ହାଇଦ୍ରାବାଦ: ସିକନ୍ଦରାବାଦରେ ଅଭାବନୀୟ ଘଟଣା । ଏକ ବ୍ୟବସାୟୀକ ବିଲ୍ଡିଂରେ ଭୟାବହ ଅଗ୍ନିକାଣ୍ଡ ଯୋଗୁଁ ୬ଜଣଙ୍କ ମୃତ୍ୟୁ ହୋଇଛି । ମୃତଙ୍କ ମଧ୍ୟରେ ୪ଜଣ ମହିଳା ରହିଛନ୍ତି । ସେହିପରି ଏଥିରେ ଅନ୍ୟ ୬ଜଣ ଆହତ ହୋଇଛନ୍ତି । ଆହତଙ୍କୁ ବିଭିନ୍ନ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି ।

ମିଡିଆ ରିପୋର୍ଟ ଅନୁଯାୟୀ, ଗୁରୁବାର ରାତି ୮ଟାରେ ଏହି ଅଗ୍ନିକାଣ୍ଡ ଘଟିଛି । ସ୍ବାପ୍ନଲୋକ କମ୍ପ୍ଲେକ୍ସରେ ଅଚାନକ ନିଆଁ ଲାଗିବା ପରେ ପୂରା ବିଲ୍ଡିଂକୁ ନିଆଁ ନିଜ କବଳକୁ ନେଇଥିଲା । ନିଆଁକୁ ଆୟତ୍ତ କରିବା ଅଗ୍ନିଶମ ବାହୀନ ପକ୍ଷେ ଅସମ୍ଭବ ହୋଇଥିଲା । ଏହି ନିଆଁ ଓ ଧୁଆଁରେ ଅଣନିଶ୍ବାସୀ ହୋଇ ବିଲ୍ଡିଂରେ କାମ କରୁଥିବା ୬ଜଣଙ୍କ ମୃତ୍ୟୁ ହୋଇଥିଲା । ମୃତକଙ୍କ ମଧ୍ୟରେ ୪ଜଣ ମହିଳା ଥିବା ଜଣାପଡ଼ିଛି।

wp:html

Fire breaks out at Swapnalok complex Secunderabad @TelanganaFire fighters pressed into service pic.twitter.com/QhuXsJClpV

— S.M. Bilal (@Bilaljourno) March 16, 2023

/wp:html

ଘଟଣାସ୍ଥଳରେ ପୋଲିସ ଓ ସ୍ଥାନୀୟ ପ୍ରାଶାସନିକ ଅଧିକାରୀ ପହଞ୍ଚି ତଦନ୍ତ କରୁଛନ୍ତି । ପ୍ରାରମ୍ଭିକ ଯାଞ୍ଚରୁ ସର୍ଟ-ସର୍କିଟ୍ ଯୋଗୁଁ ନିଆଁ ଲାଗିଥିବା ଜଣାପଡ଼ିଛି । ପିଟିଆଇ ରିପୋର୍ଟ ଅନୁଯାୟୀ, ସ୍ବାପ୍ନଲୋକ କମ୍ପ୍ଲେକ୍ସରେ ନିଆଁ ଲାଗିବା ଯୋଗୁ ମୋଟ୍ ୧୨ଜଣ ଲୋକ ଆହତ ହୋଇଥିଲା । ଏମାନଙ୍କ ମଧ୍ୟରୁ 6ଜଣଙ୍କ ମୃତୁ ହୋଇଛି । ଅଗ୍ନିଶମ ବାହୀନି ନିଆଁକୁ ଆୟତ୍ତ କରିଛନ୍ତି ।