vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିଭୋ ଉପରେ ଚଢଉ ନେଇ ଚୀନର ରାଗ, କହିଲା- ‘ବିଦେଶୀ କମ୍ପାନୀଙ୍କ ଇଚ୍ଛା କମିଯିବ…’
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୨୮ କୋଭିଡ୍ ପଜିଟିଭ୍
  • ||
  • ଦେଶରେ ବଢୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୧୮୯୩୦ କରୋନା ପଜିଟିଭ୍
  • ||
  • ଇଂଲଣ୍ଡରେ ଜନ୍ମଦିନ ପାଳିଲେ ଧୋନୀ, କାଟିଲେ କେକ୍ : ପତ୍ନୀ ସାକ୍ଷୀ ସେୟାର କଲେ ଭିଡିଓ
  • ||
  • କେବଳ ସ୍ପାଇସଜେଟ୍ ନୁହେଁ, ଅନ୍ୟ କମ୍ପାନୀର ବିମାନରେ ମଧ୍ୟ ବଢୁଛି ତ୍ରୁଟି : ଯାତ୍ରୀଙ୍କ ସୁରକ୍ଷାକୁ ନେଇ ଚିନ୍ତା
  • ||
  • ୪୧ ବର୍ଷରେ ପାଦ ଦେଲେ କ୍ୟାପ୍ଟେନ୍ କୁଲ୍ : ଟିମ୍ ଇଣ୍ଡିଆକୁ ଜିତାଇଥିଲେ ଦିନିକିଆ ଓ ଟି୨୦ ବିଶ୍ୱକପ୍
  • ||
  • ଜନ୍ମଦିନରେ ଓ୍ୱିମ୍ବଲଡନ୍ ଦେଖିବାକୁ ପହଁଚିଲେ ମାହି, ସାମ୍ନାକୁ ଆସିଲା ଫଟୋ
  • ||

ପ୍ରେମିକର କ୍ଷୁର ଆକ୍ରମଣରେ ବିବାହତା ମହିଳା ଗୁରୁତର, ପ୍ରେମିକକୁ ସ୍ଥାନୀୟ ଲୋକେ ମାରିଲେ ନିସ୍ତୁକ ମାଡ

2/04/2019 at 10:07 PM

ବାଲେଶ୍ବର ୨|୪: ବାଲେଶ୍ବର ଟାଉନଥାନ ଅନ୍ତର୍ଗତ ଦର୍ଜିପୋଖରୀ ଗାଁରେ ଘଟିଛି ଅଭାବନୀୟ ଘଟଣା । ପ୍ରେମିକର କ୍ଷୁର ମାଡରେ ଗୁରୁତର ଭାବେ ଆହତ ହୋଇଛନ୍ତି ଜଣେ ବିବାହିତା ମହିଳା । ତାଙ୍କୁ ଗୁରୁତର ଅବସ୍ଥାରେ ବାଲେଶ୍ବର ସଦର ଡାକ୍ତରଖାନରେ ଭର୍ତ୍ତି କରାଯାଇଛି । ତାଙ୍କ ଅବସ୍ଥା ସଂକଟାପର୍ଣ୍ଣ ରହିଛି । କଟକ ସ୍ଥାନାନ୍ତର ପାଇଁ ଯୋଜନା କରାଯାଉଛି । ସେହିଭଳି ମହିଳାଙ୍କୁ ଆକ୍ରମଣ କରିଥିବା ପ୍ରେମିକକୁ ସ୍ଥାନୀୟ ଗ୍ରାମବାସୀ ଧରି ନିସ୍ତୁକ ମାଡ ମାରିଛନ୍ତି । ଫଳରେ ସେ ବି ଗୁରୁତର ହୋଇଯାଇଛି । ତାକୁ ମଧ୍ୟ ବାଲେଶ୍ବର ସଦର ଡାକ୍ତଖାନାରେ ଭର୍ତ୍ତି କରାଯାଇଛି ।

ସୂଚନାଯୋଗ୍ୟ ଯେ, ବାଲେଶ୍ବର ଖନ୍ତାପଡା ଥାନା ଅନ୍ତର୍ଗତ ବରୁଣ ସିଂ ଗ୍ରାମର ଜଣେ ଯୁବତୀ (ମିଲି) ପ୍ରେମ କରି ବାହା ହୋଇଥିଲେ । ବିବାହ ପରେ ତାଙ୍କର ଏକ ପୁତ୍ର ସନ୍ତାନ ମଧ୍ୟ ହୋଇଥିଲା । କିନ୍ତୁ ମିଲିଙ୍କ ସ୍ବାମୀଙ୍କ ପାଖରେ ଟ୍ରାକ୍ଟର ଡ୍ରାଇଭର ଭାବେ କାମ କରୁଥିବା ପ୍ରଶାନ୍ତ ଦଳେଇଙ୍କ ସହ ମିଲିଙ୍କ ପରକୀୟା ପ୍ରିତି ଆରମ୍ଭ ହୋଇଥିଲା । ଏହା ଜାଣିପାରି ଯମୁନାଙ୍କୁ ତାଙ୍କ ସ୍ବାମୀ ଛାଡି ଦେଇ ଅନ୍ୟତ୍ର ବିବାହ କରିଥିଲେ ।

ଫଳରେ ପୁତ୍ର ସନ୍ତାନକୁ ଧରି ମିଲି ବାଲେଶ୍ବର ଦର୍ଜିପୋଖରୀରେ ଆସି ରହିଥିଲେ । ଟ୍ରାକ୍ଟର ବିକ୍ରି ହୋଇଯିବା ପରେ ପ୍ରଶାନ୍ତ ଦଳାଇ ସୁରତ ଚାଲିଯାଇଥିଲା ।ସୁରତ ଯିବା ପାଇଁ ଯମୁନାଙ୍କୁ ମଧ୍ୟ ପ୍ରଶାନ୍ତ ବାରମ୍ବାର ଡାକୁଥିଲା । କିନ୍ତୁ ଜମୁନା ସେଥିରେ ରାଜି ହେଉନଥିଲେ । କିଛି ଦିନତଳେ ପ୍ରଶାନ୍ତ ସୁରତରୁ ଆସିଥିଲା । ସେ ଜମୁନାକୁ ବାଧ୍ୟ କରୁଥିଲା ତା ସହ ସୁରତ ଯିବା ପାଇଁ । ତେବେ ଜମୁନା ରୋକଠୋକ ମନା କରିଦେବା ଫଳରେ ପ୍ରଶାନ୍ତ ମନରେ ରାଗ ସୃଷ୍ଟି ହୋଇଥିଲା ।

 ଆଜି ସଂଧ୍ୟାରେ ମିଲି ନିଜ ପୁଅକୁ ଟ୍ୟୁସନରୁ ଆଣିବା ବେଳେ ହଲର ମିଲ ପାଖରେ ପ୍ରଶାନ୍ତ ଏକ ଧାରୁଆ କ୍ଷୁର ଧରି ଜଗି ରହିଥିଲା । ମିଲି ସେହି ବାଟେ ଯିବାବେଳେ ତାଙ୍କ ଉପରେ କ୍ଷୁରରେ ଆକ୍ରମଣ କରିଥିଲା । ମିଲିଙ୍କ ବେକ ଓ ଗାଲରେ ଗଭୀର କ୍ଷତ ସୃଷ୍ଟି ହେବା ସହ ପ୍ରଚୁର ରକ୍ତସ୍ରାବ ହୋଇଥିଲା ।

ଏହି ଘଟଣା ସ୍ଥାନୀୟ ଲୋକମାନେ ଦେଖିବାପରେ ଉତ୍ୟକ୍ତ ହୋଇ ପ୍ରଶାନ୍ତକୁ କାବୁ କରିବା ସହ ତାକୁ ନିସ୍ତୁକ ମାଡ ମାରିଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିବା ସହ ପ୍ରଶନ୍ତକୁ ଉଦ୍ଧାର କରିଥିଲା । ଉଭୟ ମିଲି ଓ ପ୍ରଶାନ୍ତକୁ ବାଲେଶ୍ବର ସଦର ଡାକ୍ତରଖାନାରେ ଭର୍ତ୍ତି କରାଯାଇଥିଲା ।ମିଲିଙ୍କ ସ୍ବାସ୍ଥ୍ୟ ଅବସ୍ଥା ଗୁରୁତର ରହିଛି ।

   Related Posts