ସୁରଟ: ବାତିଲ୍ ହେଲା ଲେଜିଣ୍ଡସ ଲିଗ୍ର ୯ମ ମ୍ୟାଚ। ରବିବାର କୋଣାର୍କସୂରିୟାସ ଓଡ଼ିଶା ଏବଂ ଇଣ୍ଡିଆ କ୍ୟାପିଟାଲ୍ସ ମଧ୍ୟରେ ଖେଳାଯିବାକୁ ଥିବା ମ୍ୟାଚ୍ ବାତିଲ ହୋଇଛି । ଗତ ଦୁଇ ଦିନ ଧରି ଲଗାଣ ବର୍ଷା ଫଳରେ ଫିଲ୍ଡ ଓଦା ରହିବା କାରଣରୁ ମ୍ୟାଚକୁ ବାତିଲ କରାଯାଇଛି | ମ୍ୟାଚ୍ ପାଇଁ ଗ୍ରାଉଣ୍ଡ କର୍ମଚାରୀମାନେ ଆଉଟଫିଲ୍ଡକୁ ଯଥା ସମ୍ଭବ ଶୁଖିଲା ରଖିବାକୁ ଚେଷ୍ଟା କରିଥିଲେବି ତାହା ସମ୍ଭବ ହୋଇପାରନଥିଲା। ଶେଷରେ ଅଧିକାରୀମାନେ ମ୍ୟାଚ୍ ବାତିଲ କରିବାକୁ ନିଷ୍ପତ୍ତି ନେଇଥିଲେ।
ବାତିଲ ପରେ ଉଭୟ ଦଳକୁ ଗୋଟିଏ ଗୋଟିଏ ପଏଣ୍ଟ ଦିଆଯାଇଛି। ଏହା ସହ ୩ ଟି ମ୍ୟାଚରୁ ୪ ପଏଣ୍ଟ ସହ ପଏଣ୍ଟ ଟେବୁଲର ଦ୍ୱିତୀୟ ସ୍ଥାନରେ ରହିବ | ସେହିଭଳି ୩ ଟି ମ୍ୟାଚରୁ ୩ ପଏଣ୍ଟ ସହ ଇଣ୍ଡିଆ କ୍ୟାପିଟାଲ୍ସ ତୃତୀୟ ସ୍ଥାନକୁ ଉନ୍ନୀତ ହୋଇଛି | ଏବେ କୋଣାର୍କ ସୂରିୟାସ୍ ଓଡ଼ିଶା ପରବର୍ତ୍ତୀ ମ୍ୟାଚ୍ ଅକ୍ଟୋବର ୨ ଅର୍ଥାତ ବୁଧବାର, ସାଉଥ୍ ସୁପରଷ୍ଟାର ବିପକ୍ଷରେ ଖେଳିବ।
ସୂଚନାଥାଉକି, ସେପ୍ଟେମ୍ବର ୨୦ରେ କୋଣାର୍କସୂରିୟାସ ଓଡ଼ିଶା ବିଜୟରୁ ଆରମ୍ଭ କରିଥିଲା ଅଭିଯାନ। ଏହି କ୍ରିକେଟ ଲିଗ୍ର ପ୍ରଥମ ମ୍ୟାଚ୍ ୨୦ ତାରିଖ ଦିନ ରାଜସ୍ଥାନର ଜୋଦପୁରସ୍ଥିତ ବରକତୁଲ୍ଲା ଖାନ୍ ଷ୍ଟାଡିୟମରେ ଖେଳାଯାଇଥିଲା। ଲୋ ସ୍କୋରିଂ ହେଲେବି ମ୍ୟାଚ୍ ଖୁବ୍ ରୋମାଞ୍ଚକର ଥିଲା। ହେଲେ ସୁରଟର ଲାଲବାଇ କଣ୍ଟ୍ରାକ୍ଟର ଷ୍ଟାଡିୟମରେ ଖେଳାଯିବାକୁ ଥିବା କୋଣାର୍କ ସୂର୍ଯ୍ୟାସ୍ ଓଡ଼ିଶା ଏବଂ ମଣିପାଲ ଟାଇଗର୍ସ ମଧ୍ୟରେ ହେବାକୁଥିବା ମ୍ୟାଚ୍ ବାତିଲ୍ କରାଯାଇଥିଲା। ଲଗାଣ ବର୍ଷା ହେତୁ ମ୍ୟାଚକୁ ସ୍ଥଗିତ ରଖାଯାଇଥିଲା। ମ୍ୟାଚ୍ ବାତିଲ ହେତୁ ଉଭୟ ଦଳକୁ ଗୋଟିଏ ଲେଖାଏଁ ପଏଣ୍ଟ ପ୍ରଦାନ କରାଯାଇଛି।
