ବନ୍ଦ ପ୍ରଭାବରେ ଜଗତସିଂହପୁର ଜିଲ୍ଲାରେ ସମସ୍ତ ଔଷଧ ଦୋକାନ ବନ୍ଦ
Published By : Prameya-News7 Bureau | September 28, 2018 IST
ଜଗତସିଂହପୁର ୨୮/୯ : ବିଭିନ୍ନ ଦଫା ଦାବି ନେଇ ଆଜି ସାରା ଦେଶରେ ଡ୍ରଗିଷ୍ଟ ଆଣ୍ଡ କେମିଷ୍ଟ ଆସୋସିଏସନ ପକ୍ଷରୁ ଔଷଧ ଦୋକାନ ଗୁଡିକ ବନ୍ଦ ଡାକରା ଦିଆଯାଇଥିବା ବେଳେ ଏହାର ପ୍ରଭାବରେ ଜଗତସିଂହପୁର ଜିଲ୍ଲାରେ ମଧ୍ୟ ଔଷଧ ଦୋକାନ ଗୁଡିକ ବନ୍ଦ ରହିଛି । ସକାଳୁ ସମସ୍ତ ଔଷଧ ଦୋକାନ ଗୁଡିକରେ ତାଲା ଝୁଲୁଥିବା ବେଳେ ମେଡିକାଲକୁ ଆସୁଥିବା ରୋଗୀମାନେ ଆଶଙ୍କାରେ ପଡିଛନ୍ତି । ଜଗତସିଂହପୁର ସହ ବାଲିକୁଦା, ନାଉଗାଁ,ପାରାଦୀପ,ରଘୁନାଥପୁର ,ମଣିଜଙ୍ଗା, ବିରିଡି,ମାଛଗାଁ ଆଦି ସ୍ଥାନ ସହ ଅନ୍ୟାନ୍ୟ ସ୍ଥାନରେ ମଧ୍ୟ ଔଷଧ ଦୋକାନ ଗୁଡିକ ବନ୍ଦ ରହିଥିବାର ଦେଖା ଯାଇଛି ।