ଆମେରିକା ସହ ପାକିସ୍ତାନର ଗୋପନ ଚୁକ୍ତି ଖୁଲାସା; ଋଣ ପାଇଁ ଶସ୍ତାରେ ବିକ୍ରି କରିଛି ଅସ୍ତ୍ରଶସ୍ତ୍ର

Published By : Prameya-News7 Bureau | September 19, 2023 IST

ଇସ୍‌ଲାମାବାଦ,୧୮/୯: ଆର୍ଥିକ ସଂକଟରେ ଜୁଝି ଦେଉଥିବା ପାକିସ୍ତାନର ଚାଲାକି ଧରାପଡ଼ିଲା । ଆଇଏମଏଫ ଠାରୁ ଋଣ ପାଇବା ପାଇଁ ଆମେରିକା ସହ ମିଶି ଚକ୍ରାନ୍ତ କରିଥିଲା ପାକ୍ । ଋଣ ପାଇଁ ଶସ୍ତାରେ ବିକ୍ରି କରିଥିଲା ଅସ୍ତ୍ରଶସ୍ତ୍ର । ୨୦୨୨ରେ ଅନ୍ତର୍ଜାତୀୟ ମୁଦ୍ରା ପାଣ୍ଠି ଠାରୁ ଋଣ ପାଇବାରେ ପାକିସ୍ତାନ ପ୍ରଥମେ ବିଫଳ ହୋଇଥିଲା । ଆଇଏମ୍‌ଏଫ୍‌ ନ ଶୁଣିବା ପରେ ଆମେରିକାଠାରୁ ଅନ୍ତର୍ଜାତୀୟ ସଂଗଠନ ପର୍ଯ୍ୟନ୍ତ ସମସ୍ତଙ୍କୁ ନେହୁରା ହୋଇ ଫେଲ୍ ମାରିଛି । ସବୁଠାରେ ନିରାଶ ହେବା ପରେ ଶେଷରେ ଆମେରିକା ସହ ଏକ ଭିତିରିଆ ଚୁକ୍ତି କରିଛି ପାକିସ୍ତାନ । ଚୁକ୍ତି ଅନୁସାରେ ଆମେରିକାକୁ ପାକିସ୍ତାନ ଶସ୍ତାରେ ଅସ୍ତ୍ରଶସ୍ତ୍ର ଯୋଗାଇ ଦେଇଥିଲା । ଚଳିତବର୍ଷ ଅତି ଗୋପନ ଭାବେ ଏହି କାରବାର ହୋଇଥିଲା । ‘ଦ ଇଣ୍ଟରସେପ୍ଟ’ ପକ୍ଷରୁ ପ୍ରକାଶିତ ଏକ ରିପୋର୍ଟରେ ଏଭଳି କିଛି ଖୁଲାସା ହୋଇଛି ।

ଆମେରିକା-ପାକିସ୍ତାନ ଚୁକ୍ତି ସହ ଜଡ଼ିତ ଦୁଇଜଣଙ୍କ ସୂଚନାକୁ ଆଧାର କରି ଦି ଇଣ୍ଟରସେପ୍ଟ ଏହି ରିପୋର୍ଟ ପ୍ରକାଶ କରିଛି । ଏ ନେଇ ହସ୍ତଗତ ହୋଇଥିବା ଉଭୟ ଦେଶର କିଛି ସରକାରୀ କାଗଜପତ୍ରରୁ ସାମ୍ନାକୁ ଆସିଛି । ଏଥରେ ସ୍ପଷ୍ଟ ହୋଇଛି ଯେ, ଆଇଏମ୍‌ଏଫ୍‌ ଠାରୁ ଋଣ ପାଇବା ପାଇଁ ପାକିସ୍ତାନ ଆମେରିକାକୁ ଶସ୍ତାରେ ଅସ୍ତ୍ରଶସ୍ତ୍ର ବିକ୍ରି କରିଥିଲା । ଆର୍ଥିକ ସଂକଟର ସାମ୍ନା କରୁଥିବା ପାକିସ୍ତାନ ଅସ୍ତ୍ରଶସ୍ତ୍ର ମହଜୁଦ ରଖିବାରେ କୌଣସି ଊଣା କରୁନାହିଁ । ଭୀଷଣ ଦୁରବସ୍ଥାରେ ବି ଏହା ଆଣବିକ ଅସ୍ତ୍ର ସଂଖ୍ୟା ବଢ଼ାଇ ଚାଲିଛି । ଦ ଇଣ୍ଟରସେପ୍ଟ ରିପୋର୍ଟ ମୁତାବକ ୟୁକ୍ରେନ୍‌ ଯୁଦ୍ଧ ପାଇଁ ଆମେରିକା ବିପୁଳ ଅସ୍ତ୍ରଶସ୍ତ୍ର ଯୋଗାଇ ଦେଇଥିଲା । ଅଧିକ ଆବଶ୍ୟକ ପଡ଼ିବାରୁ କିସ୍ତାନକୁ ଫାନ୍ଦରେ ପକାଇଥିଲା । ଆଇଏମ୍‌ଏଫ୍‌ ଋଣ ପାଇବାକୁ ହେଲେ ଅସ୍ତ୍ରଶସ୍ତ୍ର ଦେବାକୁ ପଡ଼ିବ ବୋଲି କହିଥିଲା । ପାକିସ୍ତାନ କିଛି ଉପାୟ ନ ପାଇ ଏଥିରେ ରାଜି ହୋଇଯାଇଥିଲା । ଚଳିତବର୍ଷ ହିଁ ଏହା ଆମେରିକାକୁ ଅସ୍ତ୍ରଶସ୍ତ୍ର ବିକ୍ରି କରିଥିଲା, ଯାହାକୁ ୟୁକ୍ରେନ୍‌ ଚାଲାଣ କରାଯାଇଥିଲା । ଏପଟେ ପାକିସ୍ତାନକୁ ୩୦୦ କୋଟି ଡଲାର ଋଣ ଯୋଗାଇବାକୁ ଆଇଏମ୍‌ଏଫ୍‌ ଜୁଲାଇରେ ଅନୁମୋଦନ ଦେଇଥିଲା । ପାକିସ୍ତାନର ଏଭଳି ପଦକ୍ଷେପକୁ  ଅନେକ ଲୋକ ବିରୋଧ କରିଥିଲେ । ଦେଶବ୍ୟାପୀ ବିକ୍ଷୋଭ ପ୍ରଦର୍ଶନ ବି କରାଯାଇଥିଲା । ଆର୍ଥିକ କାରବାର ପଛରେ ଏଭଳି ହୀନ ରାଜନୈତିକ ଚକ୍ରାନ୍ତକୁ ଦେଶବାସୀ ନିନ୍ଦା କରିଥିଲେ ।

wp:embed {"url":"https://www.prameyanews7.com/india-rejects-allegations-by-canada-said-we-are-a-democratic-polity/","type":"wp-embed","providerNameSlug":"prameya-news-7"}
https://www.prameyanews7.com/india-rejects-allegations-by-canada-said-we-are-a-democratic-polity/
/wp:embed

୨୦୨୨ ଏପ୍ରିଲରେ ଆମେରିକା କଥାରେ ପଡ଼ି ପାକ୍‌ ସେନା, ତତ୍‌କାଳୀନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ଙ୍କ ବିରୋଧରେ ସଂସଦରେ ଅନାସ୍ଥା ପ୍ରସ୍ତାବ ଆଣିଥିଲା । କାରଣ ଆମେରିକା କଥାରେ ମୁଣ୍ଡ ନୁଆଁଇବାକୁ ଚାହୁଁ ନଥିଲେ ଇମ୍ରାନ୍‌ । ଏହାପରେ ତାଙ୍କୁ ଗାଦିଚ୍ୟୁତ କରାଯାଇଥିଲା । ଇମ୍ରାନ୍‌ଙ୍କ ଅପସାରଣ ପରେ ଯୁଦ୍ଧକୁ ନେଇ ଆମେରିକା ଓ ଏହାର ସହଯୋଗୀ ରାଷ୍ଟ୍ରଗୁଡ଼ିକର ସମର୍ଥକ ପାଲଟିଥିଲା ଇସ୍‌ଲାମାବାଦ । ଫଳରେ ପାକିସ୍ତାନର ନୂଆ ଶାହବାଜ ସରକାରକୁ ଆଇଏମ୍‌ଏଫ୍‌ ଋଣ ମିଳିଥିଲା । ଏହା ସହିତ ସାଧାରଣ ନିର୍ବାଚନକୁ ମଧ୍ୟ ସ୍ଥଗିତ ରଖାଯାଇଥିଲା । ଦ ଇଣ୍ଟରସେପ୍ଟ ରିପୋର୍ଟ ଦର୍ଶାଇଛି ଯେ ବିଭିନ୍ନ ଭଳିର ମୌଳିକ ଅସ୍ତ୍ରଶସ୍ତ୍ର ଦୃଷ୍ଟିରୁ ପାକିସ୍ତାନ ଏକ ପେଣ୍ଠସ୍ଥଳ । ତେଣୁ ୟୁକ୍ରେନ୍‌ ଯୁଦ୍ଧ ପାଇଁ ଅସ୍ତ୍ରଶସ୍ତ୍ର ଯୋଗାଡ଼ କରିବା ଲାଗି ଆମେରିକା ଏହା ଉପରେ ଆଖି ପକାଇଥିଲା । ପାକ୍‌ ସେନାର ଲିକ୍‌ ହୋଇଥିବା ଦସ୍ତାବିଜ ଅନୁସାରେ, ୨୦୨୨ ଗ୍ରୀଷ୍ମ ଓ ୨୦୨୩ ବସନ୍ତ ଋତୁ ମଧ୍ୟରେ ଆମେରିକା ଓ ପାକିସ୍ତାନ ମଧ୍ୟରେ ଅସ୍ତ୍ରଶସ୍ତ୍ର କାରବାର ନେଇ ରାଜିନାମା ହୋଇଥିଲା । ଆମେରିକାର ଜଣେ ବ୍ରିଗେଡିୟର୍‌ ଜେନେରାଲଙ୍କ ଦସ୍ତଖତ ଥିବା ଏକ ଦସ୍ତାବିଜକୁ ମର୍ଟଗେଜ୍‌ ରେକର୍ଡ ଭାବେ ରଖାଯାଇଥିଲା

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.