ନୂଆଦିଲ୍ଲୀ, ୧୦/୦୩: ଫେସବୁକ୍, ଇନଷ୍ଟାଗ୍ରାମ୍ର ପ୍ୟାରେଣ୍ଟ କମ୍ପାନୀ ମେଟା ଏକ ନୂଆ ଆପ୍ ଉପରେ କାମ କରୁଛି। ଏହି ଆପ୍ ଟ୍ବିଟରର ସ୍ଥାନ ନେବାକୁ ପ୍ରସ୍ତୁତି କରୁଛି। ଏଲନ ମସ୍କଙ୍କ ଟ୍ବିଟର କିଣିବା, ନୂଆ ଟ୍ବିଟର ପଲିସି, ଟ୍ବିଟର ବ୍ଲୁ ଟିକ୍ ଭଳି ପଦକ୍ଷେପ ପରେ ଲୋକେ ଟ୍ବିଟର ଏକ ଭଲ ବିକଳ୍ପ ଖୋଜୁଛନ୍ତି। ତେଣୁ ମେଟା ଏହାର ଫାଇଦା ନେଇପାରେ।
ତେବେ ଏହି ଆପ୍କୁ ନେଇ ବିଶେଷ ସୂଚନା ଦିଆଯାଇନଥିଲେ ବି କୁହାଯାଉଛି ଯେ ଏହା ଟ୍ବିଟର ଭଳି ହୋଇପାରେ। ଏଲନ୍ ମସ୍କ ଟ୍ବିଟର କିଣିବା ପରଠାରୁ ଲୋକଙ୍କ ମନରେ ସନ୍ଦେହ ରହିଛି। ଆଉ ଏହାର ଫାଇଦା ନେବାକୁ ଚାହୁଛନ୍ତି ଟେକ୍ କମ୍ପାନୀ।
ଏହାକୁ ଲକ୍ଷ୍ୟରଖି ମେଟା ଏକ ନୂଆ ସୋସିଆଲ ମିଡିଆ ଆପ୍ ତିଆରି କରୁଛି। ଯାହା ଉପରେ ଲୋକେ ଟ୍ବିଟରରେ କରୁଥିବା ପୋଷ୍ଟ ପରି ପୋଷ୍ଟ କରିପାରିବେ। ତେବେ ଏହି ପ୍ରୋଜେକ୍ଟ ବିଷୟରେ ଏକ ଜରୁରୀ କଥା ହେଉଛି ଯେ ମେଟା ଏହାର ନେଟଓ୍ବର୍କକୁ ଡିସେଣ୍ଟ୍ରାଲାଇଜ୍ହ ରଖିବ। ଏହି ପଦକ୍ଷେପ ଦ୍ବାରା ଅନ୍ୟ ସୋସିଆଲ ମିଡିଆ ପ୍ଲାଟଫର୍ମ ସହ ମୁକାବିଲ କରିବାରେ ସାହାଯ୍ୟ କରିବ।
କୌଣସି ଆପ୍ରେ ଡି ସେଣ୍ଟ୍ରାଲାଇଜ୍ଡ ନେଟଓ୍ବର୍କ ରହିବାର ଅର୍ଥ ହେଉଛି ଏହାର ଡାଟା କୌଣସି ଗୋଟିଏ ସର୍ଭରରେ ଷ୍ଟୋର କିମ୍ବା ନିୟନ୍ତ୍ରଣ କରାଯିବ ନାହିଁ । ବରଂ ଏହାର କୌଣସି ଷ୍ଟୋର ହିଁ ରହିବ ନାହିଁ।
