ନୂଆଦିଲ୍ଲୀ ୧୧।୦୬: ବାହାନଗା ଟ୍ରେନ ଦୁର୍ଘଟଣାକୁ ୧୦ଦିନ ପୁରିନଥିବା ବେଳେ ଏବେ ଆଉ ଏକ ଟ୍ରେନ ଦୁର୍ଘଟଣା ହୋଇଛି । ଓଡିଶା ପରେ ପଶ୍ଚିମବଙ୍ଗରେ ହୋଇଛି ଏହି ଟ୍ରେନ୍ ଦୁର୍ଘଟଣା । ମେଦିନୀପୁରରୁ ହାୱାଡାକୁ ଯାଉଥିବା ଏକ ଲୋକାଲ୍ ପାସେଞ୍ଜର୍ ଟ୍ରେନ୍ ଟ୍ରାକରୁ ଖସିଯାଇଛି । ଏହି ଦୁର୍ଘଟଣା ଶନିବାର ରାତି ପ୍ରାୟ ୧୦ଟା ସମୟରେ ଖଡଗପୁରରେ ପ୍ରବେଶ କରିବା ପୂର୍ବରୁ ଗିରି ମଇଦାନରେ ହିଁ ହୋଇଛି । ଦୁର୍ଘଟଣାରେ କେହି ପ୍ରାଣ ହରାଇ ନଥିବା ସୂଚନା ମିଳିଛି । ଅନ୍ୟପଟେ ରେଳ ଅଧିକାରୀମାନେ ଦୁର୍ଘଟଣା ସ୍ଥଳରେ ପହଞ୍ଚି ଘଟଣା ଉପରେ ରଖିଛନ୍ତି ନଜର।

ଜୁନ୍ ୨ରେ ଓଡିଶାର ବାଲେଶ୍ବରରେ ହୋଇଥିବା ବଡ ଟ୍ରେନ ଦୁର୍ଘଟଣା ସାରା ବିଶ୍ବକୁ ଚକିତ କରିଛି । ଏଥିରେ ୨୮୮ଜଣଙ୍କର ଜୀବନ ଚାଲିଯାଇଥିବା ବେଳେ, ଏଥିରେ ହଜାର ହଜାର ଲୋକ ଆହତ ହୋଇଥିଲେ। ଏହି ଦୁର୍ଘଟଣାରେ କରମଣ୍ଡଳ ଏକ୍ସପ୍ରେସ ଏକ ମାଲବାହୀ ଟ୍ରେନକୁ ଧକ୍କା ଦେଇଥିଲା । ସେହି ସମୟରେ ବିପରୀତ ଦିଗରୁ ଆସୁଥିବା ଏସଏମଭିଟି ବେଙ୍ଗାଲୁରୁ- ହାୱାଡା ସୁପରଫାଷ୍ଟ ଏକ୍ସପ୍ରେସ ବି  କରମଣ୍ଡଳକୁ ଦେଇଥିଲା ଧକ୍କା । ଯେଉଁ କାରଣରୁ ହୋଇଥିଲା ଏତେ ବଡ ଦୁର୍ଘଟଣା । ସେହି ଦୁର୍ଘଟଣାକୁ ଆଜିକୁ ହୋଇଛି ୧୦ ଦିନ ।  
You Can Read: