ଝାରସୁଗୁଡା ୦୭/୦୩: ନବ ଦାସ୍‌ଙ୍କୁ ସ୍ଥିର ମସ୍ତିଷ୍କରେ ହତ୍ୟା କରିଛି ଗୋପାଳ । ଏସସିବି ର ମାନସିକ ରୋଗ ବିଭାଗ ମୁଖ୍ୟଙ୍କ ସହିତ ମେଡିକାଲ ଟିମ୍ ଦେଇଥିବା ରିପୋର୍ଟକୁ ଆଧାର କରି ଝାରସୁଗୁଡ଼ା ଅତିରିକ୍ତ ସେସନ୍ସ କୋର୍ଟ ଗତକାଲି ତାଙ୍କ ରାୟରେ ଗୋପାଳ ନିମହନ୍ସ ଯିବା ଆବେଦନକୁ ଖାରଜ କରିଛନ୍ତି ।

ପୂର୍ବରୁ କ୍ରାଇମବ୍ରାଞ୍ଚର ଏହି ଆବେଦନକୁ ଜେଏମଏଫସି କୋର୍ଟ ଖାରଜ କରିସାରିଥିଲେ । ଗୋପାଳ ମାନସିକତାରେ କୌଣସି ଅସ୍ଵାଭାବିକତା ନାହିଁ । ଗୋପାଳକୁ ନିମ ହନ୍ସ ନେବାର ମଧ୍ୟ ଆବଶ୍ୟକତା ନାହିଁ ବୋଲି ତାଙ୍କ ନିର୍ଦ୍ଦେଶାନାମାରେ ଦର୍ଶାଇଛନ୍ତି. ଆଗକୁ ଏଥିପାଇଁ କ୍ରାଇମବ୍ରାଞ୍ଚର କଣ ପଦକ୍ଷେପ ରହିବ ତା ଉପରେ ସମସ୍ତଙ୍କ ନଜର ।