ନୂଆଦିଲ୍ଲୀ ୨୭/୦୬; ୧୩ ବର୍ଷ କଟିଲା ଅନାଥ ଆଶ୍ରମରେ, ବାପା ଛେଉଣ୍ଡ ପିଲାର କଥା ବୁଝୁଥିଲେ ଅଜଣା ଲୋକ। ଦାରିଦ୍ର୍ୟତା ମାଡରେ ସେ ଅନାଥ ଆଶ୍ରମକୁ ଭାବିଦେଲେ ମନ୍ଦିର। ସେଇଠି ପଢିଲେ ସେଇଠି ବଢିଲେ। କିନ୍ତୁ ସେ ଅଭାବି ପରିବେଶରେ ଥାଇ କେବେ ଅନୁଭବ କରିପାରିନଥିଲେ ଯେ ଭବିଷ୍ୟତ ବି ରଙ୍ଗିନ ହୋଇପାରେ। ଦିନ ଆସିଲା ଲୋକଙ୍କ ମୁହଁରେ ଥିଲା ତାଙ୍କ ପାଇଁ ପ୍ରଶଂସା । ଆଉ ସେ ହୋଇଯାଇଥିଲେ କଲେକ୍ଟର ବାବୁ….।
ଏହି କାହାଣୀ କେରଳର IAS ଅଧିକାରୀ ଅବଦୁଲ ବି ନାସରଙ୍କର। ବେଶ୍ ସଂଘର୍ଷମୟ ତାଙ୍କ ଜୀବନ। ବାରମ୍ବାର ପଡି ଉଠିବାର ଜିଦ୍‌ ନେଇ ଚାଲିଥିଲେ ସେ। ନାସରଙ୍କୁ ଯେତେବେଳେ ମାତ୍ର ୫ ବର୍ଷ ହୋଇଥିଲା ସେ ତାଙ୍କ ବାପାଙ୍କୁ ହରାଇଥିଲେ। ବାପାଙ୍କ ମୃତ୍ୟୁ ପରେ ଦେଖାଦେଲା ଅର୍ଥିକ ସମସ୍ୟା। ସେ ଏବଂ ତାଙ୍କ ଭାଇମାନେ ଏକ ଅନାଥ ଆଶ୍ରମରେ ଥିବାବେଳେ ତାଙ୍କ ମା’ ଜଣେ କାମବାଲୀ ଭାବରେ କାମ କରୁଥିଲେ। ନାସର ୧୩ ବର୍ଷ ପର୍ଯ୍ୟନ୍ତ ଅନାଥ ଆଶ୍ରମରେ ରହି ତାଙ୍କର ବିଦ୍ୟାଳୟ ଶିକ୍ଷା ସମାପ୍ତ କଲେ।

{"id":809293,"sizeSlug":"full","linkDestination":"none"}

ନାସରଙ୍କୁ ଯେତେବେଳେ ମାତ୍ର ୧୦ ବର୍ଷ ହୋଇଥିଲା ସେ ହୋଟେଲରେ ବାସନ ସଫା କରି ରୋଜଗାର କରୁଥିଲେ। ଆର୍ଥିକ ଅନଟନ ଭିତରେ ସେ କୌଣସି ପ୍ରକାରେ ଦ୍ୱାଦଶ ପଢା ଶେଷ କରିଥିଲେ ଏବଂ ପରେ ସରକାରୀ କଲେଜ, ଥାଲାସେରୀରୁ ସ୍ନାତକ ଡିଗ୍ରୀ ହାସଲ କରିଥିଲେ। ଏହାପରେ ନାସର ଟ୍ୟୁସନ କରିଥିଲେ, ଫୋନ୍ ଅପରେଟର ଭାବରେ କାମ କରିବା ସହିତ ଖବରକାଗଜ ବାଣ୍ଟିଥିଲେ।

{"id":809294,"width":842,"height":519,"sizeSlug":"full","linkDestination":"none"}

ଗ୍ରାଜୁଏସନ୍ ପରେ ୧୯୯୪ରେ ଅବଦୁଲ ନାସର କେରଳର ସ୍ୱାସ୍ଥ୍ୟ ବିଭାଗରେ ଅଧିକାରୀ ଭାବରେ ତାଙ୍କର ପ୍ରଥମ ଚାକିରି ପାଇଲେ। ସେ କିନ୍ତୁ ଏହି ଚାକିରିରେ ସନ୍ତୁଷ୍ଟ ନଥିଲେ। ତେଣୁ ସେ ସିଭିଲ୍‌ ସର୍ଭିସ୍‌ ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କଲେ। ୨୦୦୬ ମସିହାରେ, ରାଜ୍ୟ ସିଭିଲ ସର୍ଭିସେସ୍ ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ସେ ଡେପୁଟି କଲେକ୍ଟର ହୋଇଥିଲେ। ତାଙ୍କୁ ୨୦୧୫ ମସିହାରେ କେରଳର ଶ୍ରେଷ୍ଠ ଡେପୁଟି କଲେକ୍ଟର ଭାବରେ ପୁରସ୍କୃତ କରାଯାଇଥିଲା।
ନାସରଙ୍କୁ ୨୦୧୭ରେ IAS ଅଧିକାରୀ ଭାବରେ ପଦୋନ୍ନତି ଦିଆଯାଇଥିଲା। ୨୦୧୯ ମସିହାରେ ସେ କୋଲ୍ଲମ ଜିଲ୍ଲାର କଲେକ୍ଟର ହୋଇଥିଲେ। ତେବେ ଏହାପୂର୍ବରୁ ସେ ସରକାରରେ ଗୃହ କମିଶନର ପଦରେ ମଧ୍ୟ କାର୍ଯ୍ୟ କରିଥିଲେ। ଏହିପରି ଅବଦୁଲ ନାସର ତାଙ୍କ କଠିନ ପରିଶ୍ରମର ଶକ୍ତି ଉପରେ ଅନାଥ ଆଶ୍ରମରୁ IAS ହେବାର ଯାତ୍ରା କରିଛନ୍ତି।

wp:embed {"url":"https://www.youtube.com/watch?v=OwHpDcg_4w8","type":"video","providerNameSlug":"youtube","responsive":true,"className":"wp-embed-aspect-16-9 wp-has-aspect-ratio"}

https://www.youtube.com/watch?v=OwHpDcg_4w8

/wp:embed