ମୁମ୍ବାଇ 23/11 :  ପ୍ରସିଦ୍ଧ ନିର୍ଦ୍ଦେଶକ ଶୋଜିତ ସରକାରଙ୍କ ବହୁ ପ୍ରତୀକ୍ଷିତ ଫିଲ୍ମ ' ଆଇ ୱାଣ୍ଟ୍ ଟୁ ଟକ୍ ' ରିଲିଜ୍ ହୋଇଯାଇଛି। ଦର୍ଶକ ଏବଂ କ୍ରିଟିକ୍ସଙ୍କଠାରୁ ମିଳିଛି ଭଲ ରେସପନ୍ସ।  ଚଳଚ୍ଚିତ୍ରରେ ଅଭିଷେକ ବଚ୍ଚନଙ୍କ ଅଭିନୟକୁ ବି ଜମେଇକି  ପ୍ରଶଂସା କରାଯାଉଛି।  ଏହାକୁ ତାଙ୍କ କ୍ୟାରିୟରର ସର୍ବୋତ୍ତମ ପ୍ରଦର୍ଶନ ବୋଲି କୁହା ଯାଉଛି । ତାଙ୍କ ଅନସ୍କ୍ରିନ ଝିଅ ରିୟାଙ୍କ ଭୂମିକାରେ ଏହି ଚଳଚ୍ଚିତ୍ରରେ ଅହିଲ୍ୟା ବାମରୁ ଅଭିନୟ କରିଛନ୍ତି। ଆସନ୍ତୁ ଜାଣିବା ଇଣ୍ଡଷ୍ଟ୍ରିରେ ଏହି ନୂଆ ଉଦୀୟମାନ ଅଭିନେତ୍ରୀ କିଏ। 

ଅହିଲ୍ୟା ଜଣେ ଦକ୍ଷ ମଡେଲ, ଅଭିନେତା, ଭଏସ୍ ଓଭର ଆର୍ଟିଷ୍ଟ,ଡିଜିଟାଲ୍ କ୍ରିଏଟର।  ସେ ତାଙ୍କର ସର୍ଟ ଭିଡିଓ ଏବଂ ରିଲ୍ ମାଧ୍ୟମରେ ଦର୍ଶକଙ୍କ ହୃଦୟ ଜିଣୁଛନ୍ତି । ଗୀତ ଗାଇବାକୁ ନେଇ ତାଙ୍କର ରହିଛି ଏକ ବିଶେଷ ଉତ୍ସାହ।  ଅହିଲ୍ୟା ୟୁଟ୍ୟୁବ୍ ସାହାଯ୍ୟରେ ଗିଟାର ବଜାଇବା ଶିଖିଛନ୍ତି ।  ତାର ଧୁନ୍ ରେ ଗୀତ ଗାଆନ୍ତି। ସେ ଇଂରାଜୀ, ହିନ୍ଦୀ, ଫରାସୀ, ବଙ୍ଗାଳୀରେ ଗୀତ ଗାଇ ପାରନ୍ତି।  

ଅହିଲ୍ୟା ଶୁଜିତ ସରକାଙ୍କ ଚଳଚ୍ଚିତ୍ର ସହିତ ତାଙ୍କର ଫିଚର ଫିଲ୍ମ ଡେବ୍ୟୁ କରିଛନ୍ତି ।  ପ୍ରଶଂସକମାନେ ତାଙ୍କୁ ଉଦୀୟମାନ ତାରକା ବୋଲି କହିବା ଆରମ୍ଭ କରି ଦେଇଛନ୍ତି। ତାଙ୍କର ପ୍ରଥମ ଚଳଚ୍ଚିତ୍ରରେ ଅଭିଷେକ ବଚ୍ଚନଙ୍କ ପରି ଜଣେ ବଡ ତାରକାଙ୍କ ସହ କାମ କରିବା ପରେ ତାଙ୍କ ଖୁସିର କୌଣସି ସୀମା ନଥିବା ସେ କହିଛନ୍ତି।  ଯେତେବେଳେ ଅହିଲ୍ୟାଙ୍କୁ 3ବର୍ଷ ହୋଇଥିଲା, ତାଙ୍କ ପରିବାର ପୁଦୁଚେରୀକୁ ଚାଲିଗଲେ । ଅହିଲ୍ୟା ପିଲାବେଳୁ  ଅରୋଭିଲ୍ ସହରରେ ବଢ଼ିଛନ୍ତି। ଏଠାରେ ଥିବା ଲୋକଙ୍କ ସହ ରହିବା ହେତୁ ତାଙ୍କଠାରେ ବ୍ୟକ୍ତିଗତ ଅଭିବୃଦ୍ଧି ଘଟିଛି ।  ସେ ସଂସ୍କୃତି ପ୍ରତି ଆକର୍ଷିତ ହୋଇଥିଲେ ବୋଲି କହିଛନ୍ତି। 

Also Read-

ସାଉଥରେ ଡେବ୍ୟୁ କରିବେ ୟୁଜବେନ୍ଦ୍ର ଚହଲଙ୍କ ପତ୍ନୀ ଧନଶ୍ରୀ, ଏହି ଚରିତ୍ରରେ ଆସିବେ ନଜର