ଥାଇଲ୍ୟାଣ୍ଡ ୨୭/୧୦ : ନିକଟରେ ରାଜକୁମାର ଏବଂ ଶ୍ରଦ୍ଧା କପୁରଙ୍କ ଅଭିନୀତ 'ସ୍ତ୍ରୀ' ଫିଲ୍ମରେ ଦେଖିବାକୁ ମିଳିଥିଲା ଏମିତି ଏକ ଘଟଣା | ଫିଲ୍ମରେ ଦେଖିବାକୁ ମିଳିଥିଲା, ଗାଁ ଲୋକେ ଭୁତୁଣୀ ଡରରେ ଘର ବାହାରେ ନାଲି ରଙ୍ଗରେ ଲେଖୁଥିଲେ 'ଓ ସ୍ତ୍ରୀ କଲ ଆନା' | ଏମିତିକି ଭୁତୁଣୀ ଡରରେ ଗାଁର ପୁରୁଷ ମାନେ ମହିଳାଙ୍କ ଭଳି ପୋଷାକ ମଧ୍ୟ ପିନ୍ଧୁଥିଲେ | ଫିଲ୍ମର ଏହି କାହାଣୀଟି କିନ୍ତୁ ସମ୍ପୂର୍ଣ କାଳ୍ପନିକ ଥିଲା | କିନ୍ତୁ ଥାଇଲ୍ୟାଣ୍ଡର ଏକ ଗାଁ ପୁ-ହାଙ୍ଗରେ ଏବେ ସତସତିକା ଏମିତି ଏକ ଘଟଣା ଘଟୁଥିବା ଜଣାପଡିଛି ।
କୁହାଯାଉଛି ଥାଇଲ୍ୟାଣ୍ଡର ଏହି ଗାଁରେ ଗୋଟିଏ ମହିଳାର ପ୍ରେତାତ୍ମା ଘୁରି ବୁଲୁଛି । ଏହି ପ୍ରେତାତ୍ମା ଗାଁର ପୁରୁଷମାନଙ୍କୁ ନିଜ ଶତ୍ରୁ ବୋଲି ବିବେଚନା କରୁଥିବା ବୋଲି ଗାଁ ଲୋକେ ବିଶ୍ୱାସ କରୁଛନ୍ତି | ପ୍ରେତାତ୍ମା ଠାରୁ ରକ୍ଷା ପାଇବା ପାଇଁ ଘର ବାହାରେ ଲେଖୁଛନ୍ତି ଏଠାରେ କୌଣସି ପୁରୁଷ ରହୁନାହାନ୍ତି | ପ୍ରେତାତ୍ମା ଭୟରେ ଗାଁର ପୁରୁଷମାନେ ହାତରେ ନେଲ ପଲିସ ଲଗେଇ ବୁଲୁଛନ୍ତି | ଗତ କିଛି ଦିନ ହେଲା ଗାଁରେ କିଛି ପୁରୁଷଙ୍କ ମୃତ୍ୟୁ ପରେ ପେରତାମ୍ମା ଭୟ ଓ ଧାରଣା ଦୃଢ ହେବାରେ ଲାଗିଛି | ଗତ ୩ ସପ୍ତାହ ମଧ୍ୟରେ ୫ ଜଣ ପୁରୁଷଙ୍କର ମୃତ୍ୟୁ ହୋଇଥିବା ସୂଚନା ମିଳିଛି |
![](https://www.prameyanews7.com/wp-content/uploads/2018/10/stree1.jpg)
ପ୍ରଥମେ ଗାଁର ଗୋଟିଏ ପରିବାରରେ ଏକସଙ୍ଗେ ଦୁଇ ଜଣଙ୍କର ମୃତ୍ୟୁ ହୋଇଥଲା | ସେମାନେ ସମ୍ପୂର୍ଣ ସୁସ୍ଥ ଥିଲେ | ପରିବାରଲୋକଙ୍କ କହିବା ଅନୁଯାୟୀ ତଳେ ପଡିଯିବାରୁ ହଠାତ ସେମାନଙ୍କ ମୃତ୍ୟୁ ହୋଇଯାଇଥିଲା | ଏହା ପରେ ଏକ ବାଇକ ଦୁର୍ଘଟଣାରେ ଜଣେ ଯୁବତୀଙ୍କ ମୃତ୍ୟୁ ହୋଇଥିଲା | ଅନ୍ୟ ଦୁଇଜଣ ମଧ୍ୟ ହଠାତ ପ୍ରାଣ ହରେଇଥିଲେ | କିନ୍ତୁ ଅନ୍ୟ ଦୁଇ ଜଣଙ୍କ ମୃତ୍ୟୁ ଘଟଣାକୁ ନେଇ ଗାଁଲୋକେ ଚୁପ ରୁହନ୍ତି | ତେବେ ଗାଁଲୋକଙ୍କ କହିବା ଅନୁସାରେ ଏସବୁ ଏକ ଅତୃପ୍ତ ଆତ୍ମାର କାମ |
ଗାଁର ୬୦ ବର୍ଷ ବୟସ ବୁଶଦି ମାଳସି ନାମକ ଜଣେ ମହିଳା ସ୍ଥାନୀୟ ଏକ ଖବରକାଗଜକୁ କହିଥିଲେ ଯେ, ଏସବୁ ଦୁଇଟି ଅତୃପ୍ତ ଆତ୍ମାର କାରନାମା | ଯେଉଁଥିରେ ଜଣେ ବିଧବା ମହିଳାଙ୍କ ଆତ୍ମା ରହିଛି | ଏହି ବିଧବା ମହିଳାର ଆତ୍ମା କେବଳ ପୁରୁଷମାନଙ୍କୁ ନିଜର ଶିକାର କରୁଛି | ଏହି ଆତ୍ମା ପୁରୁଷମାନଙ୍କୁ ଶରୀରକୁ ଖାଇ ଭିତରୁ ପୁରା ଖାଲି କରିଦେଇଥାଏ ବୋଲି ସେ ଦୃଢର ସହିତ କହିଛନ୍ତି | ଅନ୍ୟ ଆତ୍ମାଟି ଜଣେ ପୋପଙ୍କ ବୋଲି ମହିଳା ଜଣକ କହିଛନ୍ତି | ପୋପଙ୍କ ଆତ୍ମା ବୃଦ୍ଧ ମାନଙ୍କୁ ନିଜର ଶିକାର କରିଥାଏ ବୋଲି ମହିଳା କହିଛନ୍ତି |
![](https://www.prameyanews7.com/wp-content/uploads/2018/10/stree5.jpg)
ଗାଁରେ ବିଧବା ମହିଳାର ଆତ୍ମାଠାରୁ ଲୋକେ ଅଧିକ ଭୟଭୀତ ଥିବା ଜଣାପଡିଛି | ଗାଁର ସମସ୍ତ ପୁରୁଷ ଏହି ଅତୃପ୍ତ ଆତ୍ମାର ଆକ୍ରମଣକୁ ନେଇ ଭୟଭୀତ ଅବସ୍ଥାରେ ଅଛନ୍ତି | ତେବେ ଘଟଣାର ସମାଧାନ ପାଇଁ ଗାଁଲୋକେ କିଛି ତାନ୍ତ୍ରିକ ପାଖକୁ ଯାଇଥିଲେ | ତାନ୍ତ୍ରିକ କହିଥିଲା ଘଟଣାଟି ଠିକ ହିନ୍ଦୀ ଫିଲ୍ମ ସ୍ତ୍ରୀ ଭଳି | ତାନ୍ତ୍ରିକ ପୁରୁଷମାନଙ୍କୁ ହାତରେ ନାଲି ନେଲ ପଲିସ ଲଗେଇବା ପାଇଁ ଉପଦେଶ ଦେଇଥିଲେ | ସେବେଠାରୁ ପୁରୁଷମାନେ ହାତରେ ନେଲ ପଲିସ ଲଗେଇ ବୁଲୁଛନ୍ତି | ଏହା ସହ ଘର ବାହାରେ ନାଲି ରଙ୍ଗରେ ଲେଖୁଛନ୍ତି ଏଠାରେ କୌଣସି ପୁରୁଷ ରହୁନାହାନ୍ତି | ଏମିତି ଲେଖିବା ଦ୍ୱାରା ବିଧବା ମହିଳାର ଆତ୍ମା ସେହି ଘର ଛାଡି ଆଗକୁ ବଢିଥାଏ | ପ୍ରତ୍ୟେକ ଘର ସାମ୍ନାରେ ଏମିତି ଲେଖାଯାଇଛି | ଏହି ସମସ୍ୟାରୁ ମୁକ୍ତି ପାଇଁ ଲୋକେ ଭଗବାନଙ୍କ ପୂଜାର୍ଚ୍ଚନା ମଧ୍ୟ କରୁଛନ୍ତି | ଆତ୍ମା ଭୟରେ ବହୁତ ଲୋକ ଗାଁ ଛାଡି ମଧ୍ୟ ଚାଲିଯାଉଛନ୍ତି |
ତେବେ ଏଠାରେ ପ୍ରଶ୍ନ ଉଠୁଛି ପ୍ରେତାତ୍ମା କଣ ପଢି ପାରେକି ?