ଟି-୨୦ ବିଶ୍ୱ କପରେ ସବୁଠୁ ଦ୍ରୁତ ଗତିରେ ବଲ ପକାଇଲେ ମାର୍କ ଉଡ୍, ବ୍ୟାଟର ଗ୍ଲେନ ଫିଲିପ୍ସଙ୍କ ରିଆକ୍ସନ ଭାଇରାଲ

Published By : Prameya-News7 Bureau | November 01, 2022 IST

ନୂଆଦିଲ୍ଲୀ:  ଇଂଲଣ୍ଡର ଦ୍ରୁତ ବୋଲର ମାର୍କ ଉଡ୍ ନ୍ୟୁଜିଲାଣ୍ଡ ବିପକ୍ଷ ମ୍ୟାଚରେ ଟି-୨୦ ବିଶ୍ୱ କପ ୨୦୨୨ର ସବୁଠୁ ଅଧିକ ବେଗର ବଲ ପକାଇଛନ୍ତି । ନ୍ୟୁଜିଲାଣ୍ଡ ଇନିଂସର ଷଷ୍ଠ ଓଭର ଶେଷ ବଲରେ ମାର୍କ ଉଡ୍ ଏହି ବଲ ପକାଇଥିଲେ । ମାର୍କ ଉଡ୍‌ଙ୍କ ଏହି ବଲରେ ଷ୍ଟ୍ରାଇକରେ ଥିବା ନ୍ୟୁଜିଲାଣ୍ଡ ବ୍ୟାଟର ଗ୍ଲେନ ଫିଲିପ୍ସ ଚକିତ ହୋଇଥିଲେ । ଇନିଂସ ଷଷ୍ଠ ଓଭରେ ମାର୍କ ଉଡ୍ ଘଣ୍ଟା ପ୍ରତି ୧୫୦ କିମି ବେଗ ଉପରେ ପାଞ୍ଚଟି ବଲ ପକାଇଥିଲେ ।

ଷଷ୍ଠ ଓଭରର ଶେଷ ବଲରେ ମାର୍କ ନିଜ ସ୍ପିଡରେ ଗ୍ଲେନ ଫିଲିପ୍ସଙ୍କୁ ଚକିତ କରାଇଥିଲେ । ସ୍ପିଡ ଗନରେ ଏହି ବଲର ବେଗ ଘଣ୍ଟା ପ୍ରତି ୧୫୫ କି.ମି ଥିବା ମପା ଯାଇଥିଲା । ଏହା ପୂର୍ବରୁ ମାର୍କ ଉଡ୍‌ଙ୍କ ନାଁରେ ହିଁ ଟୁର୍ଣ୍ଣାମେଣ୍ଟର ସବୁଠୁ ସ୍ପିଡ୍ ବଲ (୧୫୪kmph) ପକାଇବାର ରେକର୍ଡ ରହିଥିଲା ।

wp:html /wp:html

ମାର୍କ ଉଡ୍‌ଙ୍କ ଏହି ବଲରେ କିୱି ବ୍ୟାଟର ଗ୍ଲେନ ଫିଲିପ୍ସ କିଛି କରିପାରି ନଥିଲେ । ବଲ ତାଙ୍କ ବ୍ୟାଟର ଏଡ୍ଜରେ ବାଜି ୱିକେଟ ପଛ ବାଉଣ୍ଡ୍ରୀ ପାର କରିଥିଲା । ତେବେ ବଲର ସ୍ପିଡ୍ ଦେଖି ବ୍ୟାଟର ଗ୍ଲେନ ଫିଲିପ୍ସ ଡରି ଯାଇଥିଲେ ଏବଂ ତାଙ୍କ ଚେହେରାର ରଙ୍ଗ ବଦଳି ଯାଇଥିଲା ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.