ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

‘ଭାରତରେ କରୋନା ସଂକ୍ରମଣ ବଢ଼ାଇବାକୁ ଷଡଯନ୍ତ୍ର କରିପାରେ ପାକିସ୍ତାନ’… ସତର୍କ କଲେ ବିଜେପି ସାଂସଦ

13/04/2020 at 6:51 PM

କୁଶୀନଗର୧୩/୦୪: ଭାରତୀୟ ଜନତା ପାର୍ଟିର କୁଶୀନଗର ସାଂସଦ ବିଜୟ ଦୁବେ କହିଛନ୍ତି ଯେ, ପାକିସ୍ତାନ କୁଶୀନଗର ଜନତାଙ୍କ ସହ ଭାରତ ନେପାଳ ସୀମାରେ ଅବସ୍ଥିତ ଭାରତର ଅନ୍ୟ ଜିଲ୍ଲାରେ କରୋନା ସଂକ୍ରମଣ ବିସ୍ତାର କରିବାର ଷଡଯନ୍ତ୍ର କରିପାରେ | ସେ କହିଛନ୍ତି ଯେ, କୁଶୀନଗର ସୀମାରେ ରହିଛି | ହରିପୁର, ନାରାୟଣପୁର, ମରି ଚହବା ଆଦି ଗାଁରେ ଫୁଟ୍‌ପାଥ ଦେଇ କୁଶୀନଗର ଆସିହେବ| ନେପାଳର ସୁସ୍ତା ଗାଁ ଓ ପରସା ଜଙ୍ଗଲ ମଧ୍ୟ କୁଶୀନଗରକୁ ଲାଗି ରହିଛି|ପରସାର ଜାଲିମ ମୁଖିଆ ମୌଲବୀ ସାହାଯ୍ୟରେ କିଛି ଲୋକ ଏଠାରେ କରୋନା ସଂକ୍ରମଣ ବିସ୍ତାର କରିବାକୁ ଷଡଯନ୍ତ୍ର ରଚନା କରୁଛନ୍ତି | ଏନେଇ ଗୁଇନ୍ଦା ରିପୋର୍ଟ ମିଳିଛି | ସେଥିପାଇଁ ଜିଲ୍ଲା ଅଧିକାରୀଙ୍କୁ ସଚେତନ କରିଥିବା ସେ କହିଛନ୍ତି।

ସେ କହିଛନ୍ତି ଯେ, “ଜାଲିମ ମୁଖିଆର ସଂସ୍ପର୍ଶରେ ଆସିଥିବା ଯେଉଁ ୪୦ ଜଣଙ୍କୁ କ୍ଵାରେଣ୍ଟାଇନ କରାଯାଇଛି ସେମାନେ ନେପାଳୀ ନୁହନ୍ତି, ସେମାନେ ବାହାରୁ ଆସିଛନ୍ତି | ସେହିମାନଙ୍କ ଜରିଆରେ ସେ ଏଠାରେ କରୋନା ବିସ୍ତାର କରିବାକୁ ଷଡଯନ୍ତ୍ର ରଚୁଥିବ | ନେପାଳ ସୀମା ଚୀନ ଓ ଭାରତ ସହ ଲାଗିଛି | ସେଥିପାଇଁ ଏଠାରେ ବିପଦ ରହିଛି | ସେପଟେ ଜାଲିମ ମୁଖିଆ ୪୦ ଜଣଙ୍କୁ ନିଜ ମସଜିଦରେ ସତର୍କତା ଦୃଷ୍ଟିରୁ ରଖିଛି | ସେହିମାନେ ଭାରତରେ ପଶି ସଂକ୍ରମଣ ବିସ୍ତାର କରିପାରନ୍ତି ବୋଲି ଆଶଙ୍କା କରିଛନ୍ତି |

ଏମାନେ ଫୁଟ୍‌ପାଥ ରାସ୍ତା ଦେଇ ଆସି ସଂକ୍ରମଣ ବିସ୍ତାର କରିପାରନ୍ତି ବୋଲି ସେ ସନ୍ଦେହ କରିଛନ୍ତି | ନେପାଳର ପରସା ଜିଲ୍ଲାର ସେରବା ଥାନାର ଜାଲିମ ମୁଖିଆର ସୁରକ୍ଷାରେ କରୋନା ସନ୍ଦିଗ୍ଧ ଏକତ୍ରିତ ହୋଇପାରନ୍ତି ବୋଲି ସେ କହିଛନ୍ତି|ପୋଲିସ ସମସ୍ତ ସୀମା ସିଲ୍ କରିଦେଇଛି | ତଥାପି ଏମାନେ ପଥଚଲା ରାସ୍ତା ଦେଇ କୁଶୀନଗର ଏବଂ ନିକଟସ୍ଥ ଅଞ୍ଚଳରେ ପ୍ରବେଶ କରିପାରନ୍ତି | ସେଥିପାଇଁ ସେ ଡିଏମ ଓ ଏସପିଙ୍କୁ ସତର୍କ କରିଦେଇଛନ୍ତି | ଗତକାଲି ମଧ୍ୟ ସେଠାରେ ଜଣେ ନେପାଳୀ ଧରା ପଡିଥିଲା ବୋଲି ସେ କହିଛନ୍ତି |

କୂଶୀନଗର ପୋଲିସ ଅଧିକ୍ଷକ ବିନୋଦ କୁମାର ମିଶ୍ର କହିଛନ୍ତି ଯେ, ଜିଲ୍ଲାର ସମସ୍ତ ସୀମାକୁ କଡାକଡି ଭାବେ ସିଲ କରିଦିଆଯାଇଛି | ପଥଚଲା ରାସ୍ତା ଖୋଲା ରହିଛି | ଜଳପଥ ଉପରେ ପୋଲିସର କଡା ନଜର ରହିଛି | ପଦଯାତ୍ରୀଙ୍କୁ ଭଲ ଭାବେ ଯାଞ୍ଚ କରାଯାଉଛି |

   Related Posts