ ଏହା ଦର୍ଶାଉଛି ଯେ, ପ୍ରକୃତରେ ସେମାନେ ଜାମ୍ମୁ କାଶ୍ମୀରରେ କେଉଁଭଳି ଭାବେ ରହୁଥିଲେ । ଗତ କିଛି ଦିନ ହେଲା ଲଗାତାର ଭାବେ ଆତଙ୍କବାଦୀ ମାନେ କେବଳ ଅଣ କାଶ୍ମୀରୀଙ୍କୁ ହିଁ ଟାର୍ଗେଟ କରିଚାଲିଛନ୍ତି ।

ଦେଶର ବିଭିନ୍ନ ରାଜ୍ୟକୁ ଯିବା ପାଇଁ ଶ୍ରମିକ ଶ୍ରେଣୀର ଲୋକମାନେ ଜାମ୍ମୁ ଷ୍ଟେସନରେ ଅସମ୍ଭବ ଭିଡ ଜମାଇଛନ୍ତି । ନିଜ ନିଜ ଘରକୁ ଯିବା ପାଇଁ ଷ୍ଟେସନରେ ହଜାର ହଜାର ସଂଖ୍ୟାରେ ଶ୍ରମିକ ଅପେକ୍ଷାକରି ରହିଛନ୍ତି । କେବଳ ସେତିକି ନୁହେଁ ଖାଦ୍ୟ ଅଭାବରୁ ଛୋଟ ଛୋଟ ଶିଶୁମାନେ ମଧ୍ୟ ଡହଳ ବିକଳ ହେଉଥିବା ଦେଖିବାକୁ ମିଳିଛି । କିଛି ଲୋକ ଆଉ କେବେ କାଶ୍ମୀରୀ ନଆସିବା ପାଇଁ ମଧ୍ୟ କହୁଛନ୍ତି । ସେମାନଙ୍କ କହିବା ମୁତାବକ, ଆତଙ୍କବାଦୀମାନେ ଧମକ ଦେଉଛନ୍ତି ଏବଂ ଅଣ କାଶ୍ମୀରୀ ବୋଲି ଜାଣିବା ପରେ ଗୁଳିକରି ହତ୍ୟା କରୁଛନ୍ତି ।

ସୂଚନାଯୋଗ୍ୟ, ଜାମ୍ମୁ କାଶ୍ମୀରରେ କେବଳ ଅଣ କାଶ୍ମୀରୀଙ୍କୁ ହିଁ ଟାର୍ଗେଟ କରୁଛନ୍ତି ଆତଙ୍କବାଦୀ । ଗତ ରବିବାର କୁଲଗାମ ଜିଲ୍ଲାର ବିହାରର ୨ ଜଣଙ୍କୁ ଗୁଳିକରି ହତ୍ୟା କରିଥିଲେ । ଏହା ପୂର୍ବରୁ ମଧ୍ୟ ଅନେକ ଅଣ କାଶ୍ମୀରୀଙ୍କୁ ଖୋଜି ଖୋଜି ହତ୍ୟା କରିଥିଲେ ଆତଙ୍କୀ । ଗତକାଲି ବିହାରର ୨ ଜଣଙ୍କୁ ହତ୍ୟା କରିବା ପରେ ଘଟଣାକୁ ନେଇ ଚିନ୍ତାବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ ନୀତିଶ କୁମାର । ଉପରାଜ୍ୟପାଳ ମନୋଜ ସିହ୍ନାଙ୍କ ସହ ଆଲୋଚନା ମଧ୍ୟ କରିଛନ୍ତି । ମୃତକଙ୍କ ପରିବାର ପ୍ରତି ୨ ଲକ୍ଷ ଟଙ୍କାଏ ସହାୟତା ରାଶି ଘୋଷଣା କରାଯାଇଛି ।

   Related Posts