କନ୍ଧମାଳ ୧୨।୧୦: କନ୍ଧମାଳ ବାଲିଗୁଡ଼ାରେ ପୋଲିସ-ମାଓବାଦୀ ଗୁଳିବିନିମୟ। ସୁଡ୍ରା ପଞ୍ଚାୟତ କୁନାସାଲୁ ଜଙ୍ଗଲରେ ମାଓବାଦୀ ଏବଂ ଏସଓଜି ଯବାନଙ୍କ ମଧ୍ୟରେ ଗୁଳି ବିନିମୟରେ ଜଣେ ମହିଳା କ୍ୟାଡର ମାଓବାଦୀର ମୃତ୍ୟୁ ହୋଇଛି । ୨୦ରୁ ଅଧିକ ଶସସ୍ତ୍ର ମାଓବାଦୀ ଘଟଣାସ୍ଥଳରୁ ଛତ୍ରଭଙ୍ଗ ଦେଇଛନ୍ତି ।
ସ୍ଥାନୀୟ ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ, ମଙ୍ଗଳବାର ଦିନ ତମାମ କୁନାସାଲୁ ଜଙ୍ଗଲରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଜାରି ରହିଥିଲା। ସର୍ଚ୍ଚ ଅପରେସନ୍ ବେଳେ ବିପୁଳ ପରିମାଣର ନକ୍ସଲ ସାମଗ୍ରୀ ଜବତ କରାଯାଇଥିବା ଜଣାପଡ଼ିଛି । ଆସନ୍ତା ଦିନେ ଦୁଇ ଦିନ ମଧ୍ୟରେ ଜିଲ୍ଲା ମୁଖ୍ୟାଳୟରେ ସାମ୍ବାଦିକ ସମ୍ମିଳନୀ କରି ପୋଲିସ ସବିଶେଷ ସୂଚନା ଦେବ । କିଛ ଦିନ ତଳେ କେ.କେ.ବି.ଏନ୍. ମାଓ ଡିଭିଜନ୍ ର ମାଓବାଦୀ ବାଲିଗୁଡ଼ାର ଖମନଖୋଲ ଅଞ୍ଚଳରେ ପୋଷ୍ଟର୍ ଲଗାଇ ନିଜର ଉପସ୍ଥିତି ଜାହିର କରିଥିଲେ। ମାଓବାଦୀ ଡେରା ପକାଇଥିବା ସୂଚନା ପାଇ ଏସ୍. ଓ.ଜି. ଏବଂ କନ୍ଧମାଳ ପୋଲିସର ସ୍ବତନ୍ତ୍ର ବାହିନୀ ସର୍ଚ୍ଚ ଅପରେସନ୍ ଆରମ୍ଭ କରିଥିଲେ।
