ନୂଆଦିଲ୍ଲୀ ୨୩/୭: ପାଠ ଇଞ୍ଜିନିୟରିଂ । ଏବେ ଗୁଗଲର AI ଫିଚରକୁ ଆଗକୁ ନେବାରେ ତାଙ୍କର ମୁଖ୍ୟ ଭୂମିକା ରହିଛି । ମହାରାଷ୍ଟ୍ରର ଏକ ଛୋଟ ସହର ସାଙ୍ଗଲିରେ ଜନ୍ମ ହୋଇଥିବା ଫୁଲାରା ଏବେ ସବୁଠି ଜଣାଶୁଣା । ତାଙ୍କ ନିଷ୍ଠା ଓ ନେତୃତ୍ବ ଏବେ ଦେଶ ଓ ଦେଶ ବାହାରେ ମଧ୍ୟ ଚର୍ଚ୍ଚା ହେଉଛି । ୨୦୧୭ରେ ଗୁଗଲରେ ଯୋଗଦେଇଥିବା ଫୁଲାରାଙ୍କ କ୍ୟାରିୟର ଗାଡି ଏବେ ଦୌଡିବାକୁ ଲାଗିଛି । କୌଣସି କାମ ବି କଠିନ ନୁହେଁ ଏ କଥାକୁ ସାରା ଦୁନିଆକୁ ଜଣାଇ ଦେଇଛନ୍ତି ସେ । ଫୁଲାରା ଏକ ଏମିତି ସମାଜରେ ବଢିଥିଲେ ଯେଉଁଠି ମହିଳାଙ୍କୁ ଉଚ୍ଚଶିକ୍ଷା ପାଇଁ କେହି ସପୋର୍ଟ କରନ୍ତି ନାହିଁ । ଫୁଲାରା ସାଙ୍ଗଲି ସ୍ଥିତ ବାଲଚନ୍ଦ କଲେଜ ଅଫ ଇଞ୍ଜିନିୟରିଂରୁ ପାସ୍‌ କରିବା ପରେ ସାଉଥ କାଲିଫର୍ଣ୍ଣିଆ ୟୁନିଭରସିଟିରୁ ମ୍ୟାନେଜମ୍ୟାଣ୍ଟରେ ମାଷ୍ଟର ଡିଗ୍ରୀ ହାସଲ କରିଥିଲେ । ପରେ ଷ୍ଟାନଫୋର୍ଡ ୟୁନିଭରସିଟିରେ ଅଭିଜ୍ଞତା ହାସଲ କରିଥିଲେ ଯେଉଁଠି ତାଙ୍କ ଦକ୍ଷତାକୁ ସମ୍ମାନ ମିଳିଥିଲା ।