ଭଦ୍ରକ ୯।୫: ଜିଲ୍ଲାର ବିଭିନ୍ନ କ୍ଵାରେଣ୍ଟାଇନ୍ ସେଣ୍ଟର ବା ଅସ୍ଥାୟୀ ସ୍ବାସ୍ଥ୍ୟ ଶିବିରରେ ରହୁଛନ୍ତି ବିଭିନ୍ନ ରାଜ୍ୟରୁ ଫେରିଥିବା ପ୍ରବାସୀ ଓଡିଆ । ଶୁକ୍ରବାର ସୁଦ୍ଧା ୧୭୦୦ରୁ ଅଧିକ ପ୍ରବାସୀ ଭଦ୍ରକ ଜିଲ୍ଲାକୁ ଫେରିଛନ୍ତି । ସେମାନେ ବିଭିନ୍ନ କ୍ଵାରେଣ୍ଟାଇନ୍ ସେଣ୍ଟରରେ ରହୁଛନ୍ତି । ପ୍ରବାସୀ ଓଡିଆମାନେ ବିଭିନ୍ନ ସମୟରେ ନିୟମ ଉଲଂଘନ କରୁଥିବା ଦେଖିବାକୁ ମିଳୁଥିବା ବେଳେ ଏଠି କିନ୍ତୁ ଭିନ୍ନ ଦୃଶ୍ୟ ଦେଖିବାକୁ ମିଳିଛି ।
{"id":267030,"sizeSlug":"large"}![](https://www.prameyanews7.com/wp-content/uploads/2020/05/vlcsnap-2020-05-09-11h06m52s489.jpg)
ଭଦ୍ରକ ଜିଲ୍ଲା ଧୂସୁରି ପଞ୍ଚାୟତର ମୁରଲୀଧର ହାଇସ୍କୁଲ ପରିସରରେ ହୋଇଥିବା କ୍ଵାରେଣ୍ଟାଇନ୍ ସେଣ୍ଟରରେ ରହୁଛନ୍ତି ୩୨ରୁ ଅଧିକ ପ୍ରବାସୀ । ସେଠାରେ ସେମାନେ ସ୍କୁଲ ପରିସରରେ ସଫେଇ କରୁଥିବା ଦେଖିବାକୁ ମିଳିଛି । ବିଦ୍ୟାଳୟର ଖେଳ ପଡିଆ ସଫେଇ କରୁଛନ୍ତି ।
{"id":267031,"sizeSlug":"large"}![](https://www.prameyanews7.com/wp-content/uploads/2020/05/vlcsnap-2020-05-09-11h07m02s511.jpg)
ବିଦ୍ୟାଳୟ ପରିସରରେ ନିର୍ମାଣାଧୀନ ବିଦ୍ୟାଳୟ ଗୃହ ସହ ଆଖପାଖ ଅଞ୍ଚଳରେ ମଧ୍ୟ ସଫେଇ କରୁଛନ୍ତି । ତାଛଡା ସଖାଳୁ ଓ ସନ୍ଧ୍ୟାରେ ପ୍ରାର୍ଥନା ମଧ୍ୟ କରୁଥିବା ଜଣାପଡିଛି । ଏହି ସଫେଇ କାମ କରିବା ସମୟରେ ସେମାନେ ମୁହଁରେ ମାସ୍କ ପିନ୍ଧିବା ସହ ସାମାଜିକ ଦୂରତ୍ବକୁ ମଧ୍ୟ ଧ୍ୟାନରେ ରଖିଥିବା ଜଣାପଡିଛି ।