Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଉ କିଛି ଦିନ ପରେ ସାଜିଥାନ୍ତେ ବରଗଡ଼ ଧନୁଯାତ୍ରାର ବଳରାମ, ତା ଆଗରୁ ଦୁନିଆ ଛାଡ଼ି ଚାଲିଗଲେ ଶ୍ରେୟସ
  • ||
  • ଜାଡ଼ରେ ଥରୁଛି କନ୍ଧମାଳ: ଫୁଲବାଣୀରେ ୬.୬ ଡିଗ୍ରୀ, ଦାରିଙ୍ଗବାଡିରେ ୮.୫ ଡିଗ୍ରୀ ସେଲସିୟସ
  • ||
  • ମହିଳା ପ୍ରଦର୍ଶନକାରୀଙ୍କ ସ୍ତନ ଏବଂ ଗୁପ୍ତାଙ୍ଗକୁ ଗୁଳି କରୁଛନ୍ତି ଇରାନୀ ସେନା, ଖୁଲାସା କଲେ ଡାକ୍ତର
  • ||
  • ସିନ୍ଧେକେଲା ଥାନା ଆଇଆଇସି ଗିରଫ, ୨୫ ହଜାର ଲାଞ୍ଚ ନେଉଥିବା ବେଳେ ଧରିଥିଲା ଭିଜିଲାନ୍ସ
  • ||
  • ଧର୍ମଗଡ: ଭାରସାମ୍ୟ ହରାଇ ଗଛରେ ପିଟିଲା ମିନିଟ୍ରକ, ଦୁର୍ଘଟଣାରେ ଜଣେ ମୃତ
  • ||
  • ଜାଡ଼ରେ ଥରୁଛି ରାଜ୍ୟ, କୋରାପୁଟରେ ତଳକୁ ଖସିଲା ପାରଦ
  • ||
  • ମୋହନା: ଗୋଷ୍ଠୀ କେନ୍ଦ୍ର ପଛପଟେ ପଡ଼ିଛି କୁଢ଼ କୁଢ଼ ଔଷଧ, ବୈଧତା ଥାଇ ବି ଫୋପାଡିଦେଲେ
  • ||
  • ପାଟଣା ରେଞ୍ଜରେ ଘୁରି ବୁଲୁଛନ୍ତି ହାତୀପଲ, ଧାନ ଫସଲ ନଷ୍ଟ ସହ ଖାଇଗଲେ ଶହ ଶହ ଧାନ ବିଡା
  • ||
  • ନିଶ୍ଚିତକୋଇଲି: ବିଳମ୍ବିତ ରାତିରେ ମାତିଲେ ଡକାୟତ, ଚୋରି କରିବାକୁ ଆସି ନେଇଗଲେ ଜୀବନ
  • ||

ମାଇକେଲ୍ ଜ୍ୟାକସନ୍ ବହୁ ପୂର୍ବରୁ କରୋନାର ସଙ୍କେତ ପାଇଥିଲେ, ସେଥିପାଇଁ ପପ୍‌ଷ୍ଟାର ସବୁବେଳେ ପିନ୍ଧୁଥିଲେ ମାସ୍କ: ଦେହରକ୍ଷୀଙ୍କ ଦାବି ଆଣିଲା ନୂଆ ତଥ୍ୟ

27/03/2020 at 8:22 PM

ନୂଆଦିଲ୍ଲୀ ୨୭/୦୩ : ପ୍ରସିଦ୍ଧ ପପ୍‌ଷ୍ଟାର ମାଇକେଲ୍ ଜ୍ୟାକସନ ଏବେ ଦିବଙ୍ଗତ। କିନ୍ତୁ ସେ କୁଆଡ଼େ ତାଙ୍କ ଜୀବିତ ଅବସ୍ଥାରେ କରୋନା ଭଳି ମହାମାରୀ ନେଇ ପୂର୍ବା ଅନୁମାନ କରିଥିଲେ। ଆମେରିକାରେ ସେହି ପ୍ରସିଦ୍ଧ  ପପ୍‌ଷ୍ଟାର ସ୍ବର୍ଗତ ମାଇକେଲ୍ ଜ୍ୟାକସନଙ୍କ ଜଣେ ପୂର୍ବତନ ଅଙ୍ଗରକ୍ଷୀ  ଏପରି ଦାବି କରିଛନ୍ତି। ସେ କହିଛନ୍ତି ତାଙ୍କର ପୂର୍ବତନ ବସ୍ ତଥା ପପ୍ ଷ୍ଟାର୍  ଜ୍ୟାକସନ କରୋନା ଭାଇରସ୍ ପରି ମହାମାରୀର ପୂର୍ବାନୁମାନ କରିଥିଲେ । ଦେହରକ୍ଷୀଙ୍କ ଯୁକ୍ତି ହେଲା ମହାମାରୀ ଆଶଙ୍କାରେ ଜ୍ୟାକସନ ସବୁବେଳେ ସତର୍କ ଓ ସାବଧାନ ଥିଲେ। ଏପରି କି ଲୋକଙ୍କ ଥଟ୍ଟା ପରିହାସ ସତ୍ତ୍ବେ ମାଇକେଲ ଜ୍ୟାକସନ ମୁହଁରେ ସବୁବେଳେ ମାସ୍କ ପିନ୍ଧୁଥିଲେ |

ରିପୋର୍ଟ ଅନୁଯାୟୀ, ଅଙ୍ଗରକ୍ଷୀ ମ୍ୟାଟ ଫିଡସ କହିଛନ୍ତି, ମାଇକେଲ ଜ୍ୟାକସନ ଜାଣିଥିଲେ ଯେ ପ୍ରାକୃତିକ ବିପର୍ଯ୍ୟୟ ସର୍ବଦା ରହିଥାଏ। ସେ ବହୁତ ସଚେତନ ଥିଲେ ଏବଂ ଭବିଷ୍ୟବାଣୀ କରିଥିଲେ ଯେ, ଯେକୌଣସି ସମୟରେ ଆମେ ଅସୁବିଧାର ସମ୍ମୁଖୀନ ହେବା | ଯେକୌଣସି ଭୟଙ୍କର ଜୀବାଣୁ ଯେକୌଣସି ସମୟରେ  ବ୍ୟାପିପାରେ  ବୋଲି ସେ ଆଶଙ୍କା କରୁଥିଲେ | ବେଳେବେଳେ ସେ ଗୋଟିଏ ଦିନରେ ଚାରୋଟି ଦେଶ ଭ୍ରମଣ କରୁଥିଲେ | ବିମାନରେ ବସି ଅନେକ ଲୋକଙ୍କ ସହ ଯାତ୍ରା କରୁଥିଲେ ।

ଯଦି ଆଜି ମାଇକେଲ ଜ୍ୟାକସନ ବଞ୍ଚିଥାନ୍ତେ ତେବେ ଲୋକମାନଙ୍କୁ ଏହି ପରିସ୍ଥିତି ବିଷୟରେ କ’ଣ କହିଥାନ୍ତେ ? ଏପରି ପ୍ରଶ୍ନର ଉତ୍ତରରେ ମ୍ୟାଟ ଫିଡସ କହିଛନ୍ତି, ସବୁବେଳେ ଭୟଙ୍କର ଜୀବାଣୁ ନେଇ ଜ୍ୟାକସନ  କଥାବାର୍ତ୍ତା କରୁଥିଲେ ମଧ୍ୟ କେହି ତାଙ୍କୁ ଗମ୍ଭୀରତାର ସହ ନେଇ ନଥିଲେ ଏବଂ ଲୋକମାନେ  ତାଙ୍କୁ ପରିହାସ କରୁଥିଲେ। କିନ୍ତୁ ଏବେ ତାହା ହିଁ ଘଟିଛି। ସୂଚନାଯୋଗ୍ୟ ଯେ, ୨୦୦୯ ମସିହାରେ ମାଇକେଲ ଜ୍ୟାକ୍ସନଙ୍କର ମୃତ୍ୟୁ ହୋଇଥିଲା |

   Related Posts