ବାରିପଦା ୦୯/୦୩: ସାରନା ଧର୍ମ କୋଡ ବିଲ୍କୁ ମାର୍ଚ୍ଚ ଶେଷ ସୁଦ୍ଧା ଅନୁମୋଦନ ଦାବିରେ ଆଦିବାସୀ ସେଙ୍ଗଲ ଅଭିଯାନ ପକ୍ଷରୁ ଗୁରୁବାର ବାରିପଦା ସହରରେ ମଶାଲ ଶୋଭାଯାତ୍ରା ଅନୁଷ୍ଠିତ। ସେଙ୍ଗେଲ ଅଭିଯାନ ପକ୍ଷରୁ କୁହାଯାଇଛି ଯେ, ପ୍ରକୃତି ପୂଜକ ଆଦିବାସୀମାନଙ୍କ ସାରନା ଧର୍ମ ବିଲ୍କୁ ଝାଡ଼ଖଣ୍ଡ ଏବଂ ପଶ୍ଚିମବଙ୍ଗ ସରକାର ବିଧାନ ସଭାରେ ପାରିତ କରିଛନ୍ତି। ଏହା ସହିତ କେନ୍ଦ୍ର ସରକାରଙ୍କ ପାଖକୁ ସାରନାକୁ ମାନ୍ୟତା ଦେବାକୁ ସୁପାରିସ ପାଇଁ ମଧ୍ୟ ପଠାଇଛନ୍ତି। କିନ୍ତୁ ଏବେ ସୁଦ୍ଧା ରାଜ୍ୟ ସରକାର ସୁପାରିଶ ପାଇଁ କେନ୍ଦ୍ର ସରକାରଙ୍କ ନିକଟକୁ ପଠାଇ ନାହାନ୍ତି। ତେଣୁ ବିଧାନସଭାରେ ଖୁବଶୀଘ୍ର ସ୍ୱତନ୍ତ୍ର ବିଲ୍ ଅନୁମୋଦନ କରି କେନ୍ଦ୍ର ସରକାରଙ୍କୁ ସୁପାରିସ ପାଇଁ ସରକାର ପଠାନ୍ତୁ ବୋଲି ସେଙ୍ଗେଲ ଅଭିଯାନ ସଭାପତି ତଥା ପୂର୍ବତନ ସାଂସଦ ଦାବି କରିଛି।
{"id":755968,"sizeSlug":"full","linkDestination":"none"}![](https://www.prameyanews7.com/wp-content/uploads/2023/03/vlcsnap-2023-03-09-22h57m53s373.png)
ଅନ୍ୟପଟେ ମାର୍ଚ୍ଚ ଶେଷ ସୁଦ୍ଧା ସରକାର ସାରନା ଧର୍ମ କୋଡ ଲାଗୁ ପାଇଁ କେନ୍ଦ୍ରଙ୍କୁ ସୁପାରିସ ନକଲେ ଏପ୍ରିଲ୍ ଜୋରଦାର ଆନ୍ଦୋଳନ ସହିତ ପ୍ରତିବାଦ ହେବ ବୋଲି ଅଭିଯାନ ଚେତାବନୀ ଦେଇଛି। ଏଥିରେ ଓଡ଼ିଶା ସହ ବିହାର, ଝାଡ଼ଖଣ୍ଡ, ପଶ୍ଚିମବଙ୍ଗ, ଆସାମ ପ୍ରମୁଖ ୫ଟି ରାଜ୍ୟରେ ମୁଖ୍ୟମନ୍ତ୍ରୀଙ୍କ କୁଶପୁତ୍ତଳିକା ଦାହ କରି ଜୋରଦାର ବିରୋଧ ହେବ ବୋଲି କୁହାଯାଇଛି। ଏହି ଆନ୍ଦୋଳନକୁ ସଫଳ କରିବା ପାଇଁ ଗୁରୁବାର ବାରିପଦାର ଷ୍ଟେସନ ବଜାରରୁ ରୋଟାରୀ କ୍ଲବ ପର୍ଯ୍ୟନ୍ତ ଏକ ମଶାଲ ଶୋଭାଯାତ୍ରା ସହର ପରିକ୍ରମା କରିଥିଲା। ଏଥିରେ ପୂର୍ବତନ ସାଂସଦ ସାଲଖାନ ମୁର୍ମୁ, କେନ୍ଦ୍ରୀୟ ସେଙ୍ଗଲ ସଂଯୋଜକ ସୁମିତ୍ରା ମୁର୍ମୁ, ଯୁବ ଛାତ୍ର ସଂଯୋଜକ ତିଲକା ମୁର୍ମୁ, ବାରିପଦା ଯୋନାଲ କମିଟିର ସଭାପତି ନାରାୟଣ ମୁର୍ମୁ, ଉପସଭାପତି ବାହାଦୁର ମୁର୍ମୁ ପ୍ରମୁଖ ଯୋଗ ଦେଇଥିଲେ।