suno sunao
Aao Nxt
suno sunao
AAo728x90 (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, odisha news,khabar odisha,news in oriya

ଡାକ୍ତରୀ ଛାତ୍ର ଏବେ ଆଉ ମୃତଦେହ ଡିସେକ୍ସନ କରିବା ଦର୍କାର ନାହିଁ, ଭୀମସାର ମେଡିକାଲ କଲେଜରେ ଆରମ୍ଭ ହେଲା ଥ୍ରୀ-ଡି ମେସିନ୍ ମାଧ୍ୟମରେ ଶିକ୍ଷାଦାନ

17/07/2019 at 5:16 PM

ସମ୍ବଲପୁର୧୭|୭: ୩ଡି ମେସିନ୍‌ ମାଧ୍ୟମରେ ବୁର୍ଲା ମେଡିକାଲ୍‌ର ଛାତ୍ରଛାତ୍ରୀମାନେ ପାଠ ପଢୁଛନ୍ତି । ଆମେରିକାରେ ନିର୍ମିତ ଏହି ମେସିନ୍‌ ଏବେ ଭୀମ୍‌ସାର ମେଡିକାଲ୍‌ ଛାତ୍ରଛାତ୍ରୀଙ୍କ ପାଇଁ ଉପଲବ୍ଧ । ରାଜ୍ୟରେ ପ୍ରଥମ କରି ଭୀମସାରର ଛାତ୍ରଛାତ୍ରୀ ଏହି ସୁବିଧା ପାଇଛନ୍ତି । ଅନେକ ସମୟରେ ମୃତ ଦେହ ମିଳିବାରେ ଅସୁବିଧା ହୁଏ । ଛାତ୍ରଛାତ୍ରୀମାନେ ବି ମଣିଷ ଶରୀରକୁ ଡିସେକ୍ସନ କରିବା ବେଳେ ଅନେକ ସମସ୍ୟାର ସମ୍ମୁଖୀନ ହୁଅନ୍ତି । ଆଉ ଏହି ୩ଡି  ମେସିନ୍ ଏସବୁ ସମସ୍ୟା ଦୂର କରିପାରିବ ବୋଲି ଆଶା ।

୩ ଡି ମେସିନ୍ ମାଧ୍ୟମରେ ଚାଲିଛି ଶିକ୍ଷାଦାନ । ରାଜ୍ୟର ପ୍ରଥମ ଥର ପାଇଁ ବୁର୍ଲା ଭୀମସାର ଛାତ୍ରଛାତ୍ରୀ ଏହି ସୁବିଧା ପାଇଛନ୍ତି । ପୁର୍ବରୁ ମେଡିକାଲ୍‌ କଲେଜ୍‌କୁ ଦାନ କରାଯାଉଥିବା ମୃତଦେହକୁ, ଛାତ୍ରଛାତ୍ରୀମାନେ ଡିସେକ୍ସନ୍‌  କରୁଥିଲେ । ହେଲେ ମୃତଦେହକୁ କାଟି ସମସ୍ତ ଗୁରୁତ୍ବପୂର୍ଣ୍ଣ ଅଙ୍ଗପ୍ରତ୍ୟଙ୍ଗ ଦେଖିବା ସହ, ତାର କାର୍ଯ୍ୟ ଜାଣିବା କଷ୍ଟସାଧ୍ୟ ହେଉଥିଲା। ମୃତ ଶରୀର ଡିସେକ୍ସନ୍‌ କଲାବେଳେ  ଗୁରୁତ୍ବପୂର୍ଣ୍ଣ ଅଙ୍ଗପ୍ରତ୍ୟଙ୍ଗ ଯଦି ପୁର୍ବରୁ ନଷ୍ଟ ହୋଇଯାଇଥାଏ, ତେବେ ମେଡିକାଲ୍‌ ଛାତ୍ରଛାତ୍ରୀଙ୍କ ମନରେ ଅନେକ ସନ୍ଦେହ ରହିଯାଇଥାଏ । କିନ୍ତୁ, ୩ଡି ଭରଚ୍ୟୁଆଲ୍‌ ଆନାଟୋମୀ ଡିସେକସ୍ନନରେ ଏହି ସବୁ ସମସ୍ୟା ରହିବ ନାହିଁ ।  ସବୁଠୁ ବଡକଥା ହେଲା, ଏହି ୩ଡି  ଆନାଟୋମୀ ଡିସେକ୍ସନ୍‌ ରେ ଛାତ୍ରଛାତ୍ରୀମାନେ ସେମାନଙ୍କ ସମସ୍ତ ସନ୍ଦେହ ଦୂର ହେବା ପର୍ଯ୍ୟନ୍ତ ବାରମ୍ବାର ଦେଖିପାରିବେ ଓ ପଢିପାରିବେ ।  କିନ୍ତୁ  ମୃତ ଶରୀରରକୁ  ବାରମ୍ବାର ଡିସେକସନ କରିବା ସମ୍ଭବ ନୁହେଁ ।

ଆମେରିକାରେ ନିର୍ମିତ ଏହି ୩ଡି ମେସିନ୍‌ଟିର ମୂଲ୍ୟ ପ୍ରାୟ ୨କୋଟି ଟଙ୍କା ।  ଏହି ମେସିନ୍‌ରେ ୱିଣ୍ଡୋ-୧୦ ଲୋଡ୍‌ କରାଯାଇଛି । ଏହାସହ ଅତ୍ୟାଧୁନିକ ୩ଡି ସଫ୍ଟୱେୟାର ଲୋଡ୍‌ କରାଯାଇଛି। ଏହି ମେସିନ୍‌କୁ ଗୋଟିଏ ସ୍ଥାନରେ ରଖି, ଏହାର ଅପରେସନାଲ୍‌ ଟେକ୍ନୋଲୋଜି ମାଧ୍ୟରେ ବହୁଦୂରରେ ଏହାର ଭିଜୁଆଲ୍‌କୁ ଦେଖିହେବ ।  ଗୋଟିଏ ଶ୍ରେଣୀ କକ୍ଷରେ ଏହାକୁ ରଖାଯାଇ, ଅନ୍ୟ କ୍ଲାସ୍‌ରୁମ୍‌ ର ମନିଟରରେ ଏହାର ଭିଜୁଆଲ୍‌କୁ ଶେୟାର କରାଯାଇ ମଧ୍ୟ ଛାତ୍ରଛାତ୍ରୀଙ୍କ ପାଠ ପଢାଯାଇପାରିବ ।

ଏହି ୩ଡି ଭରଚୁଆଲ୍‌ ଆନାଟୋମୀ ମେସିନ୍‌ ନିଶ୍ଚିତ ରୂପେ, ମେଡିକାଲ୍ ଛାତ୍ରଛାତ୍ରୀଙ୍କ ପାଇଁ ଏକ ବରଦାନ ସଦୃଶ୍ୟ ।

   Related Posts